Qaabacha Seera 17:16 - KITAABA WAAQA

¹⁶ Inni farda heddu inqabaatiini, yokhaani namale lafa Misiriti erge farda imbitatiini; wonti akanatiifi AABBO Waaqi qara, deebitani, achi ind'aqina ya isaniini jed'e.

Qaabacha Seera 17:16 Referans Kwoze

Ezekieli 17:15

Ammo hayyichi Yuda dubbi suni dide, nama Misiriti erge, fardooleefi askarti heddu kad'ate. Inni waan suni inargata? Dandae duraa imbaha? Inni yo wold'aqisa suni ch'abse, dandae duraa imbaha?

Qaabacha Seera 28:68

AABBO Waaqi hobolooni lafa Misiriti isani deebisa, ato qara inni, Deebie achiti isani indeebisu jed'ele. Achiti isani tissooma ufi gurgurtani, ammo nami tokoleeni ka isani bitatu injiru.

Hosea 11:5

Worri nati deebiu dida, tanaafi worri amma lafa Misiriti deebia, ammalle worri Ashuru worra mohata.

Faaru 20:7

Nami gari gaari ufii d'ugeefata. Ka gari fardoole ufii d'ugeefata; ammo nu maqa AABBO Waaqa keenna d'ugeefanna.

1 Hayyoota 4:26

Solomonini maneeni kuma afurtama ta fardi gaari hirkisu iti galu qaba, ammalle fardoole kuma kud'ani lama qaba ka nami yaabatu.

Bahisa 13:17

Faraoni worra Israeli gadi lakimnaani Waaqi, ato karaani lafa Filisti gabaaba taatele, achi worra inqajeelchine; wonti akanatiifi Waaqi waan jed'e, Worri kuni yo nyaapi lafa Misiriti d'aqabe, hegeri garagale booju worra kad'ate Misiriti dachaa.

1 Hayyoota 1:5

Duuba Adoniani, ilmi Hagi, ufi guddise waan ufiini jed'e, Anini hayyu taha; jennaani gaari fardi hirkisufi nama farda yaabatule tolfate, nama shantama ka isa dura yaule tolche.

Bahisa 14:13

Musani waan jed'eeni, Insodaatina, jabaad'a, aka AABBO Waaqi isani baasu arra laala; wonti akanatiifi worri Misiri ka arra agartani kana deebitani haga jiru jireennale ingartani.

Hosea 14:3

Worri Ashuru dandae nu imbaasu, ammalle fardi lolaleeni dandae woma nuraa ind'owu. Nu iti deebine waan harka keennaani boch'ine waaqa jenne inkad'annu. Ee AABBO Waaqa, nami hiyyeeyiini naasu iraa argatu siuma.

2 Samueli 8:4

Daudini askarti isaa nama kuma tokofi d'ibba torba ta fardatifi ammalle nama kuma diddama ta miilaani yaatu qaba. Inni farda gaari hirkisu ka d'ibba toko gahu lakise ka ira hafe ch'ufa nanaafise.

1 Samueli 8:11

waan jed'eeni, Wonti hayyuuni keesani isani tolchu tana. Inni ilmaani teesani guure askarti tolcha; ta gari gaari fardi hirkisuni hojatti, ta gari yaabatu fardati, ta gari farda dura oriti.

2 Odu duri 9:25

Ammalle Solomonini maneeni fardooleeni isaatiifi gaarini isaa iti galu kuma afuri qaba. Ammalle fardoole askartini yaabatu kuma kud'ani lama qaba. Haga toko Yerusalemuti galche, kaani dira d'ibiti gargari qoode.

Bahisa 13:18

Ammo AABBO Waaqi worra kara marto, ka lafa aloo qajeelu, galaana Diimati qajeelche, worri ka lola kurfefate, lafa Misiri keesaa bahe.

2 Odu duri 1:16

Gati bunaqa farda ka Musirifi Kilikia d'ufu ch'ufa hojattu hayyuti harkaa qaba.

Isaya 2:7

Lafti worraa qarsifi worqiini guutamte, wonti worri olikeyate muumme inqabdu. Lafa worraa fardooleeni guute gaarini fardi hirkisu lafa ira dabra.

Yeremia 42:19

Ammalle anini waan jed'e, Ee worra Yuda ka hafe, AABBO Waaqi waan isaniini jed'u, lafa Misiri ind'aqina. Aninileeni amma tana waan kana isaniti hima:

Mika 5:10

AABBO Waaqi waan jed'u, Gaafasi anini fardoole teesani isani iraa fuud'e gaari keesani ka fardi hirkisu balleesa.

1 Hayyoota 5:6

Duuba amma hojattu tante Lebanoniti naa ergi, ha hind'eesa na gadi ch'irtuti hojattuni tiyyaleeni hojattu tante woliini hojati, ammalle hori waan atini baasi jettu ch'ufa anini imbaasafi. Atini imbeeta, nami keenna tokoleeni aka worra keesani ka Sidoni mukha ch'iru imbeekhu.