Malaki 1:10 - KITAABA WAAQA

¹⁰ AABBO Waaqi Guddaani waan jed'u, Ato tiyya, isani nami toko balbala Mana Waaqaa ch'ufa, aka ibida woma isani imbaane fulla sorio iti naa baasaniti imbobeesine. Anini isani iraa gammade waan isani naa baaftani imfud'ad'u.

Malaki 1:10 Referans Kwoze

1 Petro 5:2

Hooliye Waaqi isanii kenne garaa tokooni tissa, garaa lamaaniti, akuma Waaqi aka isani tolchitani fed'u. Huji teesani hori keesaa argattani ch'allaafi intolchiina, ammo fed'iini tolcha.

Mika 3:11

Worri dira suniti mataa gumbo nyaate dubbi namaa qora; qaaloleeni wo nama ira fud'attu male seera nama imbarsiiftu. Raagootileeni beese male woma namaa inhimtu. Duuba worri kunini ch'ufti, AABBO Waaqi nu woliini jira, nu woma intaanu jed'a.

Hosea 5:6

Worri loonifi ree fud'ate AABBO Waaqa sorio baasu d'aqa, ammo sorioni sunileeni woma keesa injirtuufi.

Yeremia 6:20

Anini hit'aana worri lafa Shebati fuud'e naa d'ufunifi qayya lafa fago ka worri naa d'ufuuni maani iraa qaba? Anini waan worri naa baasu dide, sorio worrale jibba.

Yeremia 14:12

Ato worri ufi agabsele anini kad'acha worraa ind'agayufi; ammalle yo worri sorio gubanifi mid'aani naa baasele, anini waan suni iraa ingammadu. Ammo fulla suni anini worra woraanafi beelafi d'ukubaani balleesa.

Yeremia 8:10

Tanaafi anini oobru worraatifi nad'eeni worraale nama d'ibii kenna. Nami ch'ufti, diqaafi guddaleeni; kara ch'ubbutini beese horata. Raagootafi qaaloleeni biyya sobde balleesiti.

Ebrania 10:38

Taatule nama kiyya ka d'uga d'ugefateeti jiraata; ammo yo tokoleeni garagale anini iraa ingammadu.

Filipi 2:21

Nami kaani ch'ufti waan ufi ch'alla herega, nami waan Yeso Kristo heregu injiru.

1 Korintho 9:13

D'uguma isani aka worri Mana Waaqa keesa hojatu sagale ufi achi argatu imbeetani. Ammalle aka worri sorio qalu qooda fooni sorio qabu imbeetani.

Yohana 10:12

Nami hujii qorani, ka hooliyeeni ta isaa intahiini, yo yaiini d'uftu lakise baqata; yaiini hooliye qabde basiti.

Yeremia 6:13

Nami ch'ufti, diqaafi guddaleeni kara dabaatini beese horachu fed'a; raagootafi qaaloleleeni sobde biyya dabsiti.

Yeremia 14:10

AABBO Waaqi waan gumi tana waan jed'u, Worri naraa baqachu fed'a, ufi d'owu indandau. Tanaafi anini worra inquufini; anini wollaala worri tolche qaabad'e maro ch'ubbu isaanitifi gaargalcha.

Malaki 1:13

Isani na tufattani, Wonti kunini ch'ufti ya nu dad'absiifte jettani. Isani hori hatanifa, naafafa, yokhaani ka fayya inqamnefa, sorio naa baaftani. Isani duuba waan anini hori akana harka keesani ira fud'ad'u seetani?

Malaki 2:12

AABBO Waaqi ha gumi Israeli keesaa nama waan kana tolcheefu baase, nami suni waan gochiti teenna AABBO Waaqa Guddaa baaftu deebie keesa inseeniini.

2 Hayyoota 12:6

Ammo ganna diddami sadii ka Yoashini hayyu tahe suni ch'ufa qaaloleeni sunini Mana Waaqa taka imid'aasine.

Mammaasa 15:8

AABBO Waaqi sorio ch'ubbicha injibba, ammo kad'achaani nama d'ugaa isa gammachiifti.

Malaki 2:13

Wonti d'ibiini isani tolchitani tana. Fulla sorio AABBO Waaqa iti baasani deemtani waatani imimaani bootani, wonti akanatiifi inni waan isani baaftanifi deebie imfud'atu.