Qaabacha Seera 7:9 - KITAABA WAAQA

⁹ Beekha, AABBO Waaqa keesani ch'allati Waaqa, ka dubbi ufi guutu. Inni wold'aqisa ufi guute, jaalala ufile d'aloota kunki ka nama isaa jaalate seera isaa guutu agarsiisa;

Qaabacha Seera 7:9 Referans Kwoze

Ebrania 10:23

Abdi nu eegannu jabeesiina, waan nu aka Waaqi kakhu ufi guutu heregannuufi.

2 Timotheo 2:13

yo nu d'ugefacha iraa gorrele, inni ka d'ugefatani, waan inni dandae ufi imormanneefi.

2Tasaloonqe 3:3

Ammo Aabbooni ka d'ugaati. Inni isani jabeeseti Sheet'anale isani iraa d'owa.

Danieli 9:4

AABBO Waaqa kiyyati bohe, ch'ubbu gumi tiyya iti hime waan jed'e, Waaqa gudda, atini gudda, nuleeni si guddimna, atini wold'aqisa kanke jabeesite, nama si jaalate dubbi tante guutule hojja ch'ufa jaalata.

1 Korintho 1:9

Waaqa ka wold'aqisa Ilma isaa Yeso Kristo Aabbo keennati isani yaame d'ugefachu malani.

Nehemia 1:5

Ee AABBO Waaqa gubbaa, Waaqa gudda, ka dandae nami sodaa si dura inejine ka nama jaalate seera kanke guutu wold'aqisa woliini tolfatani jabeesitu;

1Tasaloonqe 5:24

Nami isani yaamu jiru waan suni dandae intolcha, inni ka d'ugefatani!

Roomaa 8:28

Nu imbeenna, aka waan ch'ufa keesati Waaqi worra isaa jaalatu, ka inni fed'i ufitiini yaame, waan dansa tolchuufi.

Qaabacha Seera 5:10

Ammo anini d'aloota kunki kunki ka na jaalate seera kiyya guutu jaalad'e nahaafi.

1 Yohona 1:9

Ammo yo daba keenna Waaqati himanne, inni ka d'ugefataniifi ka d'ugaati; daba keenna nu araarame, ch'ubbu teenna ch'ufa qulqulleesa.

Isaya 49:7

Waaqi qulqullooni Israeli, ka worra baasu, waan nama tufatani, ka gochiti ch'ufti jibbite hayyooti hojattu tolfateeni jed'u: Hayyooti si agarte, si dura kaate, sii saalfati; ilmaani hayyootaleeni akasi agarte si durati gajejette si guddifti. Wonti woni kunini taatufi waan AABBO Waaqi hojatu ufi fohate Waaqi qulqullooni Israeli kakhu ufi guutufi.

Yakobo 1:12

Ayyaana nama gaargala obsuuti; eegi ilaalacha dabsate, eebafi jireenna argata, ta Waaqi nama isa jaalatu d'aamate.

2 Korintho 1:18

Waaqi ka d'ugaati, kakhuuni tiyya gara keesani Ee yokhaani Hiyyoniti.

Bahisa 20:6

Ammo anini d'aloota kunki kunki ka na jaalate seera kiyya guutu jaalad'e nahaafi.

Uumama 17:7

Anini wold'aqisa siifi ilmaani teetifi d'aloota d'ufule woliini tolfad'u jabeese, wold'ageetiini teenna ta jiru jireenna taati. Anini Waaqa keetifi ka ilmaani tanteeti taha.

Ebrania 6:18

Duuba waan lamati jira, ta injijiramneefi ta Waaqi dandae irati inkiyyimne.

Faaru 119:75

Ee AABBO Waaqa, anini imbeekha, aka dubbini tante ch'ufti d'ugaa, ammalle aka atini d'uga gula gaargala nati ergite.

Ebrania 11:11

D'ugefachati Abrahamu ijoolle kenne, ato inni guddo jaare, niitiini isaa maseena taatele. Inni aka Waaqi kakhu ufi inch'absine ind'ugefate.

Qaabacha Seera 4:35

Wonti AABBO Waaqi waan kana ch'ufa isani garsiisefi, aka, isa male, waaqi d'ibiini injirre, isani garsiisa.

Tiitoo 1:2

ta jireenna hegeri abdattu barsiiftu worra barsiisu. Waaqi, ka d'ara indubbanne, ya jireenna kana duru nuu kakhate,

1 Korintho 10:3

Worri ch'ufti qit'a mama suni nyaate

1 Korintho 8:3

Ammo nama Waaqa jaalatu Waaqileeni imbeekha.

1 Odu duri 16:15

Wold'aqisa Waaqaa, ka inni haga jiru jireenna tolche, indidina,

Boha 3:23

Jaalalaafi naasuuni sunini diirama ch'ufa hareeti, ammalle guyya ch'ufa injirti aka bari diirama.

Faaru 146:6

ka lafafi gubbafi baariinifi waan keesa jira ch'ufa uume heregatu. Inni hojja ch'ufa kakhu ufi guute;

Uumama 9:15

wold'ageeti anini sifi waan lubbu qaba woliini tolfad'e inqaabad'a; duuba fach'ai bisaani ituma deebie waan lubbu qaba imballeesu.

Uumama 28:15

Ammalle si wahelche, fulla atini deemtu ch'ufati si qorqorad'e, lafa tanati si deebisa. Anini si illakisu, haga waan sii tolcha siini jed'e ch'ufa sii guututi.

Henna 14:18

Anini AABBO Waaqa, hureti indallanu, jaalalti tiyyaleeni haga inqabdu, anini dabafi ch'ubbu ch'ufa namaa araarama. Ammo ha taatuti, anini maro dabafi ch'ubbu worra isaanitifi ijoolle worra gaargalchu illakisu, haga d'aloota sadeesotifi ka afreesole.

Qaabacha Seera 4:39

Tanaafi arra inded'ina qaabad'a AABBO Waaqi Waaqa gubbatiifi lafale, isa male kad'ibini injiru.

Qaabacha Seera 32:4

AABBO Waaqi jaba aka d'akha, ka wonti inni tolchu ch'ufti d'uga. Inni Waaqa d'uga, ka d'ugeefatani, ka qajeelafi d'ugaa tolchu.

Jaallaboota 2:1

Malaikaani AABBO Waaqa Gilgali kaate, Bokimu d'at'e waan worra Israelitini jette, Anini lafa anini ababoota teesaniti kakhad'e isaniini d'ufe, waan jed'e, Anini deebie wold'aqisa isani woliini tolfad'e inch'absu.

1 Hayyoota 8:23

Waaqa kad'ate waan jed'e, Ee AABBO Waaqa Israeli, Waaqi aka kanketi tokoleeni lafafi gubbale injiru! Atini wold'aqisa gumi tanteetiini woliini tolfatani jabeesite, jaalala tante worra garsiifta, hojja worri garaa tokooni si gula yau.

2 Odu duri 6:14

Inni Waaqa kad'ate waan jed'e, Ee AABBO, Waaqa Israeli, Waaqi aka kanketi tokoleeni lafafi gubba injiru! Atini wold'aqisa gumi tante woliini tolfatte jabeesite. Jaalala tante worra garsiifta, hojja worri garaa tokooni si gula yau.

Faaru 103:18

nama wold'aqisa isaa guute seera isaa jabeesu ilakiftu.

Faaru 105:8

Inni wold'aqisa ufii haga jiru jireenna guuta, kakhu inni d'aloota kuma tokoti kakhate.

Yeremia 32:18

Atini nama kunki kunki jaalala garsiifte, ammo maro ch'ubbu abbooti isiitiifi ijoolle gaargalchita. Atini Waaqa guddaa, ka guddo jabeenna qabu: Waaqi guddayaani si.

Qaabacha Seera 32:39

Me amma ilaala, Waaqi d'uga ana, ka d'ibiini injiru. Anini ijeese jireesa, madeese fayyisa, nami tokoleeni na indabsatu.

Jaallaboota 5:31

Ee AABBO Waaqa, nyaapi kanke ha akasuma hobauti, ammo jallaani tante ha akuma biiftu baatu ibsituti! Duuba haga ganna afurtama lafti nagaya argatte.

Nehemia 9:32

Ee Waaqa, Waaqa keenna, guddinni kanke waan akami! Jabeenni kanke akami nama naasise nama mudamsiisa! Atini kara d'ugaatini kakhu duri nu kakhate ch'ufa guuta. Haguma duri bara hayyooti Ashuru nu dabsite haga arrale, nu akasuma gaargala qamna! Hayyootafi jaaroleefi qaaloleefi raagootafi ababootafi gumiini teennaleeni ch'ufti la guddo gaargalte; gaargala keenna gudda suni qaabad'i!

Faaru 36:6

D'ugaani tante akuma gaara d'eerati; d'ugaani atini qorte woini murtuleeni haga d'immu baariini gadi fagaati. Namaafi horileeni harkuma kanke keesa jira.