Matayo 13:23 - KITAABA WAAQA

²³ Mid'aani biyye dansa gubbati fach'aasani suni nama dubbi d'ageennaani mid'aafate, duuba mid'aani d'alu fakaata; toko d'iba toko, ka d'ibiini jaatama, ka gari sodoma d'ala.

Matayo 13:23 Referans Kwoze

Filipi 1:11

Jireenni keesani waan dadansa ka Yeso Kristoni fed'uuni guutama, aka maqa Waaqa guddisani faarsani.

Yohana 15:16

Isani na imfohanne, ammo anati isani fohate erge, aka deemtani mid'aani baaftani, mid'aani ka inhamaanne. Duuba Abbaani waan maqa kiyyaani kad'attani ch'ufa isanii kenna.

Matayo 12:33

Mukhi dansaani mid'aani dansaa d'ala, mukhi hamaani mid'aani hamo d'ala. Mukha ch'ufa mid'aani inni d'aluuni beekhani.

Matayo 13:8

Mid'aani gari biyye dansa gubbaa jigani; mid'aani d'alani, hagi toko d'ibba d'alani, ka gari jaatama d'alani, ka gari sodoma d'alani.

Kolosai 1:6

Oduuni Dansaani eebaani d'ufte lafa ch'ufa gahuu jirti, akuma gaafa isani guyya qara eeba Waaqa d'ageetani waan isii hubattani taate.

Matayo 3:8

Mid'aani daba iraa deebianiini baasa.

Luqaas 13:9

Duuba yo mid'aani ganna d'ufu baase dansa; ammo yo imbaasiini imurta.

1 Yohona 5:20

Ammalle nu imbeenna aka Ilmi Waaqa d'ufe hubacha nuu kenne, akasiini aka Waaqi d'ugaa beenna. Nu Waaqa d'ugaa keesa jira, Ilma isaa Yeso Kristo keesa. Waaqi d'ugaa kana, jireenni hegerileeni kana.

2 Petro 3:18

Ammo eebafi hubacha Aabbo Qarqaarsa keenna Yeso Kristo keesa guddad'a. Guddinni ka isaati, ammafi hegerile! Amini.

Kolosai 1:10

Yoosi aka Aabbooni fed'u teetani, hojja ch'ufa waan inni jaalatu tolchitani. Jireenni keesani waan isani hojattani ch'ufa keesati mid'aani baasa, isanileeni beekhuma Waaqa keesa guddattani.

Ebrania 8:10

Aabbo waan jed'u, wold'aqisi taka tana gosa Israeli woliini tolchu kana: Anini Seera kiyya qalbi worra keesa kaye, garaa worra keesati t'aafa. Anini Waaqa worra taha, worrileeni gumi tiyya taha.

Ebrania 4:2

Nuleeni, akuma worra, Odu Dansa d'ageenne. Worri Odu Dansa ya d'agaye, ammo woma worraa imbaane, maro d'ageennaani d'ugefachaani imfud'atiniifi.

2Tasaloonqe 2:10

soba hedduuni worra badu soba. Maro d'uga worra baaftu jaalachu didaniifi badani.

1Tasaloonqe 4:1

Dubbi buufata, oboleyaani, isani aka teetani Waaqa gammachiiftani nura ya barattani. Haguma duriiti isani akasuma teetani. Amma nu isani kad'anna, maqa Aabbo Yesotiini, aka isani hagasile ira jabaattani.

Filipi 4:17

Anini qarqaarsa ch'alla argachu imfed'u; ammo aka isanileeni keesaa wo argattani fed'a.

2 Korintho 9:10

Waaqi ka sanyi oobranifi qit'a nyaatani namaa kennu, sanyi isani feetani ch'ufa isanii kenna ammalle inni sanyi suni imbaasa, aka mid'aani guddo d'altu; maro arjooma keesanitiifi.

Huji Ergattu 17:11

Worri lafa suni worra Thesalonike ira dansa. Dubbi Waaqa qalbi dansaani ch'aqasani, t'aafi guyya ch'ufa keesa barbaadani, aka wonti kunini d'uga ilaalani.

Huji Ergattu 16:14

Niitiini toko, ta Lidia jed'ani, ta woya didiimtu gurgurtu, ta dira Thiatira, ta Waaqa guddiftu, nu ch'aqafte. Aabbooni garaa isi bane, isiini waan Pauloni jed'e d'ageete.

Yohana 8:47

Nami Waaqaa dubbi Waaqaa d'agaya, waan kanaafi isani ind'ageenne, waan isani ka Waaqaa intahiiniifi.

Luqaas 8:15

Mid'aani biyye dansa keesa jigani suni jara dubbi d'ageennaani garaa d'ugatiifi dansaani qabate obse mid'aani baasu fakaatani.

Mariko 10:15

D'uguma, waan anini isaniini jed'u, Nami aka ijoolle ufi tolche Finna Waaqa imfud'anne diqole inargatu.

Mariko 4:20

Ka gari biyye dansati jigani. Kunini nama dubbi d'agaye fud'ate, mid'aani ka gari sodoma, ka gari jaatama, ka gari d'ibba baasu.

Matayo 3:10

D'agara yayu hidda mukha jala kayani; mukha mid'aani dansa imbaamne ch'ufa muraniti ibida keesa buusani.

Ezekieli 36:26

Anini garaa haareesafi qalbi hareeti isanii kenna. Anini garaa keesani jajaba aka d'akha suni jijire, garaa laana ka Waaqaa saalfatu isanii kenna.

Ezekieli 18:31

Hameenna isani tolchitani kana ch'ufa yaala baha, qalbiifi garaa hareesa horad'a. Isani worri Israeli, maafi badu feetani?

Ebrania 6:7

Lafa guyya ch'ufa bisaani d'udde ta mid'aani iti oobrani abba iti oobre baaftu Waaqi ineebisa.

Luqaas 8:8

Mid'aani gari fulla biyye dansa jigani, baanaani mid'aani d'ibbaa d'alani. Dubbi tana jennaani Yesoni waan jed'e, Nami gurra qabu ha d'agayuuti.