Uumama 12:2 - KITAABA WAAQA

² Anini ilmaani guddo sii kenna, ta gosa guddo taatu. Anini si eebise maqa dansa sii kenna, aka maqa kanketiini namaa eebisani.

Uumama 12:2 Referans Kwoze

2 Samueli 7:9

Anini fulla atini deemte ch'ufa si woliini deeme, nyaapa kanke ch'ufa si duraa balleese, anini gurra gudda aka hayyooti lafa keesa jirtu ch'ufa qabdu sii kenne.

Galatia 3:14

Wonti Kristoni waan kana tolcheefi aka eeba Waaqi Abrahamu kakhate, maro Yeso Kristotiifi gosa d'ibilee kennani, ammalle aka nuleeni maro d'ugefachatiifi Lubbu Waaqi kakhate arganu.

Uumama 18:18

Eegi tana ilmaani isaa gosa guddo taate, gochiti lafa tana ch'ufti worrani eeba argatti.

Uumama 35:11

Waaqi waan jed'eeni, Anini Waaqa Gudda; daraari, ilmaani heddu d'ali. Gochiti hedduuni siraa uumamte, hayyooti hedduuni si keesaa baati.

Uumama 46:3

Anini Waaqa, Waaqa abba keetiti; lafa Misiri d'aqu insodaatini; achiti gosa guddo si tolcha.

Uumama 26:4

Anini ilmaani heddu ta haga urji garaa Waaqa geetu sii kenne lafa tanale ch'ufa ilmaani sunii kenna. Gochiti ch'ufti ilmaani tante gula eeba argatti.

Uumama 24:35

AABBO Waaqi guddo isaa eebise dureesa tolche. Waaqi yayu ree, looni, qarsi, worqi, tisselele ta d'iiratifi ta uwale, gaala, harrele ch'ufa kenneefi.

Galatia 3:7

Isani hubachu maltani aka worri d'ugefacha qabu ch'ufti d'aloota Abrahamu.

Bahisa 1:7

Ammo d'alooti Israeli hore deebane lafa ira dabre lafa suni ch'ufa guute.

Uumama 13:16

Anini d'aloota kanke daraarse aka biyye tolcha; yo dandaani biyye hedani d'aloota keetile hedani.

Uumama 15:5

AABBO Waaqi isa alati baase waan jed'eeni, Me, gubbaa ilaali, yo dandeete urji tana ch'ufa hedi; ilmaani tante hagasi geeti.

Qaabacha Seera 26:5

Duuba AABBO Waaqa durati isani dubbi tana jettani: Ababooni keenna nama gogodaanu, ka gosa Arami, ka worra ufii fud'ate lafa Misiri keesa qubate tae. Worri gaafa achii d'aqe nama diqa, ammo eege gosa guddo irre qabdu tahe.

Bahisa 32:10

Duuba amma na lakisi; anini gugubad'e dallane, d'aqe worra balleesa; ammo sifi d'aloota kanke gosa guddo tolcha.

Uumama 28:14

Isiini aka biyye tana taate, lafa tana mirgaa bitaa fud'atte sifi ilmaani teetiini gochi ch'ufti eeba argatti.

Uumama 27:29

Nami gosa ch'ufa ha si hojate si durati jilbifatu. Oboleyaani tante ch'ufa mohad'i, ilmaani haateti ch'ufa ha si durati jilbifatu. Ka si abaaru ha abaaramu; ka si eebisu ha eebifamu.

Uumama 19:29

Gaafa Waaqi lafa Sodomafi Gomora balleese suni, inni Abrahamu qaabate Lutule nagayaani achi keesaa baase.

Roomaa 4:11

Inni eegi suni qabanqaba qabate, qabanqabaani tunini beesisa Waaqi isaa kenne, ka maro d'ugefacha isaatiifi d'uga isaa heregani agarsiifti, ato inni qabanqaba inqabatini. Tanaafi Abrahamuuni Abba worra Waaqa d'ugefate ka Waaqi d'ugaa heregeefi ch'ufa, ato qabanqaba qabachu d'ibaatele.

Henna 14:12

Anini ch'iisa d'ukuba hama worrati buuse worra balleese, ammo anini sii abba gosa guddo worra ira irre qabdu si tolcha!

1 Hayyoota 1:47

Tana malele jari hayyu hojatu, hayyicha Dauditi olduude, nagaya fuud'e eebiseefi waan jed'e, Waaqi kanke ha Solomoni sira gurra baafachise hayyuma isaale tante iraa guddisuti. Jennaani hayyu Daudini sire isaa irati gajed'e,

Mika 7:20

Atini naasufi jaalala tante ta ind'umanne gumi Yakobotiifi ta Abrahamu garsiifta, akuma atini duri ababoota teennati kakhatte.

Uumama 18:19

Anini isa yayu fohad'e, aka inni ilmaani isaatiifi ababoota isaa gorse, aka worri na ch'aqase waan dansaafi ka qajeela tolchu. Yo worri waan kana tolche, anileeni waan Abrahamuu Intolcha jed'e ch'ufa intolchaafi.

Uumama 24:1

Abrahamuuni amma ya jaare hobae, ammalle waan inni tolchu ch'ufa keesa AABBO Waaqi guddo eebiseefi.

Uumama 25:11

Abrahamuuni due jennaani Waaqi guddo ilma isaa Isaaqo, ka gaafasi worri isaa fulla Eela Beer-Lahai-Roi jiru eebise.

Uumama 26:3

Arma tai, ani si woliini jiraad'e si eebisa. Lafa tana ch'ufa sifi ilmaani teeti kenna. Anini kakhu Abrahamu abba kanketi kakhad'e inguuta.

Henna 22:12

Waaqi waan Balamuni jed'e, Worra kana gula indeemini, ammalle worra Israelile falfalte inabaarini, wonti akanatiifi worri eeba tiyya qaba.

Henna 23:20

Anini yayu Eebisi naani jed'ani, eegi Waaqi eebise anini dandae garaingalchu.

Faaru 107:38

Inni worra eebise daraarse, hori worraale diqaachu d'owe.

Ezekieli 34:26

Anini isii eebise, d'aatu gaara kiyya qulqullo, tisse, gannaafi hagayya roobaafi.

Zekaria 8:13

Ammalle isani, worra Yudatifi ka Israeli! Duri nyaapi woli abaare waan woliini jed'e, Akuma Yerusalemufi Yudaani gaargala argate, Waaqi isani gaargalchinna! Ammo eegi anini taka tana isani baasu, nyaapi kaani akana woli eebisa: Waaqi akuma Yudafi Israeli eebise isani eebisinna! Tanaafi jabaad'a, insodaatina!

Uumama 17:20

Anini kad'acha tante ta waan Ishmaeli la d'agaye, waan kanafi isaa eebise daraarse ijoolle heddu kennaafi. Inni abba jaallaba kud'ani lama tahe, anini d'aloota isaa gosa guddo tolcha.

Aayubu 35:8

Nami maro ch'ubbu tanteetifi gaargala argatu nama aka kanketi, yo waan dansa tolchitele nami qarqaarsa argatu isuma.

Isaya 51:2

Ababo keesani Abrahamufi Sara ta isani d'alte qaabad'a. Gaafa anini Abrahamu yaame inni ijoolle inqabu, ammo anini isa eebise, ilmaani kenneefi daraarse.