Roomaa 2:4 - KITAABA WAAQA

⁴ Hegeri arjoomafi naasufi obsa isaa tuffatta. D'uguma arjooma Waaqa, aka inni daba ira si deebisu fed'u, inagarta.

Roomaa 2:4 Referans Kwoze

2 Petro 3:9

Aabbooni kakhu ufi inuma guuta, aka nami gari sehuniti. Ammo inni guddo isani obsa; wonti akanatiifi inni nama tokole ka badu imfed'u, ammo nama ch'ufa ka daba iraa deebiu fed'a.

Isaya 30:18

Ammo taatule, AABBO Waaqi guddo isani nahu fed'a, waan inni guyya ch'ufa waan d'uga tolchufi inni kurfo jira aka naasu ufi isani garsiisu. Ayyaana isaani, ka obse hojja ch'ufa AABBO Waaqa eegatu.

Bahisa 34:6

Duuba AABBO Waaqi isa dura dabre lalabe waan jed'e, Anini AABBO Waaqa Waaqa eebaafi naasu guddo qabu, ka hure indallanne, ammalle ka d'ugaafi jaalala qabu.

Efessoon 1:18

Wonti anini kad'ad'u, aka qalbiini teesani banamte ifsa isaa argitani, aka isani abdi inni iti isani yaameefi eeba durooma ta inni gumi isaati kakhate hubattani,

Efessoon 2:7

Wonti inni waan kana tolcheefi, aka hojja ch'ufa durooma eeba isaa, ta inni Kristo Yeso keesa qabu, nu agarsiisu.

Efessoon 1:7

Inni d'iiga ufitiini nu bite nu baase, daba keenna nu araarame. Eebiti Waaqa,

Roomaa 3:25

Waaqi ya isa sorio namaa tolche, aka maro d'iiga isatiifi daba namaa araaramani. Araarama kana yo d'ugefatani argatani. Wonti Waaqi Kristo sorio tolcheefi, aka d'uga ufi agarsiisu. Duri Waaqi obse wollaala bira namaa dabre;

Faaru 86:15

Ammo atini, ee AABBO Waaqa, Waaqa naasufi jaalala qabu, ka hurrise indallanne, ka hojja ch'ufa namaa nahe nama jaalatu.

2 Petro 3:15

Aka obsi Aabbo keenna baafama nu tahu qaabad'a, akuma oboleesi keenna Pauloni qalbi Waaqi isaa keenneeni isaanii t'aafe.

Roomaa 11:33

Duroomi Waaqaa waan gudda! Qalbifi hubachaani isaa waan guddo! Eentu waan inni muru beekha? Eentu kara isaa hubata?

Roomaa 11:22

Armati aka Waaqi naasufi jabeenna qabu ingartani. Inni worra jige ingaargalcha, ammo isanii naha, yo isani naasu isaa gula yaatani; ammo yo isani gula iyaane, isanileeni inch'abdani.

Faaru 86:5

Atini nuu dansa, ch'ubbule nu araaramta. Ammalle nama si kad'atu ch'ufa jaalala tante ta ind'umanne garsiifta.

Faaru 78:38

Ato akasile taate Waaqi gumi isaati nahe, ch'ubbu isaani araarameefi, worra hobaasuu dide. Maro heddu inni dallansu ufiitini worra balleesu dide.

Efessoon 2:4

Ammo naasuuni Waaqa guddo; inni guddo nu jaalata;

Abba herega 8:11

Nami maanifi yoosu ch'ubbu tolcha? Maro ch'ubbu worraa hurrisani qorani wollaala iti imurreefi.

2 Petro 3:3

Qaraa fiit'e, hubachu maltani, aka guyya eege, nami gari ka d'araa nafa ufi ch'alla fed'u, gadi d'ufu. Isani koblani

1 Petro 3:20

Lubbuuni tuni ta worra Waaqa ch'aqasu dide, gaafa inni, ato Nuhuni hobolo jaaratu obsaani eege. Nama saddeeti ka hobolo keesa jiru ch'allati bahe.

1 Timotheo 6:17

Dureeyi lafa tanatiini ufi inguddisiina, abdi teesani durooma lafa tanaa, ka nami waan isi aka imbeenne ira inkeyatina, ammo Waaqa ka arjoomaani waan ch'ufa namaa kennu gubba keyad'a jed'iini.

Filipi 4:19

Waaqi kiyya, durooma Kristo Yeso keesa jiru ch'ufaani waan isani feetani ch'ufa isani kenna.

Faaru 10:11

Ch'ubbichi waan ufiini jed'u, Waaqi waan anini tahe kana iyyaalu, inni fuula d'ofate waan tahe laaluu dida!

Mudhii Yohaannisii 3:20

Ch'aqasi! Anini balbala dura eje d'ad'au jira; yo nami qonqo tiyya d'agaye na bane, anini iti olseene, isa woliini nyaad'a, innileeni na woliini nyaata.

1 Timotheo 1:16

ammo maro tanaafi Waaqi ka ana gudda worra dabati nahe, aka Kristo Yesoni obsa ufi narati agarsiisu, aka anini worra hegeri isa d'ugefate jireenna argatu akheekha tahu.

Kolosai 1:27

Heregi Waaqa kana: aka waan guddo mama ka duri d'ossani amma gumi ufiti mullisu. Wonti qara d'ossani suni tana: Kristoni isani keesa jira, wonti kunini aka isani guddinna Waaqa argattani agarsiifti.

Roomaa 6:15

Maani re? Waan nu Seera jala injirre ammo eeba Waaqa jala jirruufi daba tolchina? Hiyyo, akasiiniti.

Roomaa 6:1

Maani jenna re? Aka eebiti Waaqa iti guddattu daba keesa teenna?

Faaru 104:24

Ee AABBO Waaqa, atini waan heddu uumte! Atini qarooma akamitiini waan kana ch'ufa uumte. Wonti atini uumte sunini ch'ufti ya lafa guute.

Kolosai 2:2

Wonti anini waan kana tolchuufi aka garaani worraa jabaate, worri ch'ufti jaalalaani wolti mataqe, dubbi d'uga ta hubachaani d'uga d'uftuuni argatu. Kara kanaani waan Waaqi duri d'osse argatani, wonti sunileeni Kristo.

Efessoon 3:16

Anini Waaqa kad'ad'a, aka inni durooma guddinna ufitiini jabeenna Lubbu Qulqullo ta garaa keesani jabeesitu isanii kennu,

Efessoon 3:8

Anini gumi Waaqa ch'ufa maand'a qit'issu, ammo Waaqi huji gosa d'ibiti Odu Dansa odeesani nati kenne, aka durooma Kristo ka ind'umanne barsiisu,

Roomaa 10:12

Wonti akanatiifi jiddu Yahuditiifi gosa d'ibile wolhanqooni injirtu; Waaqi Aabbo, inni nama ch'ufa imohata, nama isa yaamatu ch'ufa ineebisa.

Ezekieli 16:63

Anini wollaala atini tolchite ch'ufa sii araarama, ammo atini wollaala suni qaabate ch'eerte afaani qabata. Nami waan kana jed'e, AABBO Waaqa gudda.

Yeremia 7:10

Isani waan anini jibbu kana tolchitani d'uftani Mana kiyya keesa na dura ejitani duuba waan naani jettani, Nu nagaya qamna!

Henna 14:18

Anini AABBO Waaqa, hureti indallanu, jaalalti tiyyaleeni haga inqabdu, anini dabafi ch'ubbu ch'ufa namaa araarama. Ammo ha taatuti, anini maro dabafi ch'ubbu worra isaanitifi ijoolle worra gaargalchu illakisu, haga d'aloota sadeesotifi ka afreesole.

Yona 4:2

Waaqa kad'ate waan jed'e, Ee AABBO Waaqa, wonti kunini waan anini gaafa qara worra kiyya jiru jed'eeniti? Wonti anini hurrise kae lafa Tarshishiti baqad'eefi suni! Anini imbeekha, aka atini Waaqa eebafi naasufi obsafi jaalala haga jirtu ind'umanne qabu, ka herega ufii jijire namaa nahu.

Hosea 3:5

Ammo eegi suni guyyaani ind'ufa ka worri Israeli AABBO Waaqa isaanitifi ilma Daudi hayyu isaaniti deebiu. Gaafasi AABBO Waaqa sodaatani waan dansa inni worraa kennu fud'atani.

Faaru 31:19

Wonti atini nama si sodaatu olkeete akami dansa! Nami ch'ufti aka atini dansa imbeekha, aka atini nama si d'ugeefatu jabeesite qorqorattule.

Ezekieli 11:19

Anini garaa haareesafi qalbi hareeti worraa kenna. Anini garaa worraa jajaba aka d'akha suni jijire, garaa laafa ka Waaqaa saalfatu kennafi.

2 Korintho 8:2

Gaargali worri argate guddo worra ilaalate; ammo guddo gammadani arjoomaani namaa wo kennani, ato hiyyeeyi tahanile.

2 Petro 1:11

Kara kanaani aka Finna Aabbo keennafi Qarqaarsa keenna Yeso Kristo ka hegeri argattani isani tolchani.

Mudhii Yohaannisii 2:21

Anini guyya qabeefi, aka isiini daba iraa deebitu, ammo isiini sharmut'oma suni iraa deebiu didde.