Malaki 3:5 - KITAABA WAAQA

⁵ AABBO Waaqi Guddaani waan jed'u, Anini qorsumafi isaniti d'ufa, ammalle anini maruma toko worra falfala tolchu taanaani, d'iirafi nad'eeni aada male wolti yaatu taanaani, nama d'ara d'ugeesu taataanaani, ch'ubbicha nama hojattu isaati hori baasu didu taanaani, nama haad'a hiyyeesatiifi hiyyeeyi dabsu taanaani, nama keessuma ulfeesu didu taanaani, ammalle nama ch'ufa ka na insodaanne, d'uga intahuufi.

Malaki 3:5 Referans Kwoze

Ebrania 13:4

Nami ch'ufti fuud'a ulfeesu male, d'iirsafi niitiini wollakisani gara d'ibi yau himmalle. Waaqi worra waan hamtu tolchuufi algala wollaala iti mura.

Qaabacha Seera 5:11

Maqa kiyya ufuma waan d'araatiini ind'aini, wonti akanatiifi anini, AABBO Waaqi kanke, nama ufuma waan d'araatifi maqa kiyya d'au wollaala, iti mura.

Yakobo 5:4

Isani worra oobru isanii hojatu hori imbaamne. Aka worri isani himatu ch'aqasa! Booti worra mid'aani keesani galchu, la gurra Waaqa Aabbo gudda geete!

Malaki 2:14

Duuba isani waan inni iti deebie waan isani baaftanifi imfud'anneefi gaafattani. Wonti inni dideefi, waan isani kakhu nad'eeni gaafa isani kaima fuutani kakhattaniifi ch'absitanifi. Nad'eeni suni teesani, ammo isani yayu kakhu worraati kakhattani ch'absitani, ato Waaqa durati, Aka dansaa isi finna jettanile.

Qaabacha Seera 27:19

Waaqi nama keessumafi ilmaani hiyyeeyifi nad'eeni hiyyeeyi waan isii d'owe dabse ha abaaruti. Duuba gumiini ch'ufti ha Amini! jettu.

Mudhii Yohaannisii 22:15

Ammo moga dira, worra hamamafi falfaltufi algalaafi ka nama ijeesufi ka waan harkaani boch'ani kad'atuufi nama dubbifi hujiini kiyyibuuti jira.

Mudhii Yohaannisii 21:8

Ammo nama daafanafi kiyyibafi hamafi nama nama ijeesufi algalaafi ka murma baafatufi ka waan harkaani boch'ani guddisuufi ka nama sobu, fullaani worraa galaana ibidaati, ka duisa lameeso.

Lawi 20:27

Nama ekhera wogaafatu, d'iira taanaani yokhaani uwa taanaan, ha d'akhaani ijeesani. D'iigi nama waan akana kana tolehu ch'ufti gubbuma isaati.

Lawi 20:6

Hojja nami worra ekhera wogaafatu gorsa iraa fud'achu d'aqu, anini nama suniti garagale deebie nama suni gumi tiyyati inheregu.

Lawi 19:13

Nama dabsitani insaamina. Nama isani hojatu hori d'owattani, halkani tokole iraa imbulchina.

Malaki 2:17

Isani ya AABBO Waaqa dubbi teesaniini dad'absiiftani. Ammo isani waan jettani, Nu akamiini isa dad'absiimne? Aki isani isa dad'absiiftaniini, aka isani AABBO Waaqi Guddaani nama hameenna tolchu ch'ufa dansa sehu jettani. Yokhaani, Waaqi d'ugaa beekhu me? jettani.

Yeremia 29:23

Wonti worri gaargala suni argatuufi worrati Israeli keesati waan dabaa tahe: Worri nad'eeni biyya barate, ammalle maqa AABBO Waaqatini d'ara dubbate. Wonti worri tolchu kunini waan Waaqi fed'uniti; inni waan worri tolche beekhe ila ufitini arge. Nami dubbi tana jed'e AABBO Waaqa.

Mammaasa 16:6

Nami Waaqa jaalate saalfatufi araarsa isa ira argata; nama AABBO Waaqa sodaatuti ch'ubbu iraa gora.

Mammaasa 8:13

Ch'ubbu jibbitiini AABBO Waaqa sodaacha, anini kiyyibafi ufi saadu jibba. Ammalle waan d'araatifi kara hama infed'u.

Faaru 98:9

Wonti akanatiifi inni d'ufe lafa fida, inni gosa lafa keesa jirtu ch'ufa d'ugaafi qajeelumani fida.

Roomaa 3:8

Yo akasi, Koota, hameenna tolchina, aka d'ugaani mullattu maafi injenne? Nami gari ya waan kana jed'e dubbi d'aratiini na himate! Worra suni aka wollaala iti muru malani inuma iti murani.

Mika 1:2

Gosa ch'ufa, d'agaya; nama lafa keesa tau ch'ufa ch'aqasa! AABBO Waaqi Guddaani Mana isaa qulqullo keesa dubbate ha isani himatu!

Faaru 96:13

AABBO Waaqa durati sirbiti, gaafa inni lafa fidu d'ufu. Inni nama lafa keesa jiru ch'ufa d'ugaafi qajeelumani fida.

Faaru 81:8

Ee gumi tiyya, gorsa kiyya ch'aqasa; ee worra Israeli, ato sila na ch'aqaftani anini akami fed'a!

Nehemia 5:15

Jari duri na durati gudda lafa suni tahe ch'ufti biyya dabse, guyya ch'ufa qarsi afurtamatiifi daad'ifi sagale ira guurata.

Qaabacha Seera 24:17

Nama gosa d'ibitifi ilmaani hiyyeeyi indabsina, ammalle woya niiti hiyyeeti qabdo infud'atina.

Lawi 20:10

Hojja nami niiti nama d'ibi barate, isaafi sunile ha ijeesani.

Bahisa 18:21

Ammalle nama jajaba atini abdatu, ka Waaqa sodaatu, ka d'uga beekhu, ka ammalle gumbo imfud'anne fili, mata gumi kuma yokhaani d'ibba yokhaani shantama yokhaani kud'ani tolchi.

Bahisa 1:17

Ammo nad'eeni taani Waaqa sodaatte waan hayyuuni Misiri jed'e guutu didde ilmaani d'iira inijeemne lakifte.

Uumama 42:18

Guyya sadeeso Yusufuuni waan jed'eeni, Waan isani taatani, anini Waaqa sodaad'a.

Yakobo 5:12

Ee, oboleyaani tiyya, waan ch'ufaani inkakhatiina, gubbafi lafafi waan tokoleeni inkakhatina. Eetiini teesani ha eeti taatuuti. Hiyyoni teesanileeni ha hiyyo taatuuti, aka qorsuma Waaqa keesa inseenne.

1Tasaloonqe 4:6

Akanaani nami tokoleeni oboleesa ufiti dabe waan isaa iraa imfud'atiini. Nu waan kana qara isaniti himne, ya isani guddo gorsine, aka Aabbooni worra waan akana kana tolchu balleesu.

Luqaas 23:40

Ammo kaani waan jed'eeni, Atini Waaqa insodaatu? Sifi isale muraani teesani taka.

Faaru 36:1

Ch'ubbicha ch'ubbu garaa isaa keesa jirtuti hasaani; inni Waaqa dide diqole insodaatu.

Uumama 20:11

Abrahamuuni waan jed'eeni, Anini waan nami Waaqa sodaatu lafa tana keesa jiruyu inseene; waan na ijeesani niiti tiyya naraa fud'atani sehe.

Qaabacha Seera 18:10

Ijoolle teesani waan sorio irati baasani irati gubdani sorio imbaasina, ammalle worra keesani yuuba, nama daayyani wohimu, nama wofagu, nama murma baafatu,

Isaya 57:3

Arma fulla qorsumati koota, dabdoole! Isani falfaltufi nama nad'eeni biyya baratufi sharmut'a ira injirtani.

Yeremia 5:2

Ato isani, AABBO Waaqa kad'anna jettanile, dubbini sunini d'ara.

Yeremia 5:29

Ammo anini, AABBO Waaqi, maro waan kanatifi worra gaargalche gosa tana haalo baafad'a.

Yeremia 23:10

Nami waan hamtu tolche Waaqa lakisu ya lafa ira dabre; worri hameenna gula yae irreeni nama dabse. Maro Waaqi worra abaareefi, lafti boote marrileeni gogoge.

Yeremia 27:9

Tanaafi raagoota teesanifi nama wo himuufi nama oobju qabuufi nama ekhera wo gaafatufi falfatu, hayyu Babiloni jalati imbulina isaniini jettule inch'aqasina.

Yeremia 27:10

Worri isani sobe aka boojiani lafa teesani ira isani fageesani isani tolcha. Anini lafa teesani keesaa isani baase, duuba akasiini isani balleesani.

Yeremia 42:5

Jennaani worri waan nani jed'e, AABBO Waaqi ha nu balleesuti yo nu waan tahu male, ka AABBO Waaqi siti hime, tahu, dinne.

Habakuki 1:12

AABBO Waaqa, atini Waaqa jiru, haguma duriti atini Waaqa kiyya, qulqullo, ka jiru jireenna. Ee AABBO, Waaqa kiyyafi jabeenna kiyya, atini gosa Kaldayo fohatte jabeesite, aka worri nu gaargalchu.

Zekaria 11:12

Jennaani anini waan worraani jed'e, Yo feetani, beese tiyya naa keenna, ammo yo imfeene ufira yalabaha. Jennaani worri qarsi sodoma, ta anini argachu male, naa kenne.

Bahisa 20:7

Maqa kiyya ufumaa ind'aini, wonti akanatiifi anini, AABBO Waaqi kanke, nama ufumaa maqa kiyya d'au wollaala iti mura.

Bahisa 22:20

Nama ana AABBO Waaqa male, waaqa d'ibi sorio baasu, ijeesa.

Qaabacha Seera 15:13

Hojja isa galakiftani suni harka duwa gadi ind'iisiina,

Aayubu 7:2

Inni aka tisse boqota gaadisa boqotati d'arae, garbicha beese ufii eegatu fakaata.

Aayubu 31:12

Woni suni sila ibida wo balleesu, ka fulla duati wo geesu, ka hori kiyya ch'ufa gubu fakaati.

Malaki 1:6

AABBO Waaqi waan qaaloleeni jed'u, Ilmi abba ufiti saalfata, ammalle tisseleeni nama hojattufi saalfatti. Yo anini abba keesani taate, isani maafi naa insaalfanne? Yo anini gudda keesani taate, isani maafi na insodaanne? Isani na tufattani ammo, Nu akami si tufanne? jettani.