Nahumu 3:10 - KITAABA WAAQA

¹⁰ Ammo worra Thebe boojiani lafa d'ibi geesani. Kara ch'ufa keesati ijoolle worraa d'aanani fit'ani. Jara worraa gugurda sansalataani wolti hid'ani boojiani gargari qoodatani.

Nahumu 3:10 Referans Kwoze

Isaya 20:4

Hayyuuni Ashuru nama inni lafa lamaani suni keesaa boojie ch'ufa qulla boojie itiini d'aabata. Worri sunini, diqaafi guddaleeni, kobeefi woya male qulla yae huddu ufi mullise akasiini worra Misiri ch'eersa.

Obadia 1:11

Guyya atini koba ufi d'aabde, ka nyaapi d'ufe waan inni qabu ch'ufa fud'ate, ka ammalle sidiini fullo isaatini seente dira Yerusalemu fud'ate qoodate, atileeni worruma suni fakaatte.

Yoeli 3:3

Worri hit'a buuse, gumi tiyya qoodate; ijoolle d'iiratiifi ta dubrale aka tisse gurgurani, sharmut'afi daad'iini bitatani.

Hosea 13:16

Waan Samariani Waaqa ufii diddeefi isi balleesani, nama isii had'iisa keesati fit'ani, daima worrale lafati d'abbani, nad'eeni worraa ta garaacha qabdule garaa babaqasani.

Boha 2:19

Halkani kana ch'ufa kakaa, AABBO Waaqati boha; AABBO Waaqa durati garaa kanke laafisi aka bisaani tolchi; ilmaani tante ta garaachani mogaa dira ch'ufati hobau jirtu jed'a, naasu isaa kad'ad'a!

Isaya 13:16

Ila worraa durati, ilmaani worraa ch'ach'arasani hobaasani, maneeni worraa saamani, nad'eeni worrale buufatani.

Amosi 1:13

AABBO Waaqi waan jed'u, Worri Amoni ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi gaafa worri lafa d'ibi fed'ata nama had'e, nad'eeni lafa Gileadi ta garaacha qabdule garaa tarsaasani.

Boha 4:1

Worqiini teenna bibilit'uni ya boorajofte; d'akhaani Mana Waaqatini duri jaaranile firfirfame fulla ch'ufa kara keesa ch'iisa.

Isaya 13:6

Laalefad'a, boha! Guyyaani AABBO Waaqaa yayu d'iaate, guyyaani Waaqi guddaani lafa balleesu.

Faaru 137:8

Ee Babiloni atini imbadda. Ayyaana isaati, ka waan atini nu tolchite si tolchu.

2 Hayyoota 8:12

Hazaelini waan jed'eeni, Aabbo, atini maanifi boota? Elishani waan jed'eeni, Waan hamtu atini worra Israeli tolchitu anini imbeekha, atini dira worra jajaba gubde, nama worraa kaima ch'ufa qaqalte, ijoolle worraa ch'ufa ch'ach'arasite, nad'eeni worraa ta garaacha qabdu ch'ufa garaa baqasita.

Aayubu 6:27

Isani hit'a buufatani hiyyeeyi bitatani. Jaala keesani ka isaniti aanule dabsitani waan isaa nyaatani!

Faaru 137:9

Ka daima kanke fuud'e d'akha irati ch'ach'arasu.

Faaru 149:8

hayyoota worraa sansalatani hid'e jara worra gugurda sibiilani hid'e,

Isaya 19:4

Anini worra Misiri harka hayyu hama naasu male worra mohatuti kenna. Dubbi tana ana, AABBO Waaqa guddati, jed'e.

Ezekieli 29:7

Worri siti hirkannaani atini ch'ach'abt'e bobaa worraa woraante, dudda worra kute.