Mudhii Yohaannisii 15:4 - KITAABA WAAQA

⁴ Eennuti sii insodaanne Aabbo? Eennuti maqa kanke inguddimne? Si ch'allati qulqullo. Gochiti ch'ufti d'ufteti si guddiftu. Maro huji tante ta d'uga, ta nami ch'ufti arguutiifi.

Mudhii Yohaannisii 15:4 Referans Kwoze

Faaru 86:9

Gochiti atini uumte ch'ufti d'ufte, si durati gajette, maqa kanke guddifti.

Malaki 1:11

Maqaani kiyya, gosa ch'ufa durati, ka haga muumme lafa tana eje taaniti eju, inguddata. Ammalle fulla ch'ufa maqa kiyyafi hit'aana aarsani sorio qulqullo baasani. Wonti akanatiifi maqaani kiyya gosa ch'ufa durati gudda.

Yeremia 10:7

Eenuti si guddisu dida, ee hayyu gosa ch'ufa? Guddinni waan sii male. Nami aka keeti tokoleeni lafa keesa injiru, nama qaqaro lafa ch'ufaatifi hayyootale keesa.

Faaru 22:27

Gochiti ch'ufti AABBO Waaqa qaabate, fulla jirtu ch'ufa isati deebiti; nami gosa ch'ufa isa dura d'ufe kad'ata.

Mudhii Yohaannisii 11:15

Jennaani malaikaani torbeeso magalata ufi d'oofte, qonqooni guddooni gubbaa baate waan jette, Jabeenni lafaani fidani amma ka Aabbo keennatiifi ka Kristo isaati, inni haga hegeri fida.

Mudhii Yohaannisii 14:7

Isiini waan qonqo guddooni jette, Waaqa sodaad'a, guddisa! Wonti akanatiifi hojjaani qorsuma isaa la geete. Waaqa ka lafafi gubbafi galaanafi maddo bisaani ch'ufa uume guddisa!

Zekaria 14:16

Jennaani nami gosa Yerusalemu haate ka iraa hafe, ganna ch'ufa achi yae AABBO Waaqa Gudda aka hayyu kad'ate jila Hoosa tolfata.

Isaya 25:3

Gochiti jabduuni si faarsite, dira gosa hamtu keesaleti si sodaatani.

Isaya 45:23

Anini yayu kakhu jabdu kakhad'e, dubbini tiyya gara ingaltu: nami ch'ufti d'ufe, na durati jilbifate, aka naa saalfatu nati kakhata.

Mudhii Yohaannisii 4:8

Wonti lubbu qaba suni ch'ufti koola jaa qabdi alaafi keesale ila qabdi halkani guyya sirba illakiftu. Qulqullo, qulqullo, qulqullo, Aabbo Waaqa gudda, ka duri jiru, ka ammalle jiru, ka hegerile jiru jette sirbite.

1 Petro 1:16

Wonti akanatiifi t'aafiini, akuma anini qulqullo isanileeni qulqullo tahu maltani jetti.

Zekaria 2:11

Gaafasi gochiti hedduuni AABBO Waaqati d'ufte gumi isaa taati. Inni isani keesa tae, duuba isanileeni aka inni isaniti na erge beetani.

Mudhii Yohaannisii 16:7

Jennaani anini qonqo fulla waan sorio, irati qalani ta, Aabbo Waaqa gudda! Qorsumaani tante ta d'ugaati jettu d'agaye.

Mudhii Yohaannisii 19:2

Qorsumaani isaa ta d'ugatiifi ta qajeelaati! Inni ya sharmut'iti guddo ta hameenna ufitiini lafa balleesite wollaala iti mure. Waaqi ya maro isiini tissele isaa fit'eefi gaargalche jettu.

Isaya 26:9

Halkani anini herega kiyya ch'ufaani si yaada; gaafa atini lafafi nama keesa taule qoru d'uftu, worri gaafasi waan d'uga barata.

Faaru 89:7

Woldeenna worra qulqullo keesati si ulfeesani, worri suni ch'ufti si sodaata.

Roomaa 15:9

ammalle aka gochiti d'ibiini dandeete, maro naasu isaatiifi, isa faarsitu. Akuma t'aafiini jettu, Tanaafi anini maro teesaniifi gosa d'ibi keesa galata sii deebisa, anini faaru maqa kanketi d'ahad'a.

Hosea 3:5

Ammo eegi suni guyyaani ind'ufa ka worri Israeli AABBO Waaqa isaanitifi ilma Daudi hayyu isaaniti deebiu. Gaafasi AABBO Waaqa sodaatani waan dansa inni worraa kennu fud'atani.

Isaya 6:3

Woli yaamani waan woliini jed'ani, Qulqullo, qulqullo, qulqullo! AABBO Waaqi guddaani qulqullo! Lafti ch'ufti guddinna isaatini guutamti.

Faaru 111:9

Inni gumi isaa balchoomse, wold'aqisa haga jiru jireenna woliini tolfate. Inni qulqullo ammalle jabeenna qaba.

Mudhii Yohaannisii 6:10

Qonqo guddooni iyani waan jed'ani, Waaqa Gudda, qulqullofi ka d'uga! Atini yoomi worra lafaa wollaala iti murte, maro worri nu ijeeseefi worra gaargalchita?

Habakuki 1:12

AABBO Waaqa, atini Waaqa jiru, haguma duriti atini Waaqa kiyya, qulqullo, ka jiru jireenna. Ee AABBO, Waaqa kiyyafi jabeenna kiyya, atini gosa Kaldayo fohatte jabeesite, aka worri nu gaargalchu.

Mudhii Yohaannisii 3:7

Gara malaika gumi Filadelfia waan kana t'aafi: Tunini dubbi nama qulqullotiifi ka d'uga, ka fura Daudi harkaa qabu, ka yo inni bane nami tokoleeni dandae inch'umne, yokhaani yo inni ch'ufe nami tokoleeni dandae imbanne.

Faaru 105:7

AABBOONI Waaqa keenna, jechi isa ka gosa lafa ch'ufaati.

Faaru 99:9

AABBO Waaqa keenna faarsa, gaara isaa qulqullo irati isa kad'ad'a! AABBO Waaqi keenna qulqullo.

Faaru 22:3

Ammo atini Waaqa qulqullo ka barch'uma guddinna gubba teetu, nami worri Israeli faarsu sii.

1 Samueli 2:2

Nami tokoleeni ka aka AABBO Waaqa qulqullo injiru; isa male tokoleeni ka nama jabeese qorqoratu injiru.

Isaya 60:5

Atini waan kana arginaani gammade qilit'amta. Hormaati gosa d'ibi siti d'ufe, baariini gamale wonti worri qabu sii d'ufti.

Yeremia 16:19

Ee AABBO Waaqa, atini irre tiyyafi jabeenna kiyya; nami guyya gaargala na qarqaaru siuma. Gochiti muumme lafati d'ufte waan siini jettu, Ababooti teenna waaqa d'ara, ka harkaani boch'ani, ka woma nama imbaane ch'alla gula yaate.

Isaya 57:15

Anini Waaqa gudda, qulqullo, haga jirule tau. Anini gubba fulla qulqullo taa, ammo nama ch'ubbu iraa deebie ufi diqeesule woliini taa, aka akasiini garaa worraa jabeese abdi kennuufi.

Isaya 24:15

Worri ilaboruleeni isa faarsa. Ammalle nami d'aatu baariini tau AABBO Waaqa Israeli faarsa.

Faaru 99:5

AABBO Waaqa keenna faarsa, barch'uma isaa dura koota, isaa kad'ad'a! Isumati qulqullo!

Faaru 97:8

Worri Sioni gammade, diri Yudaleeni qilit'ama, maro qorsuma tanteetitifi ee AABBO Waaqa,

Faaru 22:23

isani, hojattuuni AABBO Waaqaa isaa faarsa! D'aloota Yakobo, isa guddisa! Worra Israeli, isa ulfeesa!

Yeremia 5:22

Anini AABBO Waaqa; isani maafi na insodaanne? Maafi na durati inholanne? Anini seera baariini maansa tolche lafaani gargari baase seera jiru jireenna ka bisaani indabarre. D'awani ato baariini chochooftele bisaani dandaani seera suni intaakani. D'awani ato dibbiftele dandeete inch'absitu.

Mudhii Yohaannisii 16:5

Anini malaika bisaani ta akana jettu d'agaye: Atini qorsuma tolchite tana keesati ka d'ugaati, Ee Qulqullo, ka ammafi durile jiru.

Mudhii Yohaannisii 19:8

Ya ee jed'ani aka woya boofta adi d'aati keyattu. (Booftaani suni huji d'uga ta worra Waaqa.)