Obadia 1:20 - KITAABA WAAQA

²⁰ Worri boojiani, ka lafa Israeli mirga jiru, deebie lafa Kanaani haga Sarepta fud'ata. Worri boojiani ka Yerusausalemu, ka Sefaradi tau, dira heddu ka lafa Negebu fud'ata.

Obadia 1:20 Referans Kwoze

Luqaas 4:26

Ammo Eliya nama d'ibiti inergine, niiti d'iirsa inqamne toko ta olla Sarepta lafa Sidoni male.

Yeremia 33:13

Diri lafa gaareenitifi ka lafa golbootifi ka lafa bitaa ta Yudatifi ka lafa Benjaminitifi ollowaani d'aatu Yerusalemutifi dira Yuda keesale, tissituuni akuma duri deebite ree tohati. Nami dubbi tana jed'e, ana AABBO Waaqa.

Yeremia 32:44

Biyyiti oobru bitate, hojja bitani suni tatabe bitani d'uga durati t'aafani beesisa ira kayani. Wonti kunini lafa Benjaminitifi ollowaani d'aatu Yerusalemutifi dira Yudatifi dira lafa gaareenitifi lafa golbootifi lafa Yuda ta bitale ch'ufa keesati taati. Nami dubbi tana jed'e ana, AABBO Waaqa.

Yeremia 33:26

Duuba akuma anini waan kana tolche, akasuma anini wold'aqisa kiyya, ka anini d'aloota Yakobotiifi hojattu tiyya Daudi woliini tolfad'e jabeesa. Anini d'aloota Daudi keesaa nama toko, ka d'aloota Abrahamutifi Isaaqofi Yakobo fidu fohad'a. Anini gumi tiyyaa nahe, worrileeni deebie wo horata.

Yeremia 13:19

Dira Yuda ch'ufa ka bitaa jiru ya marsani, nami tokoleeni dandae inseenu. Worra Yuda ch'ufa ya boojiani lafa d'ibi geesani.

Yeremia 3:18

Israelifi Yudaani takaa taate, wolumaani lafa qara worra iti boojiani, ta mirgati d'ufani, lafa anini duri ababoota isaniti d'aala kenneti galani.

Ezekieli 36:12

Anini isani, gumi tiyya ta Israeli, lafa tanati deebise iti isani qubsisa. Lafti tunini teesani taati, ilmaani teesanileeni deebite imbeeloftu.