Matayo 23:23 - KITAABA WAAQA

²³ Gaargala keesani, jara Seera beekhufi Farisayo. Kiyyibdoole! Qooda kud'anneeso ka gurbi urgotiifi waan d'ibi ka sagaleeni urgesanile Waaqa baaftani, ammo barsiisa isa jajabdu ta Seera diddani, ta aka nagayafi nasufi d'ugaa. Waan kana guutu maltani, ato seera d'ibile indinne.

Matayo 23:23 Referans Kwoze

Luqaas 11:42

Gaargala keesani Farisayo! Yo isani qooda kud'anneeso ta gurbi urgotiifi waan d'ibi sagaleeni urgeesanile Waaqa baaftani, ammo d'ugaafi Waaqa lakiftani, waan kana tolchu maltani ato taanile indeene.

Mika 6:8

Hiyo akasiniti; AABBO Waaqi waan dansa nu tolchuu malle ya nuti hime. Wonti inni nuraa fed'u tana: aka waan d'uga qajeeltu tolchani, jaalala ind'umanne nama garsiisani, ufi saadu lakisani Waaqa woliini taani.

Hosea 6:6

anini jaalala ind'umanne isani ira fed'a, sorioniti, yokhaani beekhuma isani na beetani fed'a, waan gubani Waaqaa baasaniniti.

Matayo 9:13

Beena, waan jecha kana hubad'a, Anini naasu fed'a, sorio imfed'u. Anini nama daba male, nama d'uga yaamu ind'umne.

1 Samueli 15:22

Samuelini waan jed'eeni. AABBO Waaqi saala fed'a mo waan gubani isaa baasanifi sorio fed'a? Saalfachaani isaa saalfatani gabbinna ilmoole hoola ta isaa sorio baasani kennanifi ira jirti.

Mammaasa 21:3

AABBO Waaqi sorio atini baaftufi ira, d'ugaafi qajeeluma atini tolchitu fed'a.

Lawi 27:30

Waan lafti baaftu, mid'aani oobrutifi, ka mukhale taanaani, kud'ani keesa toko ka AABBO Waaqaati.

Luqaas 18:12

Torbaani toko keesa maro lama agaba, waan argad'e ch'ufa keesaa qooda sii baasa.

Matayo 12:7

T'aafiini waan jettu, yo sila jecha, anini nasu male sorio hori infed'u jed'u beetani, isani nama wollaala inqamne wollaala itimurtani.

Isaya 28:25

Eegi oobru qote inni urgoofi waan sagaleeni urgeesani d'ibi fach'aase, dargayefi garbule fach'aase, qota oobru isati mid'aani d'ibi fach'aasa.

Yeremia 22:3

Wonti AABBO Waaqi jed'u tana, waan d'ugaatifi ka qajeela tolcha; nama dabsani harka nama dabsu jalaa baasa. Nama gosa d'ibitifi hiyyeeyifi nad'eeni hiyyeeyile gaargalchitani indabsina; ammalle fulla qulqullo tanati nama woma iyyakini infit'ina.

Matayo 23:13

Gaargala keesani jara Seera beekhufi Farisayo! Kiyyibdoole! Isani Finna gubba nama duraa ch'uftani, ammo ufile inseentani, yokhaani worra seennu fed'ule d'owartani. [