Luqaas 6:48 - KITAABA WAAQA

⁴⁸ Inni nama mana ijaare, lafa qote, gadi fageese, d'akha gubbati yayabe fakaata. Bokai guddaani lolaase d'awaani mana suni d'omnaani chochou dide, maro aka dansa ijaaraniifi.

Luqaas 6:48 Referans Kwoze

Faaru 62:2

Isuma ch'allati na qorqorate, na baase na jabeesa; duuba nami dandae na inchochoosu.

Isaya 28:16

Ammo wonti AABBO Waaqi guddaani isaniini jed'u tana: Anini Sioni keesa yayaba d'akha jaba inchochone kaya. Yayaba suni ira anini d'akha jaba dubbi tana irati t'aafani kaya: D'ugefachaani jabduuni obsa qabdi.

Yihudaa 1:24

Gara isaa ka dandae jigu isani d'owe, wollaala male gammadaani guddinna isaati isani geesu.

Isaya 26:4

Guyya ch'ufa AABBO Waaqa d'aabad'a, isati hojja ch'ufa nu qorqorata.

Efessoon 2:20

Isanile yayabuma ergattufi raagooti keete irati isani ijaarani, d'akhaani jabaleeni Kristo Yeso.

1 Yohona 2:28

Ee, ijoolle tiyya, Kristo keesa taa, aka yo inni mullate, nu jabaanne, Guyya inni d'ufu inch'eere.

2 Timotheo 2:19

Ammo yayabi Waaqi keyate dandae inchochou; ammalle dubbi tana irati t'aafani: Aabbooni worra isaa ch'ufa fuula beekha; ammalle, Nami nama Waaqa ufiini jed'u hameenna lakisu male jed'ani.

Faaru 32:6

Tanaafi nami si beekhu ch'ufti, yo d'iba qabu, si kad'achu male; hojja bisaani fach'aani gaargali d'ufu, bisaani sunini isa ind'aqabani.

2 Samueli 22:32

AABBO male Waaqi d'ibiini injira? Isa male siida jalati d'okhannu d'ibi inqamna?

Mammaasa 10:25

Bubbeeni jabduuni ch'ubbicha fuute badiini, ammo nami d'ugaa haga jiru jireenna inchochou.

2 Samueli 22:47

AABBOONI Waaqa jiru! Siida kiyya ha faarsani! Waaqa jaba ka na baasu guddinna isaa odeesa.

Isaya 59:19

Ila borutiifi ila adule ch'ufa nami isa sodaate, nami ch'ufti maqa isaatiifi jabeenna isaale d'eeta. Inni akuma laga yau, ka qilleensi AABBO Waaqa yaasu, d'ufa.

2 Petro 1:10

Tanaafi oboleyaani tiyya, jabaad'a, aka yaamicha Waaqaatiifi fohacha isaa waan guyya ch'ufa tolfattani; wonti akanatiifi yo waan kana tolchitani haga jirtani injiddani.

Huji Ergattu 14:22

garaa worra d'ugefate jabeese aka d'ugefacha keesa taani gorse waan jed'e, Nu gaargala guddaani Finna Waaqa argachu malle.

Yohana 16:33

Waan kana anini ya isaniti hime, aka na keesa nagaya argattani. Lafa keesa d'ipu argattani, ammo garaa jabaad'a! Anini ya lafa dabsad'e.

Nahumu 1:8

Akuma bisaani lolaa ka fach'aati, inni nyaapa ufii ch'ufa hobaase, nama isaani morku ch'ufa fit'a.

Faaru 95:1

Koota, AABBO Waaqa faarsina! Waaqa nu baase gammadaani sirbina!

2 Samueli 22:5

D'awani dua na marsite, bisaani nati fach'aani na balleesani.

Qaabacha Seera 32:15

Gumiini Waaqa horte gabbatte, ammo AABBO Waaqa didde; worri lafa ira dabre ch'ufti gabbate, moora baase. Duuba Waaqa worra uume wollaalani. D'akha worra baase didani.

2 Samueli 23:3

Waaqi Israeli dubbate, siidani Israeli waan nani jed'e: Hayyuuni d'ugani lafa fidde seera Waaqa gula deemu,

2 Samueli 22:2

AABBO Waaqi d'akha kiyya, siida jaba ka anini jalati d'okhad'u.

1 Samueli 2:2

Nami tokoleeni ka aka AABBO Waaqa qulqullo injiru; isa male tokoleeni ka nama jabeese qorqoratu injiru.

Qaabacha Seera 32:31

Nyaapi worraa imbeekha aka waaqi worraa laafa, ammalle waaqi worraa, haga Waaqa Israeli irre inqamne.

Qaabacha Seera 32:18

Isani Waaqa keesani ka isani uume wollaaltani Waaqa isani d'ale ch'aqasu diddani.

Luqaas 6:47

Nama nati d'ufe dubbi tiyya d'agaye tolchu ch'ufa waan inni fakaatu isani agarsiisa.

Luqaas 6:49

Ammo nami dubbi tiyya d'agaye inguunne nama fulla biyye laaftuti, ato yayaba inkayiini, mana ijaare fakaata; d'awaani mana suni guddo irreeni d'oofte jennaani hojuma suni jige — jigansi mana suni waan gudda.