Matayo 26:39 - KITAABA WAAQA

³⁹ Diqo dura deeme fuula durati lafaani ufi d'ae, Waaqa kad'ate waan jed'e, Aabbo kiyya yo dandeete mudunu tana nara fuud'i, fed'i tiyyaaniti ammo fed'i tante gula.

Matayo 26:39 Referans Kwoze

Yohana 6:38

Wonti anini gubbaa gadi d'ufeefi aka fed'i tiyya guutuuniti, ammo aka fed'i nama na erge guutu.

Filipi 2:8

ufi diqeese, duale ee jed'e fud'ate dua maskali gubba.

Matayo 26:42

Maro lameeso Yesoni deeme, Waaqa kad'ate waan jed'e, Yo mudunu tana haga anini d'uguti naraa imfuune, fed'iini tante ha taatuuti.

Ebrania 5:7

Gaafa lafa jiru, Yesoni qonqo guddofi imimaaniini aka male Waaqa kad'ate, ka dandae duisa keesaa isa baasu. Waan inni Waaqa sodaateefi Waaqi isa d'agaye.

Yohana 5:30

Anini dandae ufiti woma intolchu: aka Waaqi nati himu gula qora; qorsumaani tiyya ta d'ugaati; wonti akanatiifi anini fed'i tiyya inbarbaadu ammo fed'i abba na erge barbaada.

Yohana 14:31

Ammo nami lafaa aka anini Abba jaalad'u beekhu male, tanaafi anini waan ch'ufa akuma inni tolchi naani jed'e tolcha. kaa armaa nu yaasa.

Yohana 18:11

Yesoni waan Petroni jed'e, Goraade tante qalqalati deefad'u, mala keti, muudunu gaargala ta Aabbooni naa kenne anini ind'ugu? jed'e gaafate.

Yohana 11:41

Duuba d'akha suni iraa gangalchani. Yesoni olmillate waan jed'e, Aabbo, galata sii deebisa, waan atini na d'ageetuufi.

Matayo 20:22

Yesoni waan worraani jed'e, Isani waan kad'attani imbeetani. Isani dandeetani mudunu anini keesa d'ugu ind'uddaniini? Indandeenna jed'aniini.

Henna 16:22

Ammo Musafi Harunini lafati gajejed'ani waan jed'ani, Ee Waaqa, ka lubbu nama ch'ufa harkaa qabdu, hojja nami toko ch'ubbu tolche atini gumi ch'ufati dallanta?

Matayo 24:24

Wonti akanatiifi Kristo d'aratiifi raagi d'ara ind'ufa, akheekhafi waan mama heddu tolchani, aka worra Waaqi fohate sobani, yo sila dandaani.

Ezekieli 1:28

ifsa bifa ule Waaqaa ch'ufa qabuuni fulla ch'ufati ifsite. Kunini ifsa bibiliqu, ka aka AABBO Waaqi arti jiru, garsiisu. Anini waan suni ch'ufa arginaani isa durati lafaani ufi d'ae qonqo nami dubbatu d'agaye.

2 Samueli 15:26

Ammo yo inni infeene womaniti, ha waan fed'u na tolchu.

Henna 14:5

Duuba Musafi Harunini worra Israeli durati gajejed'ani.

Mudhii Yohaannisii 19:10

Anini miila isiti jige isii guddise, ammo isiini waan naani jette, Lakisi, anini hojattuma aka keetiiti, ammalle aka oboleyaani teeti, worra d'uga Yesoni mullise jabeesu ch'ufa. Waaqa guddisi! Wonti akanatiifi d'uga Yesoni mulliseti raagoota dubbachiisa.

1 Odu duri 21:16

Daudini malaika goraade qabdu, ta kurfo jirtu aka Yerusalemu balleesitu, gubba qilleensa keesati arge. Jennaani Daudifi jaaroleeni Israeli, ta worri ch'ufti ch'arqi naqatu, lafati gajejed'ani addaani lafa tuqani.

Uumama 17:3

Abramuuni Waaqa dura gajed'e, Waaqi waan jed'eeni,

Huji Ergattu 10:25

Ato Petroni mana seenu jiru, Kornelioni gadi bahe miila isati jige isa guddise.

Luqaas 17:16

Miila Yeso jalati jige galata deebiseefi. Namichi sunini gosa Samariati.

Mariko 13:22

Kristo d'aratiifi raagi d'ara mullate, akheekhafi mamisa d'ara nama agarsiisa, aka yo dandaani, nama Waaqi fohatele sobani.

Isaya 50:5

AABBO Waaqi yayu gurra kiyya bane aninileeni isati garagale isa indinne.

Isaya 53:12

Tanaafi anini fulla guddinna ta hayyooti gugurdoni irre qabdu teetu isaa kenna. Waan inni fed'i ufitini jireenna ufi baase worra ch'ubbu woliini duefi. Inni ch'ubbu nama heddu fed'ate, ammalle aka ch'ubbu worra suni araaramanifi Waaqa kad'ate.

Yohana 5:19

Duuba Yesoni waan worraani jed'e, D'uguma, waan anini isaniini jed'u, Ilmi dandae ufiini woma intolchu, yo waan Abbaani tolchu argu male. Ilmi waan Abbaani tolchu ch'alla tolcha.