Luqaas 22:32 - KITAABA WAAQA

³² Ammo anini yayu sii kad'ad'e aka d'ugefachaani tante inhanqanne. Ammalle atini eegi nati deebite, oboleyaani tante jabeesi.

Luqaas 22:32 Referans Kwoze

Roomaa 8:34

Eentu dandae wollaala worrati mura? Kristo Yesoni la due, ammalle la duisa keesaa kaasani harka mirga ka Waaqa teesisani; inni Waaqa nu kad'ata.

Ebrania 7:25

Ammalle inni indandaa, ammafi hegerile, aka worra isa gula Waaqati d'ufu baasu, waan inni haga hegeri Waaqa worraa kad'atuufi.

2 Petro 3:14

Tanaafi jaalaani tiyya, ato guyya suni eeddanu, jabaad'a aka fuula Waaqa durati qit'oomtani, wollaala male nagayaani isa woliini teetani.

1 Petro 1:5

Isiini teesani, worra maro d'ugefachatiifi jabeenni Waaqa qorqoratu, ato isani baafama amma kurfeesani guyya muumme mullisani eegattanu.

Luqaas 8:13

Mid'aani d'akha gubba jigani suni jara dubbi d'ageennaani gammadaani fud'ate, ammo hidda inqamne fakaatani. Bulti diqoti d'ugefatani, gaafa ilaalachaani d'ufte lakisani.

Huji Ergattu 3:19

Tanaafi daba iraa deebia, Waaqaati fuula deefad'a, aka inni daba isani iraa d'iqu,

1 Petro 1:13

Tanaafi qalbi teesaniini kurfefad'a. Gurra d'aaba, ch'aqasa; abdi teesani, eeba hojja Yeso Kristoni mullatu isanii kennani, ira keyad'a.

Ebrania 12:15

Eegad'a, aka nami tokoleeni eeba Waaqa ind'amne. Eegad'a, aka nami tokoleeni mid'aani had'aa qabu tahe, nama heddu had'aa isatiini ingaargalchine.

Matayo 18:3

waan jed'e, Ilaala, yo jijiramtani aka ijoolle didiqo tana taatani male, Finna gubba diqole inargattani.

1 Yohona 2:19

Worri kunini qarale gumi teennaaniti, tanaafi nu biraa yaa; yo sila gumi teenna keesa jiraatani, nu woliini taani. Ammo wonti worri nu biraa yaeefi aka tokoleeni gumi teenna intahiini agarsiifti.

Yohana 14:19

Eegi bulti diqo nami lafa deebie na inargu, ammo isani na agartani, waan anini jiruufi isanileeni injiraattani.

Mariko 14:72

Hojuma suni kormi luku maro lameeso iye. Petroni dubbi Yesoni isaani jed'e qaabate, ta inni, Ato kormi luku maro lama iniyine, maro sadi na mormatta jed'e taani. Inni guddo lalefate bohe.

Mariko 16:7

Ammo beena, jara isatiifi Petroti hima, Inni isani durati Galilaya d'aqa, achiti isa argitani jed'aani, akuma duri inni isaniti hime.

Matayo 26:75

Petroni, waan Yesoni isaani jed'e, qaabate, Ato kormi lukuu iniyiini atini maro sadi na mormatta. Duuba inni alati bahe guddo bohe.

1 Petro 1:1

Maqaani kiyya Petro, ergattu Yeso Kristo, Gara gumi Waaqi fohate ta baqatte gargari firfirfamte, lafa Pontofi Galatiafi Kapadokiafi Asiafi Bithinia keesa jirtu.

Roomaa 8:32

Inni Ilma ufile nu ind'owanne, ammo nu ch'ufaa baase! Inni ka Ilma ufi nuu kenne, waan nu feenu ch'ufa tolaani nuu inkennu?

Tiitoo 1:1

Maqaani kiyya Paulo, anini hojattu Waaqatiifi ergattu Yeso Kristo. La na fohatani aka anini d'aqe, d'ugefacha worra Waaqi fohate qarqaare, d'uga aadaani teenna,

2 Timotheo 2:18

Worri kunini ya kara d'uga lakise, d'ugefacha jara d'ugefate ka gari yake, Kaisi keenna yayu dabre jed'ani.