Roomaa 12:9 - KITAABA WAAQA

⁹ Jaalalti ha waan d'ugaa taatuuti. Waan hamtu jibba, waan dansa jabeesa.

Roomaa 12:9 Referans Kwoze

Faaru 34:14

ch'ubbu ira deebii, waan dansaa tolchi; garaa kanke ch'ufaani nagaya barbaadi.

1 Petro 4:8

Waan ch'ufa ira woljaalad'a, wonti akanatiifi jaalalti daba heddu d'ossiti.

1 Timotheo 1:5

Wonti nu seera kana baamneefi, aka jaalalti ta garaa dansa keesaa baatuufi ta qalbi dansaafi d'ugefacha dansa keesaa baatu, mullattu.

1 Petro 1:22

Eegi isani amma d'uga guuttani, suniini ufi qulqulleesitani, ammalle oboleyaani teesani aka dansa jaalattani, garaa keesani ch'ufaani aka dansa woli jaalad'a.

1Tasaloonqe 5:21

Waan ch'ufa laalad'a: waan dansa olkeyad'a,

Faaru 101:3

waan hamtule inoobsu. Anini adaba nama Waaqa iraa goru injibba; worra akasi suni waan worri tahu iti ind'iad'u.

Faaru 97:10

AABBO Waaqi nama waan hamtu jibbu injaalata; inni lubbu gumi isaa jabeese qorqorate, harka worra ch'ubbuu jalaa baasa.

Amosi 5:15

Waan hamtu jibba, waan dansa jaalad'a, fulla gaadisa korati d'uga jabeesa. Hegeri AABBO Waaqi worra gosa Yusufu, ka armati hafe, innahaafi.

Ebrania 12:14

Jabaad'a, aka nama ch'ufa nagayaani woliini teetani, jireenna qulqullo barbaaddani; wonti akanatiifi nami tokoleeni, qulqullooma male, Aabbo inargu.

2 Korintho 8:8

Anini seera isanii tolchuuti injiru. Ammo haga biyyiti d'ibiini qarqaaru feete isani agarsiise, duuba aka jaalalti teesani ta d'uga argu fed'a.

1Tasaloonqe 5:15

Qorqorad'a, aka nami tokoleeni haalo woli imfuune, hojja ch'ufa waan dansa wolifi nama d'ibile tolcha.

2 Korintho 6:6

Qulqulloomafi beekhumafi obsafi arjoomaani, aka nu hojattu Waaqa, ya ufi agarsiimne; Lubbu Qulqullofi jaalala d'ugatiifi

Ebrania 1:9

Atini d'uga jaalatte d'ara jibbita. Maro waan kanatifi Waaqi, Waaqi kanke, si fohate, gammada guddinna ka wahela keti ira jiru, sii kenne.

Faaru 119:104

Anini qarooma seera kanke ira argad'e, tanaafi waan hamtu ch'ufa jibba.

Ezekieli 33:31

Duuba gumiini tiyya wolti baate, waan atini jettu ch'aqasu d'ufti, ammo dubbi tante suni tokole gula iyyaatu; isiini akuma sirba worrati jirti, worri tanaleeni iraa deebie sabdooma ufi illakisu.

Mammaasa 8:13

Ch'ubbu jibbitiini AABBO Waaqa sodaacha, anini kiyyibafi ufi saadu jibba. Ammalle waan d'araatifi kara hama infed'u.

Faaru 119:163

Anini dubbi d'ara aka male jibba, ammo seera kanke injaalad'a.

Mammaasa 26:25

Dubbini isa ch'ufti dansa fakaati, ammo atini waan suni ind'ugeefatini; wonti akanatiifi garaa isaa woma hamtu ch'allati guute.

Faaru 55:21

Dubbini isaa damma ira mioofti ammo garaa isaa keesa jibbaati jira; jechi isaa d'ad'a ira laafa, ammo aka goraade nama mura.

Faaru 36:4

Inni hojja sire gubba ch'iisule waan hamtu malata; wonti inni tolchu tokoleeni dansaaniti, inni waan hamtu tokole indidu.

1Tasaloonqe 2:3

Wonti akanatiifi woni nu isani kad'annu wollaalafi d'araa hamtuufi sobisa tokole inqabdu.

Huji Ergattu 11:23

D'umnaani inni eeba Waaqa arge guddo gammade nama ch'ufati hime, aka garaa tokooni Aabbo d'ugefatani.

Yohana 12:6

Inni dubbi tana naasu hiyyeeyitiifi injenne, ammo waan inni hattu tahe, hori subbati naqani guuratuufi jed'e.

Faaru 45:7

atini waan dansaa jaalate waan hamtu jibbita. Tanaafi Waaqi kanke si fohate, hayyu d'ibi ch'ufa ira si muude si gammachiise. Woyaani tante qayyaafi qumbi d'oofti;

Matayo 26:49

Yudani d'umnaani gara Yeso d'aqe, Aabbo, bultiini nagaya? Jed'e d'ungate.

Yakobo 3:17

Ammo qalbiini gubba gadi d'uftu qara qulqullo, ammalle ta nagaya, ta laana, ta nama ch'aqaftu, ta naasufi mid'aani dansa qabdu, ta tuffifi kiyyiba inqamne.