Obadia 1:15 - KITAABA WAAQA

¹⁵ Guyyaani AABBO Waaqi dubbi gosa ch'ufa qoru ya d'iaate. Akuma atini nama tolchite sile tolchani, wonti atini tolchite matuma keetiti deebiti.

Obadia 1:15 Referans Kwoze

Habakuki 2:8

Isani nama gosa heddu saamtani, ammo worri nami hafe isani saama; wonti akanatiifi isani nama ijeeftani ammalle nama lafa keesa jirufi dira worrale haatani.

Yakobo 2:13

Waaqi, yo dubbi nama naasu inqamne qoru, isale inahu; ammo naasuuni qorsuma dabsatti.

Matayo 7:2

qorsuma isani namaani qortani isanile qorani; ammalle kiila isani biimitaniini isanile biimani.

Ezekieli 30:3

Guyyaani AABBO Waaqa ya d'iaate, guyyaani sunini guyya dumansa ka gosa ch'ufa balleesani.

Mika 5:15

Ammalle dallansu tiyya guddo keesa gosa na ch'aqasu dide ch'ufa haalo fuud'a.

Yeremia 50:29

T'iyoleeni, Babiloni had'a jed'a. Nama t'iyaafi guubeeni woi had'u beekhu ch'ufa yaama. Dira marsa, nama baqachu fed'u, d'owa. Waan isiini tolchite isumati deebisa, woma isiini nama tolchite isiile tolcha; wonti akanatiifi isiini ana, qulqullo Israeliti kiyyibde.

Faaru 137:8

Ee Babiloni atini imbadda. Ayyaana isaati, ka waan atini nu tolchite si tolchu.

Yoeli 1:15

Guyyaani AABBO Waaqaa ya d'iaate; guyyaani Waaqi Guddaani lafa balleesu. Mudamsu akamiti guyya suni jira!

Ezekieli 35:15

akuma isani gaafa gumi tiyya ta Israeli balleesani kaani iraa gammaddani. Gaareeni Edomu ee lafti Edomu ch'ufti badde ona taati. Duuba akasiini nami ch'ufti aka anini AABBO Waaqa beekha.

Yeremia 49:12

Yo nami gaargala argachu himmalini muduunu gaargalatini d'uge, isani waan gaargala inarganne seetani? Hiyo akasiniti, d'uddani male inteetani!

Jaallaboota 1:7

Adon-Bezekini waan jed'e, Hayyooti torbatama ta quba hagicho ka harkatifi ka miila ira ch'irani d'ieenna hamba mesa kiyya jalaa guurati. Waaqi amma yayu waan anini duri worra tolche na tolche. Yerusalemu isa geesani inni achiti due.

Aayubu 24:1

Waaqi guddaani maafi guyya qorsumma intolchini? Nami isa beekhu maafi guyya suni barbaade d'aba?

Yeremia 51:56

Worri ya Babiloni balleesu d'ufe; askarti isii yayu qabani guube worrale ch'ach'absani. Anini Waaqa waan hamtu balleesu, tanaafi Babiloni waan isii male tolchaafi.

Ezekieli 35:11

Duuba anini, AABBO Waaqi guddaani, amma inkakhad'a, waan isani worra kiyyati dallantani d'iibifatani jibbitaniifi, anini haalo tana imbaasa. Duuba akanaani worri imbeekha, aka anini, maro isani worra woi tolchitaniifi, isani gaargalchu.

Yoeli 2:1

Magalata Sioni irati d'aa; gaara kiyya qulqullo irati arrifad'a! Nami lafa Yuda keesa jiru ch'ufti ha mudamuti! Guyyaani AABBO Waaqa ya d'iaate.

Yoeli 2:11

AABBO Waaqi duula isaati mandie, duuli irre qabu, guddaani muumme inqamne, isa ch'aqasa. Guyyaani AABBO Waaqa suni guyya gudda, ka gaargala gudda qabu! Eentu dandae iraa hafa?

Amosi 5:18

Gaargala keesani worra guyya AABBO Waaqi d'ufu guddise eegu! Guyyaani suni maani isanii baha? Guyyaani suni ufiftu isanii dukana, ifsaniti.

Amosi 5:20

Guyyaani AABBO Waaqaa dukananiti? Ifsa wo tahe? Guyyaani suni ingaandidaa male, inifsa?

Esta 9:25

ammo Estani gara hayyu d'at'e, hayyichileeni dubbi baase, dubbi suni t'aafani, akanaani Hamaniini duisa inni Yahudi malate ufi due — isaafi ilmaani isaale mukha irati fannisani.

Mammaasa 5:22

Dabi nama hama t'urura iti tahe, ch'ubbumani isaa isa qabdi.

Yeremia 12:14

AABBO Waaqi waan jed'u, Anini gosa d'aatu Israeli teetu, ta lafa anini gumi tiyya ta Israeliti kenne balleesite, dubbi iraa qaba. Anini worra hamama suni lafa isaani keesaa aka mukha buqise, Yudale harka worraa jalaa baasa.