Luqaas 8:15 - KITAABA WAAQA

¹⁵ Mid'aani biyye dansa keesa jigani suni jara dubbi d'ageennaani garaa d'ugatiifi dansaani qabate obse mid'aani baasu fakaatani.

Luqaas 8:15 Referans Kwoze

Ebrania 10:36

Isani obsu maltani, aka fed'i Waaqa tolchitani, waan inni kakhate argattani.

Luqaas 6:45

Nami dansaani dansooma garaa ufi keesa jiru keesaa waan dansa baasa; nami hamaleeni hameenna garaa ufi keesa jiru keesaa waan hamtu baasa. Wonti akanatiifi waan garaa jira arabi dubbata.

1 Yohona 2:3

Aka Waaqa beennu yo seera isaa guunne beenna.

Kolosai 1:10

Yoosi aka Aabbooni fed'u teetani, hojja ch'ufa waan inni jaalatu tolchitani. Jireenni keesani waan isani hojattani ch'ufa keesati mid'aani baasa, isanileeni beekhuma Waaqa keesa guddattani.

Kolosai 1:6

Oduuni Dansaani eebaani d'ufte lafa ch'ufa gahuu jirti, akuma gaafa isani guyya qara eeba Waaqa d'ageetani waan isii hubattani taate.

Yohana 14:15

Yo na jaalatani, seera kiyya inguutani.

Luqaas 11:28

Ammo waan Yesoni jed'eeni, Nami dubbi Waaqa d'agaye guutu, ha hagami eeba argatu!

Filipi 1:11

Jireenni keesani waan dadansa ka Yeso Kristoni fed'uuni guutama, aka maqa Waaqa guddisani faarsani.

Roomaa 7:4

Isanileeni akasuma, oboleyaani tiyya. Isanileeni gama Seeratiini ya dootani, waan isani mita nafa Kristo taataniifi; amma isani ka isaati, isa ka aka nu Waaqa durati wo baanu duisa keesaa kaasani.

Roomaa 6:22

Ammo amma isani ya daba jalaa baatani tissele Waaqaa taatani; maro waan kanatifi amma jireenni keesani ch'ufti qulqullo, eegi tana jireenna hegeri argattani.

Yohana 15:10

Yo isani seera kiyya guuttani jaalala tiyya keesa teetani, akuma anini seera Abba kiyya guute jaalala isaa keesa tau.

Matayo 24:13

Ammo nami haga muumme obsu imbaha.

Qaabacha Seera 30:6

AABBO Waaqi keesani garaa keesanifi ka ilmaani teesani laafise, ufii isani saalfachiisa aka isani garaa keesani ch'ufaani isa jaalattani, lafa suni keesati bultani.

Ebrania 2:1

Maro waan kanatifi nu dubbi d'ageenne tana jabeesu male, aka iraa ingorre.

Efessoon 2:8

Maro eeba Waaqaatiifi isani baafama argattani, kara d'ugefacha gula. Waan isani ufiini tolfattaniiniti, ammo tola Waaqi isanii kenne.

1 Korintho 7:19

Qabanqaba qabachafi qubacha d'abi woma keesa injiru, ammo seera Waaqa guutu malani.

Roomaa 7:18

Anini aka wonti dansaani na keesa injirre imbeekha, nafa kiyya keesa. Ato waan dansa tolchu fed'ele dandae intolchu.

Roomaa 2:7

Nami gari waan dansa tolcheti guddinnaafi ulfinnafi jireenna ind'umanne barbaadata: nama akana kana Waaqi jireenna hegeri kennaafi.

Yeremia 31:33

Wold'aqisi haraai anini worra Israeli woliini tolfad'u kana; anini seera kiyya qalbi worra keesa kaye, garaa worraa keesati t'aafa. Anini Waaqa worraa tahe, worrileeni gumi tiyya taha.

Yakobo 1:4

Ammo qorqorad'a aka obsi suni aka dansa huji ufi guute, isani qit'ooftani woma imfitanne.

Yeremia 32:29

ibida iti kaye maneeni nami gubba isaati hit'aana Baali aarse, daad'i waaqa d'ibi d'ibaayu baasani akasiini na dallansisanile guba.

Yeremia 15:16

Atini naani dubbannaani anini dubbi tante ch'ufa ch'aqase fud'ad'e. Ee AABBO Waaqa gudda, anini keetuma, tanaafi garaani kiyya dubbi tante maache iraa gammade.

Mammaasa 3:1

Ilma kiyya waan anini si barsiisu inded'ini, guyya ch'ufa waan anini siti himu qaabad'i.

Faaru 119:11

Anini dubbi tante qalbi tiyya keesa keeyad'a, aka si durati ch'ubbu intolchine.

Faaru 51:10

Ee Waaqa, garaa qulqullo naa kenni, lubbu hareeti sira gara ingalle na keesa kai.

Luqaas 8:14

Mid'aani qorati keesa jigani suni jara d'ageennaani d'ipufi horifi gammada jireenna lafa tanatiini qanch'are mid'aani aada imbaamne fakaatani.

Luqaas 8:16

Nami ifse bobeese ammo okote jalati d'ossu yokhaani sire jala kayu injiru. Ammo inni gubbati fannisa aka nami olseenu ifsa argu.

Roomaa 8:25

Ammo yo waan ingarre abdanne, obsaani eeganna.