Uumama 3:4 - KITAABA WAAQA

⁴ Ammo bofi waan niitiini jed'e, Laki, akasiniti, indootani.

Uumama 3:4 Referans Kwoze

2 Korintho 11:3

Anini insodaad'a; hegeri qalbiini teesani hamaatte jaalala Kristo qulqullo lakiftani — akuma bofi Hawai malteeni sobe.

Yohana 8:44

Abbaani keesani Sheet'ana, ammalle d'araa abba keesani tolchu feetani. Inni haguma duriiti nama ijeesa, d'ugale woma ira inqabu, waan d'ugaani isa keesa injirreefi. Yo inni d'ara dubbate akuma ufi dubbata; wonti akanatiifi inni kiyyiba, abba d'araati.

1 Timotheo 2:14

Adamuni insobamne, ammo niitiini sobamte, seera Waaqa ch'absite.

2 Korintho 2:11

aka Sheet'ani nu indabsanne; wonti akanatiifi nu malte isaa imbeenna.

Uumama 3:13

AABBO Waaqi waan niitiini jed'e, Wonti atini taate kunini maal? Niitiini waan jetteeni, Bofati na sobe jennaani nyaad'e.

Faaru 10:11

Ch'ubbichi waan ufiini jed'u, Waaqi waan anini tahe kana iyyaalu, inni fuula d'ofate waan tahe laaluu dida!

2 Hayyoota 8:10

Elishani waan jed'eeni, Beeni, AABBO Waaqi yayu aka atini fayya d'aba kana fayyite, ammo eege dootu na garsiise jed'iini.

2 Hayyoota 1:16

waan jed'eeni, wonti AABBO Waaqi sini jed'u tana: Waan atini Baal-Zebubu Waaqa Ekroniti nama ergiteefi — aka waan Israeli keesa Waaqi nami kad'atu injirre — atini amma infayyitu, indoota.

2 Hayyoota 1:6

Worri waan jed'eeni, Nami toko nuni bahe waan nuni jed'e, Beena, hayyu isani ergeti dachaa waan jettaniini, AABBO Waaqi waan jed'u, Atini maanifi nama gara Baal-Zebubu waaqa Ekroniti ergita? Atini waan Waaqi Israeli keesa jiru inseetu? Sire ira ch'iiftu suni fayyite iraa inkaatu, inuma doota!

2 Hayyoota 1:4

Waan atini hayyuuni jettu, AABBO Waaqi waan jed'u sire ira ch'iiftu suni fayyite iraa inkaatu, inuma doota! Eliyaani dubbi AABBO Waaqi isani jed'e guute,

Qaabacha Seera 29:19

Eegad'a, aka nami arra arma jiru tokoleeni, ka dubbi wold'aqisa tana d'agaye garaa ufii keesa ufi sobe, Anini woma intahu, wonti kiyya ch'ufti naa tolti, ato anini mata jabaad'e hereguma kiyya gula deemele jed'u injirre. Heregi sunini isani ch'ufa dadaansafi hamamole akuma taka balleesa.

Uumama 3:3

Waaqi waan nuuni jed'e, Mid'aani mukha wod'aka oobru keesa eju inyaatina, yokhaani inqabatina, yo nyaattani indootani jed'e.

2 Odu duri 18:21

Jinnini waan jetteeni, Anini deeme raagoota Ahabu ch'ufa kiyyibsiisa. AABBO Waaqi waan jed'eeni, Beeni, isa sobi, inni inuma sobama.