Uumama 17:8 - KITAABA WAAQA

⁸ Lafa amma atini iti keessuma tana anini sifi ilmaani teeti kenna. Lafti Kanaani ch'ufti ta ilmaani teeti taati haga jiru jireennale, anileeni Waaqa worraa taha.

Uumama 17:8 Referans Kwoze

Lawi 26:12

Anini isani woliini tae, Waaqa keesani tahe, isanileeni gumi tiyya taatani.

Faaru 105:11

waan jed'eeni, Anini lafa Kanaani sii kenna, isiini hand'ura kanke taati.

Bahisa 6:7

Ammalle anini nama kiyya isani tolfad'e Waaqa keesani taha. Hojja anini tissooma lafa Misiri keesa isani baasu, aka anini AABBO Waaqa keesani beetani.

Uumama 12:7

AABBO Waaqi Abramuti mullate waan jed'eeni, Lafti anini ilmaani teeti kennu kuno tana. Jennaani Abramuuni artiti fulla sorio iti qalani AABBO Waaqaa, ka qara isati mullate, jaare.

Qaabacha Seera 29:13

aka AABBO Waaqi amma tana gumi ufii isani tolche, Waaqa keesani isani tahu, akuma inni isanifi ababoota teesani, Abrahamu, Isaaqofi Yakobooti kakhate.

Qaabacha Seera 26:18

Arra AABBO Waaqi ya gumi ufii isani tolfate, akuma inni duri kakhate; ammalle inni, seera kiyya ch'ufa guuta isaniini jed'a.

Qaabacha Seera 14:2

Isani worra qulqullo ka AABBO Waaqa keesani; inni ya gosa ch'ufa ta lafa gubba jirtu keesaa isani fohate, gumi ufii isani tolfate.

Uumama 13:15

Lafa ati agarte tana ch'ufa siifi ilmaani teeti kenna, haga jiru jireenna teesani taati.

Faaru 105:9

Inni wold'aqisa Abrahamu woliini tolfateefi kakhu inni Isaaqoti kakhate guuta.

Qaabacha Seera 4:37

Waan ababoota teesani jaalateefi inni isani fohate jabeenna isa guddaani lafa Misiri keesaa isani baase.

Uumama 28:4

Inni akuma Abrahamu eebise siifi ilmaani tanteeti eebise lafa atini amma keesa jirtu tana, ta duri inni Abrahamuu kenne, tante tolchinna.

Uumama 13:17

Kai, lafa tana haguma geetunu ke deemi, ilaalad'u, wonti akanatiifi anini ch'ufa sii kenna.

2 Samueli 23:5

AABBO Waaqi d'aloota kiyya akasuma eebisa. Waan anaafi inni wold'aqisa hegeri woliini tolfanne, wold'ageeti haguma jirtu imbannefi kakhu injijiramne wolti kakhanneefi. Woni anini fed'u tanuma, tanumati dabsacha na taha, Waaqileeni tana inuma guuta.

Qaabacha Seera 32:8

Gaafa ka waan ch'ufa ira jiru lafa gosaa qoode, gaafa inni ilmaani namaa gargari baase, inni gosa ch'ufa lafa kenneefi, gumi Waaqa gula.

Henna 25:13

Siifi ilmaani tante haguma jirtani ch'ufa qaalole tiyya taatani, waan atini nama waaqa d'ibi na biraani kad'atu obsu dad'abde, akasiini araarsa worra Israeliti d'ufteeni.

Bahisa 40:15

duuba akuma abba muudde worrale muudi, aka worri qaallu tahe naa hojatu. Muuditiini tunini worraafi d'aloota worrale ch'ufa qaalole tolchiti, haga jiru jireenna.

Uumama 48:4

waan naani jed'e, Anini si daraarse ilmaani tante heddu taati; lafa tanale sifi ilmaani teetii kenna, haga jiru jireennale teesani taati.

Uumama 23:4

Anini keessuma lafa teesani teetu; fulla niiti tiyya iti awaalu nati gurgura.

Ebrania 9:15

Maro waan kanatifi Kristoni nama wold'aqisa haraa kurfeesu tahe, aka worri Waaqi yaame eeba hegeri ta Waaqi kakhate argatu. Wonti woni kuni taatuufi, maro duisi jiruufi ka wollaala wold'aqisa qara jalati tolchani, keesaa nama baasu jiruufi.

Faaru 103:17

Ammo nama AABBO Waaqa sodaatu jaalalti isaa haga jirtu biraa indeemtu, dansumti isaaleeni haga jirtu ch'ufa,

Lawi 16:34

Aada tana haga jiru jireenna guutu malani. Ammalle aada tana ganna ch'ufa keesa guyya toko tolchu malani, aka worra Israeli daba isaani iraa qulqulleesani. Jennaani Musani akuma AABBO Waaqi isaani jed'e kaani tolche.

Bahisa 21:6

abbaani isaa ha fuud'e fulla Waaqa iti kad'atani geese, mikhikila balbalati hirkachiise gurra isaa toko uru, aka inni haga jiru ch'ufa tisse isaa tahu.

Huji Ergattu 7:5

Waaqi lafa suni gaafasi ejata tokole isaa inkennine, ammo Anini siifi d'aloota kanke ka hegeri d'ufuu kenna jed'e iti kakhate ato inni ijoolle ind'alfatini.

Mudhii Yohaannisii 21:7

Nami dabsatu waan kana nara argata: Anati Waaqa isaa tahe, inni ilma kiyya taha.

Uumama 26:24

Halkanuma suni AABBO Waaqi iti mullate waan jed'eeni, Anini Waaqa abba kanke Abrahamuuti. Woma insodaatini, si woliini jira. Anini si eebise ilmaani heddu sii kenna, maro hojattu tiyya Abrahamutiifi.

Uumama 36:7

Wonti inni godaaneefi, waan lafti isaafi Yakobooni keesa jirani iti d'ipatteefi. Horiini worraa gudda, tanaafi woliini yau dad'abani.

Uumama 37:1

Yakobooni lafa Kanaani, ta abbaani isaa duri keesa godaane, qubate ke tae.

Bahisa 13:11

Yo AABBO Waaqi lafa Kanaani, ta inni isanifi abbooti teesani kenna jed'e kakhateeni isani d'ufe,

Bahisa 29:45

Anini worra Israeli keesa tae Waaqa worraa taha.

Bahisa 32:13

Hojattu tante Abrahamufi Isaaqofi Yakobo qaabad'i, ammalle kakhu atini worrati kakhatte, ta atini, D'aloota keesani heddeese aka urji garaa waaqaa tolcha jette, ka ammalle atini d'aloota suni ch'ufa kakhatteefi lafa haga jiru jireenna isanii kenna jette, qaabad'i.

Qaabacha Seera 9:5

Maro dansumafi qajeeluma teesanitifi AABBO Waaqi lafa suni isanii inkennu, ammo maro hameenna worraatifi maro inni kakhu duri ababoota teesani Abrahamufi. Isaaqofi Yakobooti kakhate guutu fed'uufi, inni worra lafa keesaa isaani duraa gussa.

Yeremia 25:5

Worri waan jed'e, Isani nami ch'ufti kara hama kanafi waan hamtu tahuti, jirtani kana iraa deebia, duuba akanaani lafa AABBO Waaqi isanifi ababoota teesani haga jiru jireenna d'aalaa kenne keesa teetani.

Yeremia 31:1

AABBO Waaqi waan jed'u, Guyyaani ind'ufa, ka anini gosa Israeli ch'ufaa Waaqa tahe, worrileeni gumi tiyya tahu.

Uumama 35:27

Yakobooni gara Mamre, ta d'aatu Hebroni, lafa duri Abrahamufi Isaaqooni taani, gara abba isaa d'aqe.

Bahisa 6:4

Anini ammalle wold'aqisa kiyya worra woliini tolfad'e, aka lafa Kanaani, lafa duri worri aka keessuma keesa tae, kennuufi.

Lawi 14:34

Hojja lafa kanaani ta anini isani kennuni baatani, anini mana lafa suni keesa jiru damansa iti buusa,

Henna 10:29

Musani waan Hobabu ilma Yethro, ka gosa Midiani, ka sodda isaatini jed'e, Nu yayu lafa AABBO Waaqi, isanii kenna jed'e taaniti godaanu geenne. Inni yayu kakhate, aka gumi Israeli tana horsiisu, tanaafi atinileeni nu woliini kooti, woliini horraa.

Henna 27:12

AABBO Waaqi waan Musani jed'e, Beeni, gaara Abarimu kori, lafa anini worra Israeliti kennu dawaad'i.

Qaabacha Seera 32:49

Gaara Nebo, ka fulla gareeni Abarimu, lafa Moabu keesa, dira Yeriko gama ilaboru; jiru d'aqi kori, lafa Kanaani, ta anini worra Israeliti kennu, aka dansaa daawad'i.

Qaabacha Seera 34:4

Jennaani AABBO Waaqi waan Musani jed'e, Tunini lafa anini Abrahamufi Isaaqofi Yakobooti kakhad'e, ilmaani teesaniti kenna jed'e. Anini ya sii agarsiise ammo atini achi ingeetu.

Yoshua 1:2

Hojattuuni tiyya Musani ya due: Waan taatu, kai, amma kurfefad'i, siifi gumiini Israeli ch'ufti galaana Yordani taakaa, lafa anini isanii kennuti dabra.

1 Odu duri 16:18

Waan jed'eeni, Anini lafa Kanaani sii kenne, isiini hand'ura ke taati.

Ezekieli 11:20

Duuba worri seerafi aada tiyya ch'ufa gula deeme guuta. Worri gumi tiyya tae, aninileeni Waaqa worraa taha.

Ezekieli 33:24

Namicha, worri dira Israeli ka bade ona tae suni keesati galu, waan jed'u, Abrahamuuni nama toko ch'alla, ammo lafa ch'ufa isaa kennani; nu nama heddu, tanaafi lafti teennuma.

Zekaria 8:8

ilaborutiifi ila galchule woltiini d'ufe, Yerusalemu qubachiisa. Worri gumi tiyya tahe, anileeni Waaqa worraa, ka d'ugaafi qajeelumaani worra fidu, taha.