Luqaas 19:44 - KITAABA WAAQA

⁴⁴ Irreeni lafa si buusani, siifi ijoolle tantele, duuba d'akha kanke kana tokole woli irati inhambisani, waan atini guyya Waaqi d'ufe si baasu imbeenneefi.

Luqaas 19:44 Referans Kwoze

Luqaas 21:6

Waan kana ka isani argitani, guyyaani d'akhaani tokoleeni woli irati inhamne ind'ufa; ch'ufa gargari jissani.

Boha 1:8

Amma gurri isi ya bade; isiini ya qulla buute ch'eerati hafte. Isiini waate ch'eeraafi fuula ufi d'ofatte. Yerusalemu ya daba hamani ufi t'ureesite.

1 Petro 2:12

Adabi keesani gara worra Waaqa imbeenne ha dansa tahu, aka yo worri hameenna isani himate, huji teesani dansa argani, duuba Guyya d'ufiisa Waaqa isa faarsani.

Luqaas 19:42

waan jed'e, Atini ato sila guyya kana waan nagaya, lafa tanatiini d'ufa beete, guddo dansa! Ammo ammatana la si d'ossani.

Luqaas 1:68

Aabbo Waaqi Israeli ha eebifamu: Wonti akanatiifi inni gumi ufi qarqaare baasu d'ufe.

Matayo 24:2

Inni waan jed'eeni, Waan kana ch'ufa agartani? Waan anini isaniti himu, d'akhaani tokoleeni woli irati inhafu, ch'ufa gargari jissani.

Danieli 9:24

Ganni torbatama maro torba ganna Waaqi aka gosa tanteetifi dira kanke qulqullo ch'ubbufi hameenna suni keesaa baasu fohate. Ch'ubbu namaa araaramani, d'uga haga jiru jireenna jirtule namaa kennani aka daayyafi fagiisi guutame Mana Waaqa qulqullo maro lameeso jaraani eebisani.

Luqaas 1:78

Waaqi keenna hojja ch'ufa naasu qaba; inni kayyo ta aka adu gubba nuti ifsa,

Mariko 13:2

Yesoni waan isaani jed'e, Maneeni gugurdo tana agarta? D'akhaani tokoleeni woli irati inhafu; ch'ufa gargari jissani.

Mika 3:12

Tanaafi maro teesanifi diri Sioni bade adaala taha. Yerusalemuleeni onte badde, gaari fulla Mana Waaqaa iti jaaranileeni badda taha.

Faaru 137:9

Ka daima kanke fuud'e d'akha irati ch'ach'arasu.

Isaya 10:3

Guyya Waaqi gaargala isanitini d'ufu, maal taatani? Hojja inni lafa fagooti badi isanitini d'ufu, maal taatani? Nami isani iti baqatani qarqaarsa ira fed'atani eenu? Hori keesani eesati d'ofattani?

Isaya 29:3

Waaqi dira suni marse had'a.

Yeremia 11:23

Anini yayu guyya tolfad'e ka worra Anathothi balleesu; hojja guyyaani suni gahu worra suni nami tokoleeni inhafu.

Danieli 9:26

Eegi bari sunini dabre, namicha Waaqi fohate kaani akanumati ijeesani wollaala male. Duuli hayyicha jaba toko lafa suni had'e dirafi Mana Waaqa balleesa. Duuba muummeeni akuma lolaa fach'aate, woraanafi badi Waaqi kurfeeseni d'ufti.