Roomaa 2:13 - KITAABA WAAQA

¹³ Maro Seera d'agayaniifi Waaqa durati d'uga inargatani, ammo maro waan Seeri fed'u tolchaniifi d'uga argatani.

Roomaa 2:13 Referans Kwoze

1 Yohona 3:7

Nami tokoleeni isani insobini, ijoolle! Nami waan qajeela tolchu ch'ufti nama d'ugaati, akuma Kristoni ka d'ugaa.

Roomaa 2:25

Yo Seera guute qabanqabaani tante wo sii baati; ammo yo Seera ch'absite qabanqaba qabachu d'ibaatele womaniti.

Galatia 2:16

Ammo nu imbeenna, aka d'ugefacha Yeso Kristotiini d'uga namaa heregani, Seera guutitiini woma keesa injirtu. Wonti nuleeni Kristo Yeso d'ugefanneefi aka d'ugefacha nu Kristo d'ugefanneeni d'uga nuu heregani, ammo Seera guutitiini intaatu. Wonti akanatiifi Seera guutitiini nama tokole d'uga inheregani.

1 Yohona 2:29

Yo isani aka Kristoni d'uga beetani, aka nami waan d'uga tolchu ch'ufti ijoolle Waaqa beetani.

Roomaa 10:5

Wonti Musani t'aafe ta aka nami Seera guutu d'uga argatu tana: Nami waan Seeri jed'uuni tolchu injiraata.

Luqaas 8:21

Ammo inni waan worraani jed'e, Haad'a tiyyaafi oboleyaani tiyya nama dubbi Waaqa d'agaye tolchu.

Roomaa 3:30

Waaqi toko ch'alla; inni maro d'ugefacha worraatiifi worra qabanqaba qabu d'uga heregaafi, akuma suni worra qabanqaba inqabatinile maro d'ugefacha worraatiifi d'uga heregaafi.

Huji Ergattu 13:39

Maro isatiifi nami d'ugefatu ch'ufti waan ch'ufa keesati d'uga argata, ka duri Seera Musa gula nami d'uga argachu indandeenne.

Luqaas 18:14

Waan anini isaniini jed'u, Namichi kuni nama kaani ira mana ufiti d'ugaani gale. Wonti akanatiifi nami ufi guddisu indiqaata, ammo ka ufi diqeesu inguddisani.

Ezekieli 20:11

Anini aadaafi seera kiyya, ka nama gula deemu jireesu, barsiise kenneefi.

Faaru 143:2

Ana hojattu tante qorsumati ingeesini; wonti akanatiifi nami tokoleeni ka si durati ch'ubbu inqamne injiru.

Qaabacha Seera 5:1

Musani gosa Israeli ch'ufa wolti yaame waan jed'eeni, gosa Israeli, Seera anini arra isani kennu ch'ufa d'agaya, barad'a, aka dansaa jabeesa, guuta.

Qaabacha Seera 4:1

Jennaani Musani waan biyyaani jed'e, seerafi waan anini isaani barsiise ch'ufa jabeesa guuta, aka lafa AABBO Waaqi, ababoota teesaniini, isanii kennu fud'attani.

Galatia 5:4

Isani, worri Seeraani aka d'uga hereganiifi feetani, la Kristo iraa ufi kuttani. Isani eeba Waaqa ira ala jirtani.

Roomaa 3:23

nami ch'ufti ya daba tolche guddinna Waaqa hanqate.

Roomaa 3:20

Nami tokoleeni maro waan Seeri fed'u tolchuufi Waaqa ira d'uga inargatu: Seeri aka nami daba tolchu ch'alla nama agarsiisa.

Qaabacha Seera 6:3

Tanaafi isani worri Israeli seera kana d'agaya, guuta! Yo akasi taatani, wonti ch'ufti isaanii tolte nagaya isanii taati, duuba isani lafa aananifi dammi, aka lola yau keesati hortani daraartani, akuma AABBO Waaqi, Waaqi abbooti teesani isaniti kakhate kaani.

Yeremia 11:6

Jennaani AABBO Waaqi waan nani jed'e, Dira Yuda d'aqi, kara Yerusalemu keesa deemi, waan biyyaani jettu, Dubbi wold'aqisa tana ch'aqasa, gula yaa.

Yohana 13:17

Yo isani waan kana beetani tolchitani, ayyaana keesani!

1 Korintho 4:4

Qalbiini tiyya qulqullo, taatule anini, wollaala inqabu ufiini injed'u. Nami na qoru Aabbo.

Yakobo 1:27

Aadaani Aabbo Waaqi d'ugaafi qajeeltu jed'u tana: aka ijoolle abbaafi haad'a inqamneefi nad'eeni d'iirsi iraa due qorqoratani, ufile hameenna lafa iraa ufi d'owani.