Luqaas 7:19 - KITAABA WAAQA

¹⁹ Jennaani Yohanani jara isaa lama yaame Aabbooti erge waan jed'eeni, Atini ka ind'ufa jed'ani mo kad'ibi eenna?

Luqaas 7:19 Referans Kwoze

Yohana 4:25

Niitiini taani waan jetteeni, Aka Masihi, ka Kristo jed'ani d'ufu, anini imbeekha. Inni gaafa d'ufu waan ch'ufa nu barsiisa.

Luqaas 10:1

Eegi waan kana Aabbooni nama torbaatami lama d'ibi fohate, lama lamaani lafa inni d'aqu fed'u ch'ufa ufi dura erge.

Malaki 4:2

Ammo isani, worra maqa kiyya sodaatu, d'ugaani tiyya aka adu isaniti ifsite, kayyoni isii isani jireesiti. Duuba aka yabbiye d'oqoba keesaa banani buraat'ani.

Zekaria 9:9

Gammada, qilit'ama, worra Sioni! Gammada, lalaba, worra Yerusalemu! Laala, hayyuuni keesani isaniti d'ufuu jira! Inni ka waan ch'ufa dabsate irre guddo qabuti d'ufa, ammo inni ufi insaadu, harre yaabata — bukhura harreeni d'altuni d'alte gubba taa.

Hagai 2:7

Anini gosa ch'ufa imballeesa, duuba waan worri qabu ch'ufa armaani d'ufani, anini Mana kana horiini guuta.

Mika 5:2

AABBO Waaqi waan jed'u, Bethlehemu Efrata, atini dira gosa Yuda ch'ufa keesa dira diqa, ammo si keesaa anini nama Israeli fidu, ka d'alooti isaa uumama duri iraa bahe, tolcha.

Isaya 11:1

D'alooti Yese hunda mukha murani fakaata; ammo akuma dameeni latte hunda suni iraa baatu, akasuma hayyuuni d'aloota isa keesa d'alata.

Isaya 7:14

Duuba amma AABBUMA Waaqati akheekha sii kenna: intalti dubra garaachoofte, ilma deete, maqa isaa Imanueli baaftiifi.

Yoshua 2:1

Jennaani Yoshuani, ilmi Nuni, nama lama lafa Shitimuti d'ossaani dooya erge waan jed'eeni, Beena, lafa Kanaani dooyaad'a, keessuma dira Yeriko qorqorad'a. Duuba worri yae, mana sharmut'iti toko ta maqaani Rahabu, bule.

Uumama 49:10

Ororooni inni namaani fidu harkaa imbuutu, lichooni hayyumaa worra isaa keesaa imbaatu, haga abbaani damoosa baasanifi d'ufe isa durati gajed'ani saalfatanifiiti.

Uumama 22:18

gochiti lafa tana ch'ufti maro ilmaani tetitiifi eeba argatti, waan atini dubbi tiyya d'ageeteefi.

Uumama 3:15

Anini siifi niiti tana nyaapa wolti tolche, d'alooti keesanileeni woli jibba. D'alooti isii mata si ch'arase, atileeni hirba worraa nyaatta.

Mudhii Yohaannisii 11:3

Anini d'uga tiyya lama erga; isiini ch'arqi uyifatte guyya kunki tokotiifi d'ibba lamatiifi jaatama d'aamsa Waaqaa odeesiti jed'ani.

Mariko 6:7

Jara kud'ani lama wolti yaame, lama lamaani erge, humna jinni hamtuuni dabsatani iti kenne

Luqaas 7:13

Aabbooni isi arginaani naheefi, Imbohiini jed'eeni.

Luqaas 7:20

Jari kaani isa geennaani waan jed'ani, Yohanani nama batisu situ nu erge waan jed'e, Atini ka ind'ufa jed'ani mo kad'ibi eenna?

Luqaas 11:1

Gaafa toko Yesoni fulla tokoti Waaqa kad'ate jennaani nami toko waan jed'eeni, Aabbo, aka Waaqa kad'atani nu barsiisi, akuma Yohanani jara ufi barsiise.

Luqaas 11:39

Aabbooni waan isaani jed'e, Isani Farisayooni mudunufi qori gama ala ch'alla d'it'ani, ammo garaa keesa sabdoomafi hameennaani guutamtani.

Luqaas 12:42

Duuba Aabbooni waan jed'eeni, Gololchituuni qalbi qabdu ta abba ufi guute eennu re? Inni ka abbaani isaa waan ch'ufa harka isati kenne, hojattu d'ibi gololchi jed'uuni.

Luqaas 13:15

Jennaani Aabbooni waan jed'eeni, Isani kiyyibdoole, isani ch'ufti guyya Sabato loonifi harre teesani bobbaaftani oba ind'ooftani?

Luqaas 17:5

Ergattuuni waan Aabbooni jette, D'ugefacha teenna iti nuu dari.

Luqaas 17:6

Aabbooni waan jed'eeni, Yo sila d'ugefacha haga mid'aani dambi toko qabaattani, oda kanaani, Hiddaani armaa buqai, galaana keesa ufi d'aabi, jettani, duuba inni intaha.

Luqaas 18:6

Aabbooni waan jed'e, Waan namichi d'artichi dubbi qoru kunini jed'u d'agaya.

Luqaas 19:8

Zakayooni olejate waan Aabbooni jed'e, Ilaali, Aabbo, anini hori kiyya gama toko hiyyeeyii qooda; yo anini nama tokole hori dabaani ira fud'ad'e, maro afuri deebisaafi.

Luqaas 22:61

Aabbooni garagale Petro millate; duuba Petroni dubbi Aabbo qaabate ta inni isaani jed'e, Arra, ato kormi luku iniyiini, atini maro sadi na mormatta.

Luqaas 24:34

d'uguma Aabbooni yayu kae, Simoniti mullate jed'u argani.

Yohana 4:1

Farisayooni aka Yesoni Yohana ira nama heddu ufiti yaame batise d'ageete.

Yohana 6:23

Taatule hobolooni d'ibiini Tiberia baate, fulla worri qit'a Aabbooni eebise iti nyaate d'ufte.

Yohana 11:2

(Mariamuni suni ta d'ad'a urgaa Aabbo dibde, miila isaa rifeensa mata ufiitini ira haat'e, ta oboleesi isii Lazaroni fayyad'abe.)