6 Anini AABBO Waaqa, ka injijiramne. Tanaafi, ee ilmaani Yakobo, isani qara inhobaane.
Waaqi namaaniti, ka kiyyibu; inni namaaniti ka qalbi jijiratu inni waan jed'e inguutu? Waan dubbate intolchu?
Yeso Kristoni sunuma, ka kale, ka arra, ka haga jiru jireenna.
Galati dansaani ka namaa kennanifi ka namaa baasani ch'ufti gubba gadi d'ufa, fulla Waaqa, ka ifsa gubba uume. Inni injijiramu yokhaani garingalu.
Anini AABBO, Waaqa nama ch'ufati. Wonti tokoleeni ka anini tolchu indandeenne injirtu.
Waaqi guddaani Israeli d'ara indubbatu yokhaani heregi isaa garaingalu. Inni namaaniti, ka herega garagalfatu.
Duuba waan lamati jira, ta injijiramneefi ta Waaqi dandae irati inkiyyimne.
Aabbo Waaqi guddaani waan jed'u, Anini Alfafi Omega, ka amma jiruufi ka durile jiru ammalle ka duranale jiru.
Anini Alfafi Omega, ka qaratiifi ka eegee, iti keyachafi muumme.
AABBO Waaqi, ka worra Israeli fide qorqoratu, AABBO Waaqi guddaani waan jed'u, Anini ka qarati, ammalle ke eegeti, ana male waaqi d'ibiini tokoleeni injiru.
Ammo nama AABBO Waaqa sodaatu jaalalti isaa haga jirtu biraa indeemtu, dansumti isaaleeni haga jirtu ch'ufa,
Wonti sunini ch'ufti indabarti, ammo atini haga jirtu inuma teeta; wonti kunini ch'ufti akuma woya hobaati. Atini aka woya isi jijirta, isiini inuma badi.
Tanaafi anini waan kana aka dansa beekha: Waaqi ka huji dansa tana jiddu teesaniti iti keyate, gaafa Guyyaani Kristo Yesoni gahu hobaasu male illakisu.
Anini AABBO, Waaqa keesani; harka mirgicha isani qabe, waan isaniini jed'u, Insodaatina, isani qarqaara.
Dallansu tiyyaani isani ingaargalchu, deebie Israeli imballeesu. Anini Waaqa, namaaniti. Anini Qulqullicha jiddu teesani jiru. Anini d'ufe isani balleesu imfed'u.
isati garagale, akuma abbooti worraa isa dide, akuma guubeeni dabde qonyatu tahe.
Ato akasile taate Waaqi gumi isaati nahe, ch'ubbu isaani araarameefi, worra hobaasuu dide. Maro heddu inni dallansu ufiitini worra balleesu dide.
Jennaani AABBO Waaqi waan jed'eeni, Anini AABBO Waaqa, ka lafa Uru ta Kaldayo keesaa si baase lafa tana sii kenne.
Nu duri nyaapa Waaqaati, ammo inni duisa Ilma ufitiini jaalaani nu tolfate. Amma nu jaalaani Waaqaati, tanaafi jireenni Kristo hagasi ira nu baasa!
AABBO Waaqi waan jed'u, Anini maqa kiyyaani kakhad'a, aka guddise sii eebisu, waan atini waan kana guutte gurba kanke na ind'owatiiniifi.
Hojuma sunii achumati AABBO Waaqi Abramuuni wold'aqani waan jed'eeni, Anini lafa tana ch'ufa d'aloota keeti kenna, galaana Misiriti asi haga galaana gudda ka Frati jed'ani,
Ammo atini sunuma, ganni kankeleeni inhobau.
Anini amma seera baasa, aka nami lafa anini fidu keesa jiru ch'ufti Waaqa Danieli sodaate saalfatufi. Inni Waaqa jiru, ka haga jiru jireenna tau. Finna isaa dandaani imballeesani jabeenni isaaleeni muumme inqabu.
AABBO Waaqa, atini Waaqa jiru, haguma duriti atini Waaqa kiyya, qulqullo, ka jiru jireenna. Ee AABBO, Waaqa kiyyafi jabeenna kiyya, atini gosa Kaldayo fohatte jabeesite, aka worri nu gaargalchu.
Ijoolleeni teenna nagayaani teete, qorqorti tanteetiini d'alooti isii nagaya argata.
Anini Waaqa keesani, ka haga isani jaartani arri baaftaniti isani qorqoratu. Anumati isani uume, ammalle isani qorqorate isani qarqaare isani baasa.