Luqaas 1:13 - KITAABA WAAQA

¹³ Ammo malaikaani waan jetteeni, Insodaatini, Zekaria, kad'acha tante la d'agayani, niitiini tante Elisabeti ilma sii d'alti, atini maqa isaa Yohana baafta.

Luqaas 1:13 Referans Kwoze

Huji Ergattu 10:31

Waan naani jed'e, Kornelio, kad'acha tante ya d'agayani, ammalle aki atini biyya wo kennitu la fuula Waaqa dura gahe, akasiini amma ya si qaabatani.

1 Samueli 2:21

AABBO Waaqi akasuma Hana eebise, eegi suni isiini ilmaani d'iira sadiifi dubra lama d'alte. Gurbaani Samueli jed'ani huji AABBO Waaqa suni keesati guddate.

Faaru 113:9

Inni niiti ilmaani ind'aliini worra ufiiti qubsise ilmaani kenneefi gammachiisa. AABBO Waaqa faarsa!

Uumama 25:21

Isiini ato ijoolle ind'aliini guddo deemte jennaani Isaaqooni guddo Waaqa kad'ateefi. Waaqi kad'a isaa d'agaye, Rebekaani garaachoofte.

Luqaas 2:21

Eegi torbaani toko, hojjaani gurba qabanqaba qabani geennaani maqa isaa Yeso baasani, akuma malaikaani himte, ato haati ingaraachainu.

Faaru 118:21

Ee AABBO Waaqa, waan atini na jalaa owaate na baafteefi anini si faarsa.

Uumama 18:14

D'uguma wonti AABBO Waaqati jabaata injirti? Akuma qara anini siini jed'e, Anini jia sagali tae, yo ani deebie, Saraani ilma qabdi.

Matayo 14:27

Ammo hojuma suni Yesoni worrati dubbate waan jed'eeni, Garaa jabaad'a, ana insodaatiina.

Uumama 17:19

Ammo Waaqi waan jed'eeni, Hiyo, intaatu. Niitiini tante Saraani ilma sii d'alti, atini maqa Isaaqo baasiifi. Anini isaafi ilmaani isaale wold'aqisa haga jiru jireenna woliini tolfad'a.

Matayo 28:5

Malaikaani waan nad'eeni taaniini jette, Insodaatiina; anini imbeekha, isani Yeso maskaliti fannisani barbaaddani.

Danieli 10:12

Jennaani isiini waan nani jette Danieli, insodaatini, Waaqi haguma gaafa qara atini wo hubachaa jette ufi diqeesite yayu kad'acha tante d'agaye, aninileeni maro kad'acha tanteetitifi d'ufe.

Jaallaboota 6:23

Ammo AABBO Waaqi waan jed'eeni, Naguma, insodaatini, aka d'ibi indootu.

Uumama 17:10

Wold'ageetiini jiddu tiyyafi teesani, ta sifi ilmaani tante jabeesu maltani, tana: ilma d'iira keesani ch'ufa qabanqaba qabaafi.

Luqaas 1:30

Malaikaani waan jetteeni, Mariamu, insodaatini, Waaqi ya si eebise.

Isaya 8:3

Duuba eege niitiini tiyya garaachoofte ilma deete. Jennaani AABBO Waaqi waan naani jed'e, Maqa isaa waan hurrisani saamani boojiani baasiifi.

Hosea 1:6

Gomeriini ammalle garaachoofte maro tana dubra deete. Jennaani AABBO Waaqi waan Hoseani jed'e, Maqa isii, Ta injaalanne baasiifi; wonti akanatiifi anini deebie gosa Israeli injaalad'u yokhaani inaraaramuufi,

Hosea 1:4

AABBO Waaqi waan isaani jed'e, Ilma kanke maqa Yezreeli baasi; wonti akanatiifi anini, ato inturre, mana Yehu, maro d'iiga nama Yezreeli ka inni jissetiifi balleese mootuma Israeli muumme baasa.

Mariko 16:6

Inni waan jed'e, Himamiina; isani Yeso Nazareti ka fannisani barbaaddani. Inni la kae, arma injiru! Ilaala, kuno, fulla isa qara kayani.

Matayo 1:21

Isiini ilma deeti, duuba atini maqa isaa Yeso baasi, wonti akanatiifi inni gumi ufi ch'ufa daba keesa baasa.

Luqaas 1:14

Atini ingammadda, nami hedduleeni si woliini gammada, hojja inni d'alatu.