Malaki 3:2 - KITAABA WAAQA

² Ammo guyya inni d'ufu eentu dandae obsa? Ammalle yo inni mullatu, eentu dandae dura eja? Inni ibida wo basse qulqulleese saabuna woya t'uri iraa baase qulqulleesu fakaata.

Malaki 3:2 Referans Kwoze

Zekaria 13:9

Anini tokocha hafe kaani ibida keesa kaye qulqulleesa, akuma qarsi ibidaani qulqulleesani yokhaani dansuma worqi ibidaani ilaalani. Duuba worri na yaamate, anileeni worra jala owaad'e waan jed'uuni, Worri kunini gumi tiyya. Worrileeni waan jed'u, AABBOONI Waaqa keenna.

Isaya 4:4

Jabeenna isaatini AABBO Waaqi nad'eeni Yerusalemu qulqulleese ch'ubbu worratiifi d'iiga achiti jissani d'iqa.

Mudhii Yohaannisii 6:17

Wonti akanatiifi guyyaani guddaani worrati dalanani ya d'ufe. Eentu dandae dura eja? jed'ani.

Luqaas 21:36

Hojja ch'ufa eegad'a, kad'ad'a, aka waan d'ufa kana ch'ufa jalaa baatani, Ilma Nama dura ejaanjattani.

Faaru 2:7

Hayyichi waan jed'u, Anini waan AABBO Waaqi jed'e, biyyati hima. Inni waan nani jed'e, Atini ilma kiyya, anini ya arra abba sii tahe.

Luqaas 3:17

Inni hafare harkaa qaba, aka fulla dargaye iti hafarsani qulqulleese dargaye khod'oti galfatu; ammo qoola isii fulla ibidi ind'aamneti guba.

Luqaas 3:9

Ammaa tana d'agara ya hidda mukha jala kayani; tanaafi mukha mid'aani dansa imbaamne ch'ufa muraniti ibida keesa buusani.

Malaki 4:1

AABBO Waaqi Guddaani waan jed'u, Guyyaani ind'ufa, ka ch'ubbichafi nami ufi saaduleeni aka buuyo godde gubatu. Guyya suni worri ch'ufti gubate hobae daara d'aba.

Mudhii Yohaannisii 2:23

Anini ijoolle isile d'ae fit'a, duuba gumiini ch'ufti aka anini heregafi garaa nama ch'ufa ilaalu baratti. Ammalle anini isanii ch'ufa, huji teesani gula, woi isani kenna.

Ebrania 12:25

Eegad'a duuba, nama dubbatu ch'aqasu indidiina. Yo worri gaafa inni lafa keesati dubbate ch'aqasu dide imbaafamini, nuleeni dandeenne imbaafamnu, yo ka gubba nuti dubbatu ch'aqasu dinne.

Yohana 8:55

Isani diqole isa imbeetani, ammo anini isa imbeekha, Yo anini, Isa imbeekhu jed'e, anini aka keesani kiyyiba. Ammo anini isa imbeekha, dubbi isale jabeesa.

Luqaas 2:34

Simeonini worra eebise waan haad'a isaa Mariamuni jed'e, Gurba kana ya fohatani aka nami hedduuni Israeli keesa jijige yokhaani kakau, ammalle aka akheekha waan nami hedduuni jibbu tahu,

Yeremia 2:22

Ato isani sabuna beekhaanileeni ufi d'it'ani, t'urini ch'ubbu teesani isani iraa imbaatu, anini inuma arga.

Isaya 1:18

AABBO Waaqi waan jed'u, Koota, dubbi tana ilaala. Ato dabi keesani diimatele adi aka aanani tolchani, Ato inni aka male diimatele adi aka ch'aama tolchani.

Matayo 25:10

Gowoleeni taani d'ad'a d'ibi bitachu d'at'i, iti d'aabannaani, abbaani fuud'aa d'ufe. Dubriti kurfo taate taani jila fuud'a olduude, balbala ch'ufani.

Mariko 9:3

Fuula worra durati bifti isaa jijiramte, woyaani isaa bibilit'e, adi ch'aama taate, aka nami dandae miich'e inadeesine.

Ezekieli 22:14

Atini mala keeti eegi anini waan si tolchu fed'u ch'ufa hobaase, waan jannoomi si keesati hafe irre qabaate, harka dandeete olfud'attu seeta? Nami dubbi tana jed'e ana, AABBO Waaqa. Anini dubbi tiyya guutu male intau.

Mudhii Yohaannisii 19:8

Ya ee jed'ani aka woya boofta adi d'aati keyattu. (Booftaani suni huji d'uga ta worra Waaqa.)

Mudhii Yohaannisii 7:14

Anini waan jed'eeni, Anini imbeekhu, siti beekha. Inni waan naani jed'e, Kunini worra nagayaani gaargala jala bahe. Worri woya miich'ate d'iiga Hoolatiini adefate.

Luqaas 7:23

Ayyaana nama na imormanne.

1 Samueli 6:20

Jennaani worri Beth-Shemeshi waan jed'e, Eenuti dandae AABBO Waaqa qulqullo akana dura eja? Nu esa isa ergina, aka inni nu biraa deemu?

Faaru 76:7

Ammo, Ee AABBO Waaqa, nami ch'ufti si sodaata. Yo atini dallantu nami tokoleeni dandae si dura inejju.

Faaru 130:3

Yo atini ch'ubbu teenna t'aafate olkeete, eenuti dandae qorsuma tante jalaa baha?

Mammaasa 25:4

Qarsi bassi qulqulleesi aka tumtichi waan dansaani mid'aasu.

Isaya 33:14

Worri ch'ubbichi Sioni sodaate aka hama mudame, waan jed'u, Eenuti dandae ibida wo balleesuni wolti gala? Nu nami dandae ibida suni ira hafu injira?

Danieli 11:35

Jaarole qalbi qabdu suni haga toko infit'ani, aka akasiini gumi taani qulqulleesani aabo d'owani. Wonti kunini haga muummeeni Waaqi kurfeese d'uftuti halkani guyya inuma taati.

Yoeli 2:11

AABBO Waaqi duula isaati mandie, duuli irre qabu, guddaani muumme inqamne, isa ch'aqasa. Guyyaani AABBO Waaqa suni guyya gudda, ka gaargala gudda qabu! Eentu dandae iraa hafa?

Nahumu 1:6

Yo inni dallane, eenuti dandae iraa hafa? Dallansuuni isaa hamtu, eenuti dandae jalaa baha? Inni dallansu isaa ta aka ibida gubbaa gabuuse, d'akhaayeleeni isa durati ch'ach'abde, bulloofte awaara taati.

Uumama 19:28

Inni gara lafa Sodomafi Gomoratiifi bale lafa suni ch'ufa millate jennaani aara gudda lafa suni keesaa kau, ka aka aara boola ibida keesaa bahu fakaatu, arge.

Aayubu 28:1

Fulla qarsi qotanifi boolati jira; fullaani worqi iti qulqulleesanileeni injirti.