Luqaas 20:47 - KITAABA WAAQA

⁴⁷ ka mana nad'eeni hiyyeeyiti wo nyaatu, ka kiyyibe kad'acha d'ed'eertu kad'atu. Yaka taka inargiini worrati murani.

Luqaas 20:47 Referans Kwoze

Mariko 12:40

Worri hori nad'eeni d'iirsa inqamne iraa hobaase, ammalle nama sobe, kad'acha d'eeresa. Wollaala taka inargiini worrati murani.

Yakobo 3:1

Oboleyaani tiyya, isaniini nami hedduuni barsiiftu intahiina. Wonti akanatiifi nuu, nama wo barsiisu, seera jaba gula nu qorani.

Tiitoo 1:16

Waaqa beenna ufiini jed'ani, ammo hujiini worraa ind'areesiti. Worri nama jibbani, namale inch'aqasu, waan dansa tokole dandae intolchu.

Luqaas 12:1

Gumiini kunki hedduu wolti baate woli ira ejaanjatte, jennaani Yesoni qara waan jara ufitiini jed'e, Bukho Farisayo eegad'a, anini kiyyiba worraa baana.

Matayo 23:13

Gaargala keesani jara Seera beekhufi Farisayo! Kiyyibdoole! Isani Finna gubba nama duraa ch'uftani, ammo ufile inseentani, yokhaani worra seennu fed'ule d'owartani. [

Mika 3:2

ammo waan dansa jibbitani hamtu jaalattani. Isani worra kiyya jira goga iraa qaltani fooni lafe iraa ch'irtani.

Mika 2:8

AABBO Waaqi waan jed'uuni, Isani aka nyaapa worra kiyya haatani. Nami duula galu, yo worraani bahu, waan nagayaani tau seha; ammo isani gaaddani woya duddaduubaani iraa hattani.

Amosi 2:7

Worri nama lalaafa woma indandeenne ira ejaanjate mamach'arse, hiyyeesale darbe kara iraa gorsa. Abbaafi ilmi intala takaani rafani, akanaani maqa kiyya qulqullo t'ureesani.

Ezekieli 33:31

Duuba gumiini tiyya wolti baate, waan atini jettu ch'aqasu d'ufti, ammo dubbi tante suni tokole gula iyyaatu; isiini akuma sirba worrati jirti, worri tanaleeni iraa deebie sabdooma ufi illakisu.

Isaya 10:2

Aki isani hiyyeesa d'uga d'owitani dabsitani balleesitani akana. Aki isani hori nad'eeni hiyyeeyitifi ka ilmaani hiyyeeyi saamtani guurattani akasi.

1Tasaloonqe 2:5

Isani imbeetani, aka nu hasaa namaani sosomnuuni ind'ufiini, yokhaani sabdooma keenna hasaani ind'ossine Waaqaati d'uga teenna!

Mika 2:2

Hojja oobru fed'ani, d'aqani saamani; hojja maneeni fed'ani, d'aqani qabani fud'atani. Wonti nami qabu, namafi saileeni, yokhaani mihi manaleeni, ka baha injirtu.

Ezekieli 22:7

Nami si keesa jiru tokoleeni, ka worra ufiiti saalfatu, injiru. Atini nama gosa d'ibi, ka si keesa tau dabsite, nad'eeni hiyyeeyifi ilmaani hiyyeeyile saamte.

Matayo 23:14

Gaargala keesani, isani jara Seera beekhufi Farisayo! Kiyyibdoole! Isani nad'eeni d'iirsi iraa due dabsitani, waan worra hattani, kad'acha teesani kiyyibafi d'eersetani. Maro waan kanatifi nama ch'ufa ira gaargaltani.]

Luqaas 20:46

Jara Seera beekhu eegad'a, ka woya d'ed'eertuuni yau fed'u, ka fulla gabayati aka nagaya fuud'ani fed'u, ka mana Waaqa iti kad'atani keesati dura tau fed'u, ka barch'uma dansa hojja sagale woliini nyaatani fed'u,

Luqaas 21:1

Yesoni olmillate jennaani dureeyi ta hori Waaqa baaftu arge,