Mika 1:3 - KITAABA WAAQA

³ AABBO Waaqi fulla isaa qulqullo kae gad'ufe, fiit'e gaareeni d'eertu gubba deema.

Mika 1:3 Referans Kwoze

Amosi 4:13

Ka gaara mid'aase bubbe uumeleeni isuma; ka herega ufii nama barsiisu isuma; ka guyya halkani tolche gaareenile ch'ufa gubba deemu — AABBO Waaqa, ka Abba Waan Ch'ufa jed'aniini.

Isaya 26:21

AABBO Waaqi mana isaa ka gubbati d'ufuu jira, aka nama lafa ch'ufa maro ch'ubbu isaanitifi gaargalchu. Lafti d'iiga d'ossaani gubbati jissani imulifti, nama isi irati ijeesanile deebite ind'ossitu.

Qaabacha Seera 32:13

Inni lafa dirre quubsise, mid'aani oobru nyaachise. Inni d'akha keesaa damma worra quubse qarsa keesaa d'ad'a kenneefi.

Habakuki 3:19

AABBO Waaqi irre tiyya. Inni aka hiddi miila na qajeelche, gufachu na d'owe, gaara gubba na tissa.

Faaru 115:3

Waaqi keenna gubba jira; inni waan fed'u tolcha.

Ezekieli 3:12

Duuba lubbuuni Waaqa oli na fuute. Jennaani qonqo guddo toko ta, guddinna AABBO Waaqa gubba jiru faarsa, jettu ufi duubati d'agaye.

Isaya 25:10

AABBO Waaqi gaara Sioni qorqorata, ammo worra Moabu, akuma ch'idi d'oqe looni keesati d'id'itani, d'id'itani.

Aayubu 40:12

Worra suni ilaali, kiyyiba iraa galchi; fulla ch'ubbichi eju isa bulleesi.

Qaabacha Seera 33:29

Ee Israeli, isani gammachu akami qabdani! Gochiti aka teesani tokoleeni injirtu ta AABBO Waaqi baase. Wonteefi goraadeeni teesani, ta nyaapa isani ira d'owarte isani dabsachiiftu AABBO Waaqa. Nyaapi keesani, lubbu nu baasa jed'e isani kad'ata, ammo isani ira ejaanjaattani.

Zekaria 14:4

Gaafasi inni Gaara Ejersa, ka Yerusalemu ilaboru, gubba eja. Duuba gaara suni ilaboruti fuud'ani, ila galchuti d'aabani, gargari tarsaasani, bale jiddu baasani, aka gaari sunini gami toko mirga deeme, gami kaani bita deemu.

Amosi 9:5

AABBO Waaqi Guddaani lafa tuqe chochoosa, nami keesa tau ch'ufti imboha. Lafti ch'ufti aka galaana Misiri fach'aate deebiti.