Uumama 2:1 - KITAABA WAAQA

¹ Akanaani uumami lafafi gubba ch'ufumanu qit'ae.

Uumama 2:1 Referans Kwoze

Faaru 33:6

AABBO Waaqi jecha isaatini gubba uume, aduufi jiaafi urjile dubbi ufiitini mid'aase.

Bahisa 31:17

Guyyaani suni akheekha haga jiru jireennati, ka jiddu tiyyafi worra Israeli jiru; wonti akanatiifi anini, AABBO Waaqi, guyya jaa keesati lafafi gubba uume, guyya torbeeso oole hafuura baafad'e.

Bahisa 20:11

Wonti akanatiifi AABBO Waaqi guyya jaa keesati gubba, lafa, galaanafi waan keesa jirale ch'ufa mid'aase, guyya torbeeso hafuura baafate. Tanaafi AABBO Waaqi Sabato eebise qulqullo tolche.

Uumama 1:1

Gaafa qaraa fiit'e, Waaqi lafafi gubba uume.

Isaya 45:18

AABBO Waaqi gubba uume — Waaqi isuma! Inni lafa supe mid'aase, jabeese waan ind'umanne tolche. Inni lafa duwa imid'aasine, ammo fulla nami iti galu tolche. Ammalle inni waan jed'u, Anini AABBO Waaqa, waaqi d'ibiini injiru.

Isaya 42:5

Waaqi gubba uume ballise, lafafi waan keesa jirale ch'ufa mid'aase, hafuura jireenna nama keesa tau ch'ufaa kenne, Duuba ammatana AABBO Waaqi waan hojatu isaatini jed'u,

2 Hayyoota 19:15

Waaqa kad'ate waan jed'e, Ee AABBO Waaqa, Waaqa Israeli, ka barch'uma kanke akheekha waan lubbu qaba ka koola gubbaa teetu, siuma ch'allaati lafafi gubba uume, ammalle lafafi nama ch'ufa fidda.

Isaya 45:12

Nami lafa mid'aase nama isi irati uume anuma. Harka kiyyaani anini gubba dirirse aduufi jiaafi urjileeni harka kiyya keesa jirti.

Faaru 146:6

ka lafafi gubbafi baariinifi waan keesa jira ch'ufa uume heregatu. Inni hojja ch'ufa kakhu ufi guute;

Zekaria 12:1

Tunini dubbi AABBO Waaqi waan Israeli dubbate, AABBO Waaqi ka gubba dirirse, lafa yayabe, namale mid'aase lubbu keesa kaye. Inni waan jed'u,

Faaru 33:9

Inni dubbannaani lafti uumamte, jecha isaa gula wonti ch'ufti mullate.

Nehemia 9:6

Jennaani worri Israeli kad'acha tana kad'ate: Ee AABBO si ch'allati AABBO Waaqa; nami gubbafi urjile uume siuma. Atini lafafi baariinifi waan keesaa jira ch'ufa uumte jireesite wonti gubba jira ch'ufti gajette si kad'ati.

2 Odu duri 2:12

AABBO Waaqa Israeli, ka lafafi gubba uume, maqa isaa ha faarsani! Inni yayu hayyu Daudi ilma qaro kenne, ka qaroomafi hubacha guddo qabu, ka amma Mana AABBO Waaqatifi ka ufile jaaru fed'u.

Ebrania 4:3

Nu, worri d'ugefate, olseenne Waaqa woliini boqonna. Akuma inni jed'e, Anini dalane kakhad'e waan jed'e, Worri kuni haguma jiru boqota anini worraa kurfeese inargatu. Ato hujiini isaa ta duri ta uumama hobaatele inni waan kana la dubbate.

Huji Ergattu 4:24

Duuba gumiini suni waan kana d'ageennaani, garaa tokooni Waaqa kad'ate waan jette, Aabbo gudda, atini Waaqa lafafi gubba uume galaanafi waan keesa jira ch'ufale uumte.

Yeremia 10:16

Waaqi Yakobo aka worraa injiru; isumati waan ch'ufa uume, ammalle worra Israelile isumati fohate gumi ufi tolfate maqaani isaa AABBO Waaqa gudda.

Yeremia 10:12

AABBO Waaqi jabeenna isatini lafa uume; qalbi ufitini inni lafa uume gubbale dirirse.

Isaya 65:17

AABBO Waaqi waan jed'u, Anini lafa hareetifi gubba haraa uuma. Waan duri lafa jira deebiani inqaabatani.

Isaya 48:13

Anini harka kiyyaani lafa yayabe gubba dirirse. Lafafi gubbaleeni hojja anini yaamu maro tokotu d'ufte na dura ejiti.

Qaabacha Seera 4:19

Ufi eegad'a aka ilaalacha keesa seentani waan gubbati gartani adu jia, yokhaani Urjiifa guddiftani kad'atani inhojanneefi. AABBO Waaqi keesani yayu waan kana biyya taani d'ibii kenne, aka worri kad'atu.

Uumama 2:4

Uumami lafafi gubba akasiini tahe. Gaafa AABBO Waaqi lafafi gubba uume,

Uumama 1:10

Waaqi biyye goddu suniini Lafa jed'e, ammalle bisaani wolti deebiani suniini Baariini jed'e; Waaqi wonti kunini dansa arge.

Yeremia 8:2

Fulla sila wolti guurani awaalani, lafeeni sunini akuma huura ufimaa lafa ch'iifti, aduufi jiaafi urji worri kunini jaalate hojate gula yae kad'atu durati afani.

Isaya 55:9

Akuma gubbafi lafti gargari fago jirtu, heregaafi karaani kiyyaleeni keesani iraa fago jira.

Aayubu 12:9

Wonti kunini ch'ufti aka AABBO Waaqi harka ufiitini worra uume imbeetu?

Huji Ergattu 7:42

Duuba akasiini Waaqi worra yaala bahe, aka worri urji gubbaa kad'atu iti lakise, akuma kitaaba raagoota keesati t'aafani, Gosa Israeli, isani ganna afurtama lafa aloo keesati sorio naa inqalle.

Luqaas 2:13

Jennaani malaika suni woliini duuli malaika hedduuni tassa d'ufe, Waaqa guddise waan jed'e:

Isaya 34:4

Aduufi jiaafi urjileeni bulloofte awaara taati. Gubbaani aka woraqata wolti dachaasani wolti deebite baddi. Urjileeni akuma obeensa zabibutifi yokhaani ka oda jidde baddi.

Faaru 104:2

Atini gubba aka waaro ballifte,