Matayo 5:3 - KITAABA WAAQA

³ Ayyaana worra aka garaa keesa hiyyeeyi ufi beekhu: Finni Waaqa ka worraati!

Matayo 5:3 Referans Kwoze

Isaya 66:2

Nami lafafi gubba uume anumaniti? Nami anini iraa gammadu, nama ufi diqeese ch'ubbu lakise, na sodaate naa saalfatu.

Mammaasa 29:23

Kiyyibi si balleesa, ammo yo atini kiyyibu baate gurra dansa argata.

Faaru 34:18

Nama ufi jibbaate AABBO Waaqi iti d'iaat'e, ka abdi womatu inqamnele baasa.

Mammaasa 16:19

Nami hiyyeesi, ka ufi inguddimne, kiyyibaa hori saame qoodatu ira gooma.

Luqaas 18:14

Waan anini isaniini jed'u, Namichi kuni nama kaani ira mana ufiti d'ugaani gale. Wonti akanatiifi nami ufi guddisu indiqaata, ammo ka ufi diqeesu inguddisani.

2 Odu duri 7:14

ammo yo worri ufi diqeese na kad'ate waan hamtu qara tolche iraa deebie, anini gubbati worra ch'aqase ch'ubbu worraa araaramefi lafa worrale daraarsa.

Faaru 51:17

Ee Waaqa, sorioni tiyya garaa laana ka anini si gulaani deemu; atini garaa laana, ka ch'ubbu iraa deebiu, indiddu.

Isaya 57:15

Anini Waaqa gudda, qulqullo, haga jirule tau. Anini gubba fulla qulqullo taa, ammo nama ch'ubbu iraa deebie ufi diqeesule woliini taa, aka akasiini garaa worraa jabeese abdi kennuufi.

Yakobo 2:5

Ch'aqasa oboleyaani tiyya! Waaqi hiyyeeyi lafa tana fohate, aka d'ugefachaani duroomte, finna inni worra isa jaalatu d'aamate argattu.

Isaya 61:1

AABBO Waaqi guddaani yayu lubbu isaatini na guute. Inni yayu na muude na erge, aka anini odu dansa hiyyeeyiti odeese, nama guddo garaani laalala qabu fayyise, nama hid'aansa keesa jiru ha hiikhaani jed'e, nama hid'anile hiikha.

2 Odu duri 34:27

Ch'ubbu iraa deebite, na durati ufi diqeesite, woya tante tatarsaafte boote, gaafa atini aka anini Yerusalemufi nama isii ch'ufa imballeesa jed'e sodaachise d'ageete. Anini kad'acha tante yayu d'agaye,

Mika 6:8

Hiyo akasiniti; AABBO Waaqi waan dansa nu tolchuu malle ya nuti hime. Wonti inni nuraa fed'u tana: aka waan d'uga qajeeltu tolchani, jaalala ind'umanne nama garsiisani, ufi saadu lakisani Waaqa woliini taani.

Luqaas 11:28

Ammo waan Yesoni jed'eeni, Nami dubbi Waaqa d'agaye guutu, ha hagami eeba argatu!

Faaru 112:1

AABBO Waaqa faarsa! Ayyaana isaati ka AABBO Waaqa sodaatu, ka hojja seera isaa guutu gammadu.

Faaru 1:1

Ayyaana isaati ka mala worra ch'ubbutitifi akheekha worra dabaatiifi dubbi worra Waaqa tufatulle jibbe iti d'iaachu didu.

Aayubu 42:6

Tanaafi anini amma waan jed'e kaani ch'ufa iraa ch'eere, daarafi awaara keesa tae, ch'ubbu tiyya iraa deebia.

Matayo 11:25

Hojja suni Yesoni waan jed'e, Anini galata sii deebisa, Ee Aabbo, Abba lafafi gubba, waan atini waan kana worra qalbi qabuufi worra wo barate d'ossite ijoolle didiqoti mullifteefi.

Luqaas 4:18

Lubbuuni Aabbo na gubba teeti. Inni ya na muude aka anini odu dansa hiyyeeyiti odeesu. Inni ya na erge aka worra hid'ani waan hiikhaansa himu, aka ballaleeni lafa argu, aka nama gaargalchani gaargala keesaa baasani,

Mariko 10:14

Yesoni waan kana arginaani dalane waan worraani jed'e, Ijoolleeni ha nati d'uftuuti, ind'owiina; wonti akanatiifi ijoolle akana tanati Finna Waaqa qaba.

Matayo 13:16

Ammo ayaana keesani ka ilti teesani lafa gartu, gurri keesanileeni woi d'agayu.

Isaya 30:18

Ammo taatule, AABBO Waaqi guddo isani nahu fed'a, waan inni guyya ch'ufa waan d'uga tolchufi inni kurfo jira aka naasu ufi isani garsiisu. Ayyaana isaani, ka obse hojja ch'ufa AABBO Waaqa eegatu.

Faaru 146:5

Ayyaana isaati ka Waaqi Yakobo qarqaare, innileeni AABBO Waaqa ufi,

2 Odu duri 33:12

Gaargali sunini isa qabate jennaani kiyyiba qara kaani lakise, AABBO Waaqati deebie naasu kad'ate.

Faaru 41:1

Ayyaana isaati ka hiyyeesaa nahu; hojja inni gaargala qabu AABBO Waaqati isaa qarqaara.

Faaru 2:12

holad'a, isa durati ga jejed'a; aka inni hurre isaniti dallane, isani yoosu indoone. Ayyaana worra AABBO Waaqati d'eete qarqaarsa ira barbaaduti.

2 Odu duri 33:23

Ammo inni, aka abba isaa, kiyyiba lakise, garaa laafe AABBO Waaqati indeebine; inni abba isale ira ch'ubbu tolche.

Yakobo 1:12

Ayyaana nama gaargala obsuuti; eegi ilaalacha dabsate, eebafi jireenna argata, ta Waaqi nama isa jaalatu d'aamate.

Yohana 20:29

Yesoni waan jed'eeni, Atini na arginaani d'ugefatte? Ayyaana worra ka ato inargiini d'ugefatu jed'e.

Matayo 24:46

Hojattuuni suni guddo gammada, yo abbaani isaa isa hojachu jiru worrati galu.

Faaru 84:12

Ee Waaqa gudda, nami si d'ugeefatu gammada akami qaba!

Qaabacha Seera 8:2

Aka AABBO Waaqi keesani ganna afurtama kana, lafa aloo ta gamooji tana keesa isaaniini deeme, qaabad'a; inni aka isani ilaalatu gaargala isaniti erge, aka waan garaa keesani keesa jirafi aka isani seera isaa guuttani beekhu.

Yakobo 1:10

oboleesi dureesileeni ha akasuma tolchu, yo Waaqi wo d'owe. Wonti akanatiifi dureesi aka daraara buuyo goga.

Mammaasa 8:32

Ilmaani tiyya, amma na ch'aqasa, dubbi tiyya jabeesa, duuba gammada argatani,

2 Odu duri 33:19

Kad'acha isaatiifi aka Waaqi kad'acha suni d'agayeefi ch'ubbu inni ato qara iraa indeebiini tolcheefi — waan hamtu inni tahe, ka inni fulla waaqa d'ara iti kad'atani jaare, akheekha Ashera mid'aase Waaqa d'ara ka inni kad'atele — waan kana ch'ufa kitaaba odu raagoota keesati t'aafaniti t'aafani.

Mudhii Yohaannisii 22:14

Ayyaana worra woya ufi miich'ate qulqulleesu. Akasiini mid'aani mukha jireenna iraa nyaatani, Fullo diratiini olseenani.

Mudhii Yohaannisii 19:9

Jennaani malaikaani waan naani jette, Waan kana t'aafi: Ayyaana worra fuud'a Ilme Hoolati yaamani. Malaikaani waan jette, Tunini dubbi d'uga ta Waaqi dubbate.

Matayo 25:34

Duuba Hayyuuni waan hooliye harka mirgatiini jed'u, Abbaani kiyya ya isani eebise, koota, guddinna haga lafa uumani isani mid'aasani seena.

Faaru 128:1

Ayyaana isaati, ka AABBO Waaqa sodaate kara isaa gula deemu.

Matayo 11:6

Ayaana nama diqole na ind'arefanne.

Matayo 8:11

Me ilaala, nami hedduuni mirga bitaa d'ufe Abrahamufi Isaaqofi Yakobo woliini Finna gubba keesa taani.

Matayo 3:2

Daba iraa deebia, Finni gubba ya, d'iaate.

Matayo 19:14

Yesoni waan jed'e, Ijoolleeni ha nati d'uftuuti, ind'owiina, Finni gubba ka nama akana kana.

Luqaas 22:29

Akuma abbaani kiyya hayyuma naa qoode, anileeni isanii qooda.

Luqaas 22:30

Isani mesa kiyya gubbati nyaattani d'uddani, barch'uma guddinna ira teetani gosa kud'ani lama ta Israeli qortani.

Mudhii Yohaannisii 3:17

Atini, Anini dureesa, waan ch'ufa inqaba ufiini jetta. Ammo atini aka gaargalafi d'ipu qabdu ufi ingartu. Atini hiyyeesa, qulla deemta, lafa ingartu.