Mika 1:5 - KITAABA WAAQA

⁵ Wonti woni kunini ch'ufti taatuufi, maro wollaala Yakobotiifi ch'ubbu worra Israeliti. Wollaala Yakobo eentu d'ufeeni? Worra Samariatiniti? Ch'ubbu worra Yuda eentu d'ufeeni? Worra Yerusalemutiniti?

Mika 1:5 Referans Kwoze

Amosi 8:14

ammalle nami waaqoota d'ara ta harkaani mid'aasani ta Samariatini kakhate, ka maqa waaqa Danitiini yokhaani maqa waaqa Beershebatiini kakhatu, imbada, inni deebie inkau.

Yeremia 2:19

Hameenni keesani isani gaargalche, badiini isani naraa baddani wollaala isaniti murti. Aka hojja isani na lakiftani na gula deemu diddani, wonti sunini hamtu, herega, arga. Nami dubbi suni jed'e ana, AABBO Waaqa gudda.

Boha 5:16

Wonti nu qara hereganne tokoleeni nu inhamne. Nu waan ch'ubbu hojanneefi amma badiini nu qabatte.

Yeremia 6:19

Ee lafa ch'aqasi! Waan worri woi malateefi anini badi itiini d'ufa; wonti akanatiifi worri dubbi tiyya dide seera kiyya ch'abse.

Yeremia 4:18

Yuda, adabuma keetifi woma atini taateti waan kana sitini d'ufe. Ch'ubbuma teetiti badii tana sitini d'ufe — isiini ya onne si d'oofte si ijeefte.

Yeremia 2:17

Ee Israeli, waan kana isanumati ufitini d'ufeeniti? Ka AABBO Waaqa keesani, gaafa duri inni isaniini godaane lakiftani.

1 Hayyoota 13:32

Dubbini AABBO Waaqi isaani jed'e, ta inni waan sorio irati baasani, ta Betheli keesatifi fulla Waaqa iti kad'atani ta dira Samaria ch'ufa keesale dubbate ch'ufti inuma guutamti.

Amosi 6:1

Gaargala keesani worra Sioni keesa machiini tau, ammalle isani ka gaara Samaria ira teetani lafa teesani nagaya seetani — isani worra gugurda, ka gosa Israeli guddo tana, ta biyyiti qarqaarsa iraa barbaaddu!

Hosea 7:1

Hojja anini worra kiyya ka Israeli fayyise horsiisu fed'u ch'ufa, anini ch'ubbufi hameenna worraa ch'alla arga. Worri wolsobe mana ch'ach'abse woi hate dira keesaleti nama saama.

Yeremia 5:25

Ammo fulla suni, ch'ubbuuni teesani waan dansa kana isani d'owarte.

2 Odu duri 34:3

Ganna saddeeteeso ka hayyuma Yosia, ka inni gaafasile ijoolluma qabu, inni Waaqa ababo isaa Daudi kad'ate arti asi gula deeme. Ganna kud'ani lameeso ka hayyuma isaa, inni fulla waaqa d'ara iti kad'atanifi akheekha waaqa Ashera jed'anitifi akheekha waaqa d'ara d'ibile ch'ufa lafa keesaa balleesiti iti kaye.

2 Odu duri 34:4

Jecha isaa gula, jari isaa waan Baali sorio irati baasani ch'ach'abse, waan hit'aana irati aarsani, ka d'aatu jirale ch'ufa, balleesani akheekha Asheratifi ka waaqa d'ara d'ibile ch'ufa balleesani, bulla isaa awaala worra Waaqa suni sorio baaseti firfirsani.

Isaya 7:9

Worri Israelii worra Samariaa ira injiru, worri Samariaa hayyu Peka ira injiru. Yo d'ugefachaani tante irre inqamne atini jabeennaani inteetu.

Amosi 7:9

Fulla ilmaani Isaaqo iti Waaqa kad'atu balleesani fulla qulqullo Israelile ch'ach'absani. Anini worra hayyu Yeroboamu goraadeeni had'e balleesa.

Mika 1:13

Isani nami Lakishi keesa tau, farda keesani gaariti hid'ad'a. Isani ch'ubbu worra Israeli gula deemtani worra Yerusalemu ch'ubbu keesa buuftani.

1 Hayyoota 11:7

Gaara Yerusalemuni ilaboru irati inni fulla Kemoshi waaqa hama Moabutifi Moleki waaqa hama Amoni iti kad'atani jaare.

1 Hayyoota 16:24

duuba eege gaara Samaria, namicha Shemeri jed'ani toko ira qarsi kuma jaatiini bite. Omrini gaara suni irati dira jaare, maqa isaa Samaria baase, maqa abba gaara suni ka Shemeri jed'ani gula.

Yeremia 23:13

Raagoota lafa Samaria keesa jirtu anini waan hamtu toko irati arge: Worri maqa waaqa Baali jed'anitini fage gumi tiyya kara iraa gorse.

Yeremia 23:14

Ammo anini raagoota Yerusalemu, ta waan hagasi ira hamtu tolchitu, arge: Worri huji sharmut'oma hojate, d'ara dubbate, nama waan hamtu tolchule wahelche; duuba akanaani nami tokoleeni hameenna ufi iraa deebiu dide. Aka kiyyati worri yayu worra Sodomatifi ka Gomora fakaate.

Ezekieli 16:46

Oboleetini tante guddoni Samaria, ta ilmaani isii woliini mirga kanke teetu; oboleetini tante maand'itini sodoma, ta ilmaani isii woliini bita tante teetu.