Nehemia 9:6 - KITAABA WAAQA

⁶ Jennaani worri Israeli kad'acha tana kad'ate: Ee AABBO si ch'allati AABBO Waaqa; nami gubbafi urjile uume siuma. Atini lafafi baariinifi waan keesaa jira ch'ufa uumte jireesite wonti gubba jira ch'ufti gajette si kad'ati.

Nehemia 9:6 Referans Kwoze

Isaya 37:16

Ee AABBO Waaqa, Waaqa Israeli ka barch'uma kanke ka waan lubbu qabu ka koola gubbaa jiru ira teetu, siuma ch'allati lafafi gubba uume lafafi nama ch'ufa fida.

Uumama 1:1

Gaafa qaraa fiit'e, Waaqi lafafi gubba uume.

Mudhii Yohaannisii 4:11

Aabboofi Waaqa keenna! Atini Guddinnaafi ulfinnafi jabeenna argachu malte. Atini waan ch'ufa uumte, fed'i teetiini wonti ch'ufti uumamte jireenna argatte jed'ani.

Qaabacha Seera 10:14

Gubbaleeni haguma geetunu ta AABBO Waaqa keesaniti: lafafi wonti isii keesa jiraleeni ch'ufti ka isaati,

Qaabacha Seera 6:4

Ee Israeli, d'agaya! AABBO Waaqa keenna male waaqi d'ibiini injiru.

Isaya 44:8

Insodaatina, imudamina, gumi tiyya. Isani haga duritifi haga arrale aka anini waan taha hime imbeetani? Isanileeni amma d'uga tiyya. Na male Waaqi d'ibiini injira? Waaqi irre qabu d'ibiini, ka anini imbeenne, injira?

Isaya 44:6

AABBO Waaqi, ka worra Israeli fide qorqoratu, AABBO Waaqi guddaani waan jed'u, Anini ka qarati, ammalle ke eegeti, ana male waaqi d'ibiini tokoleeni injiru.

2 Hayyoota 19:15

Waaqa kad'ate waan jed'e, Ee AABBO Waaqa, Waaqa Israeli, ka barch'uma kanke akheekha waan lubbu qaba ka koola gubbaa teetu, siuma ch'allaati lafafi gubba uume, ammalle lafafi nama ch'ufa fidda.

Uumama 2:1

Akanaani uumami lafafi gubba ch'ufumanu qit'ae.

Isaya 43:10

Gumi Israeli, isani d'uga tiyya; anini isani fohad'e, aka na male waaqi d'ibiini injirre hubattani. Na male waaqi d'ibiini injiru; durile injiru, takaa tanale injiru.

Mudhii Yohaannisii 14:7

Isiini waan qonqo guddooni jette, Waaqa sodaad'a, guddisa! Wonti akanatiifi hojjaani qorsuma isaa la geete. Waaqa ka lafafi gubbafi galaanafi maddo bisaani ch'ufa uume guddisa!

Faaru 36:6

D'ugaani tante akuma gaara d'eerati; d'ugaani atini qorte woini murtuleeni haga d'immu baariini gadi fagaati. Namaafi horileeni harkuma kanke keesa jira.

1 Hayyoota 8:27

AABBO Waaqa, d'uguma atini lafa irati ingalta? Gubbaleeni ato ballo akami tateele si infuutu, duuba Mani anini jaare kunini akami dandae si fuud'a?

Ebrania 1:3

Inni ifsa guddinna Waaqatiini biliqa, akuma Waaqi jiru innileeni jira, waan uumani ch'ufa dubbi jabeenna isatiini olqaba. Eegi daba nama iraa qulqulleese, inni gubba harka mirga ka Waaqa Guddinna gubba tae.

Ebrania 1:6

Ammalle gaafa Ilma angafa lafaani d'ufe inni waan jed'e, Malaikaani Waaqa ch'ufti ha isa guddiftu.

Isaya 37:20

Ammatana ee AABBO Waaqa keenna, harka worra Ashuru kana keesaa nu baasi, duuba akasiini gochiti lafa keesa jirtu ch'ufti aka atini ch'allaani AABBO Waaqa beeti.

Faaru 86:10

Atini jaba, ammalle waan mama tolchita; siuma ch'allati Waaqa.

2 Hayyoota 19:19

Amma tana ee AABBO Waaqa keenna, harka worra Ashuru kana keesaa nu baasi, duuba akasiini gochiti lafa keesa jirtu ch'ufti, aka atini ch'allaani AABBO Waaqa beetu.

Ezekieli 20:11

Anini aadaafi seera kiyya, ka nama gula deemu jireesu, barsiise kenneefi.

Faaru 146:6

ka lafafi gubbafi baariinifi waan keesa jira ch'ufa uume heregatu. Inni hojja ch'ufa kakhu ufi guute;

Faaru 103:21

Isani worri gubba jajabaani hojattu isaa ta fed'i isaa tolchitu, AABBO Waaqa faarsa!

Faaru 33:6

AABBO Waaqi jecha isaatini gubba uume, aduufi jiaafi urjile dubbi ufiitini mid'aase.

1 Hayyoota 22:19

Ammalle Mikayaani waan jed'e, Amma waan AABBO Waaqi jed'u ch'aqasi! Anini AABBO Waaqa ka barch'uma ufi ira tau gubbati arge, ka malaikaani isa mirgaafi bita isaa enjaanjitu.

Yohana 10:30

Anaafi Abbaani kiyya nama taka.

Uumama 32:2

Inni worra arge, Gumiini tunini gumi Waaqaa jed'e, fulla suni Mahanaimu maqa baase.

Huji Ergattu 4:24

Duuba gumiini suni waan kana d'ageennaani, garaa tokooni Waaqa kad'ate waan jette, Aabbo gudda, atini Waaqa lafafi gubba uume galaanafi waan keesa jira ch'ufale uumte.

Nehemia 9:5

Jari Lawi kunini Yeshua, Kadmieli, Bani, Hashabneya, Sherebia, Hodia, Shebaniafi Pethahiyaleeni waan biyyaani jed'ani: Olkakaa, AABBO Waaqa keesani haga jiru jireenna faarsa! Nami ch'ufti ha maqa isa gudda faarsu, ato faaruni isa geetu jiraachu baatele.

Faaru 24:10

Hayyuuni guddinna kunini eenu? Inni AABBO Waaqa gudda, ka nyaapa ufii dabsatu!

Faaru 102:25

Atini duri lafa uumte harka keetiini gubba mid'aasite.

Faaru 115:15

AABBO Waaqi ka lafafi gubba uume isani eebisinna!

Isaya 45:12

Nami lafa mid'aase nama isi irati uume anuma. Harka kiyyaani anini gubba dirirse aduufi jiaafi urjileeni harka kiyya keesa jirti.

Yona 1:9

Inni waan jed'eeni, Anini nama gosa Ebrania; ammalle anini AABBO Waaqa gubbaa, ka lafafi baariinile uume sodaad'a.

Uumama 1:9

Jennaani Waaqi waan jed'e, Bisaani lafa gubbaa jirani ha fulla tokoti wolti deebiani, aka biyyeeni godduuni mullattu; duuba akuma suni taate.

Qaabacha Seera 32:39

Me amma ilaala, Waaqi d'uga ana, ka d'ibiini injiru. Anini ijeese jireesa, madeese fayyisa, nami tokoleeni na indabsatu.

Faaru 124:8

Qarqaarsi keenna AABBO Waaqa, ka lafafi gubba uume iraa d'ufa.

Yeremia 32:17

Ee AABBO Waaqa gudda, atini irreefi jabeenna kanke guddaani lafafi gubba mid'aasite. Wonti atini indandeenne tokoleeni injirtu.