Nehemia 9:10 - KITAABA WAAQA

¹⁰ Atini waan mama Faraofi hojattu isaatiifi nama lafa isaa ch'ufa durati tolchite, wonti akanatiifi atini, aka worri gumi tante dabse, beeta. Gurri atini gaafasi baafate arrale inuma jira.

Nehemia 9:10 Referans Kwoze

Danieli 9:15

Ee Aabbo Waaqa keenna, atini jabeenna keetiini gumi tante lafa Misiri keesaa baafte, jabeenna kanke suni arrale inuma qaabatani. Nu yayu ch'ubbameni waan hamtu taane.

Yeremia 32:20

Atini duri lafa Misiri keesati waan mamatiifi akheekha woi tolchite, ammalle haga arrale Israelifi gosa d'ibi keesati waan akana kana tolchite, akasiini gurra baafate.

Isaya 63:14

Akuma looni bale marra qabduti bobaasani, akasuma AABBO Waaqi gumi ufi boqochiisa. Inni gumi isaatini deeme, akasiini gurra dansa argate.

Isaya 63:12

AABBO Waaqi, ka irre isaa guddooni waan jabdu Musa tolchisise, bisaani baariini gargari kute, gumi isaa bisaani qile taakisiise, akasiini haga jiru jireenna gurra baafate, me? AABBO Waaqi worra dura deeme, worrileeni aka farda lafa aloo ka ingufanne yae.

Qaabacha Seera 4:34

Waaqi tokoleeni, ka taka deeme nama lafa d'ibi keesaa fuud'e nama ufii tolfate, aka AABBO Waaqi keesani isani lafa Misiri keesaa fuud'e injira? Ila teesani durati inni irre isaatiifi jabeenna isaatini gaargala lolaatiini d'ufe, waan taka nami arge ind'agayinifi waan mama tolche, waan nama sodaachisa heddu tolche.

Bahisa 18:11

Anini amma imbeekha, aka AABBO Waaqi waaqoota ch'ufa ira gudda; wonti akanatiifi inni yayu gumi Israeli harka gosa Misiri, ta worra tufate dabsate, keesaa baase.

Bahisa 5:2

Ammo Faraoni waan jed'e, AABBO Waaqi suni eenu kana, ka anini dubbi isaa d'agaye gosa Israeli gadi lakisu? Anini AABBO Waaqa keesani imbeekhu, ammalle worra Israeli gadi illakisu.

1 Petro 5:5

Akasuma isani kaimi, jaarole saalfachu maltani. Nami ch'ufti ha ufi diqeese woli hojatu; wonti akanatiifi Waaqi worra ufi guddisuuni morka, ammo ka ufi diqeesu ineebisa.

Roomaa 9:17

T'aafiini waan Faraoni jettu, Anini maro waan kanatifi hayyu si tolche, aka jabeenna kiyya si garsiise maqa kiyya lafa ch'ufa barsiisu.

Huji Ergattu 7:36

inni waan mamatiifi akheekha lafa Misiri keesati fulla galaana Shamutiifi ammalle ganna afurtama lafa gamooji keesaleti tolche, akasiini worra baase.

Danieli 5:23

Atini Waaqa gubbati wollaalte, muduunufi qori mana isaa guurte d'ufteeni, duuba siifi jara kanke gugurdafi nad'eeni teetifi gaarayooti tanteleni daad'iini d'uddani, waaqa worqifi qarsifi sibiila diimafi sibiila guraachafi mukhaafi d'akhaani mid'aasani faarsitani — waaqa woma ingarre, ka woma ind'ageenne, yokhaani ka woma imbeenne. Ammo atini Waaqa duafi jireenna kanketifi ammalle waan atini tolchitu ch'ufa harkaa qabu guddisu didde.

Danieli 4:37

Amma anini, Nebukadrezani, hayyu gubbaa faarse ulfeese guddisa, hujiifi karaani isaleeni ch'ufti ka d'ugaati. Inni nama ufi guddisu ch'ufa dandae kiyyiba iraa kuta.

Ezekieli 20:9

Ammo aka gurra kiyya imballeesine worra balleesu dide; wonti akanatiifi anini qara worra worri woliini tau durati, lafa Misiri keesaa isani baasa worraani jed'e.

Faaru 83:18

Worri ha aka atini AABBO Waaqi ch'allaani lafa ch'ufa mohate fidu, beekhuti.

Bahisa 7:1

AABBO Waaqi waan Musani jed'e, Anini Farao durati aka Waaqa si tolcha, oboleesi kanke Harunileeni, aka raaga kanketi, isati dubbata.

Bahisa 3:20

Duuba anini harka kiyya iti olfud'ad'e worra Misiri d'ae waan mama jabdu iti tolcha. Eegi suni inni isani galakisa.

Bahisa 9:16

Ammo wonti anini isani fit'u dideefi, aka isani irre tiyya agartani, gurri kiyya lafa ch'ufaa gahu.

Nehemia 9:16

Ammo ababooti teenna kiyyibde, mata guddifate Seera kanke guutu didde.

Nehemia 9:29

Atini, barsiisa tiyya ch'aqasa jette worra gorsite, ammo worri kiyyibe Seera kanke, ka nami jiraatuni, guutu dide. Worri kiyyibe mata d'aabe si jalaa dide.

Qaabacha Seera 7:19

Gaargala hama isani ila teesaniini gartanifi waan jabdu ka mamatiifi irreefi harka jaba AABBO Waaqi isaaniini baase qaabad'a. Akuma inni worra Misiri gaafasi balleese, akasuma worra isani sodaattani kana ch'ufale balleesa.

Isaya 42:20

Ee worra Israeli, isani waan heddu agartani, ammo gula iyaane, isani gurra inqabdani ammo womaanu ind'ageetani.