Uumama 17:13 - KITAABA WAAQA

¹³ Nama d'alate ch'ufa qabuufi malani, akanaani wold'ageetiini teenna nafa keesani ira mullatti, haga jiru jireenna.

Uumama 17:13 Referans Kwoze

Bahisa 12:44

Tisse isani bitattanileeni haga qabanqaba qabdanifiti inyaatini.

Nehemia 5:8

waan jed'e, Qara haga dandeennu oboleyaani teenna ta Yahudi, ta nyaapati ufi gurgurte, hori baamne deebimne, ammo isani amma tana, oboleyaani teesani dabsitani yo, worra isaniti ufi gurguru bitattani! Jaaroleeni taani waan jettu d'abde, akanumati afaani qabate teteete.

Uumama 37:36

Haga inni akasuma bohu, worri gosa Midiani kaani Yusufu Misiri keesati Potifati gurgurate. Potifaani suni huji Farao keesa jira, askartiini mana Farao eeddu ch'ufti isa jala jirti.

Matayo 18:25

Inni baasu dad'amnaani, hayyuuni kaani aka isaafi waan inni qabu ch'ufa, niiti isaatiifi ijoolle isaale gurgurani mure, aka gati suni baasani.

Nehemia 5:5

Nu ch'ufti gosa taka, ijoolleeni teennaleeni oboleyaani, ka nu amma ijoolle teenna tisse tolchinu. Ammalle dubra teenna haga toko yayu gurgurani tisse tolchani. Oobru teenna ch'ufa yayu nami d'ibiini nuraa fud'ate, tanaafi amma nu waan taanu inqamnu.

Bahisa 21:16

Nama nama gurguracha yokhaani tisse tolfacha jed'e hate ha ijeesani.

Bahisa 21:4

Yo nami inni hojatufi nad'eeni fuusise, niitiini suni ilmaani d'alteefile, nad'eenifi ijoolleeni ta abba fuusise suni; tanaafi tissichi suni ha kobuma deemu.

Bahisa 21:2

Yo isani nama Ebrania bitattani tisse tolfattani, inni ha haga ganna jaa tisse isanii tahu; ammo ganna torbeeso gad'iisa, inni ka waan tokole imbaamne ha isani biraa deemu.

Uumama 39:1

Duuba worri gosa Ishmaeli kaani Yusufu fuud'e lafa Misiriti geese, achiti hojattu hayyuu, ka gudda askarti mana isaa eeddu, ka Potifa jed'aniti gurgure.

Uumama 37:27

Koota, fulla akasi worra Ishmaeli kanati gurgurra. Innileeni oboleesuma keenna, d'iigumafi fooni keenna, wonti nu isa ijeemnuufi injirtu. Oboleyaani isaa, Ee jette isa gula deebite.

Uumama 15:3

Ati ijoolle tokole naa inkennine, amma nami na d'aaluyu tissuma tiyya.

Uumama 14:14

Abramuuni aka ilma oboleesa isaa qabani d'ageennaani nama olla isaa ch'ufa ka had'i dandau, nama d'ibba saditiifi kud'ani saddeeti, wolti yaame hayyoota afraani taani haga lafa Dani reebani.

Uumama 9:16

Yo anini ule tiyya ta dumansa keesa mullattu argu, anini wold'aqisa jiru jireenna ka sifi waan lubbu qaba ch'ufa woliini tolfad'u qaabad'a.

Uumama 17:7

Anini wold'aqisa siifi ilmaani teetifi d'aloota d'ufule woliini tolfad'u jabeese, wold'ageetiini teenna ta jiru jireenna taati. Anini Waaqa keetifi ka ilmaani tanteeti taha.

Lawi 22:11

Ammo tisseeni qaallu, ta inni beese ufitini bitate taanaani, yokhaani ta worra isaa keesati d'alate taanaani, sagale qaalluuni argatu dandeete nyaati.