Uumama 2:8 - KITAABA WAAQA

⁸ Jennaani AABBO Waaqi lafa Edeni ta ilaboru jirtu keesati oobru fach'aase, nama mid'aase suni keesa kaye.

Uumama 2:8 Referans Kwoze

Ezekieli 28:13

Atini oobru Waaqa ta Edeni keesa qubatte, faaya ch'uch'uluqa gosa heddu naqate: d'akha diima, d'akha adi ch'ulkicha, d'akha baricha, d'akha doti, ch'abbi ch'ululut'u d'akha ch'ulkicha, d'akha bule ch'ulkicha aka dulo dooqa, d'akha doti, d'akha diima d'iiga. Atini ammalle faaya worqi inqabda faaya kana ch'ufa, gaafa si uumani, sii mid'aasani.

Uumama 3:24

Inni namicha oobru keesaa had'e balleese jennaani, oobru Edeni keesa, gama ilaboru, waan lubbu qaba, ka aka malaikatiifi aflameedi bibillit'u ta gara ch'ufa martu kaye, aka akasiini wonti sunini kara mukha jireennati deemu nama iraa eeddu.

Uumama 13:10

Lutuuni mirgaafi bitaa millate, gara galaana Yordani haga lafa Zoari ilaale, aka isiini bisaani dansa qabdu arge, akuma oobru AABBO Waaqa yokhaani lafa Misiri. (Gaafasi gaafa AABBO Waaqi Sodomafi Gomora imballeesini.)

Yoeli 2:3

Duraafi duubale aka ibida mid'aani gubani. Tuuta suni dura lafti oobru Edeni fakaate, ammo worra duuba lafa aloo ta duwa fakaatti. Wonti tokoleeni duraa imbaatu.

Isaya 51:3

Anini Yerusalemufi nama ona isii suni keesa taule, innaha. Ato lafti isii badde raasa taatele anini oobru tolcha, akuma oobru duri anini Edeniti oobre taani. Gammadafi qilit'ama achiti argani faaru na faarsani galata naa deebisani.

2 Hayyoota 19:12

Ababooti tiyya dira Gozanifa, ka Haranifa, ammalle ka Resefufa balleesite, worra Beth-Edeni ka lafa Telasari keesa keesa jiru hobaafte, waaqi worra tokoleeni worra baasu dad'abe.

Uumama 4:16

Akasiini Kainiini fuula AABBO Waaqa duraa kae biraa deeme, lafa Nodi ta Edeniini ilaboru tae.

Ezekieli 31:16

Hojja anini mukha suni boola ekhera keesa buusu, dibbeesi lafa d'aicha isaa gosa ch'ufa chochoosa. Qaariitini isaa suni mukha Edeni ch'ufafi mukeeni Lebanoni ta bisaani burqa gubba ejaanjitu ch'ufa ta boola ekhera d'at'e, guddo gammachiifti.

Ezekieli 31:18

Mukhi sunini hayyu Misiritiifi nama isaa ch'ufa. Mukhi tokoleeni ka Edeni keesa jiru, ka akasi d'eerate mid'aagu, tokoleeni injiru. Ammo amma tana akuma mukeeni Edeni taani, mukhi suni boola ekhera d'aqe, worra Waaqa imbeenneefi ka woraanaani d'umeti darama. Nami waan kana jed'u ana, AABBO Waaqa gudda.

Ezekieli 27:23

Dira Haranitifi ka Kannetifi ka Edenitifi, ka Ashurutifi ka Kilmatiifi, daldaltu Shebaleeni ch'ufti si woliini daldalte.

Uumama 3:23

Tanaafi AABBO Waaqi oobru Edeni keesaa gusse biyye isa iraa mid'aasani qotachiise.