Lawi 10:3 - KITAABA WAAQA

³ Jennaani Musani waan harunini jed'e, Wonti AABBO Waaqi gaafa inni nama na hojate anini qulqullooma garsiisa, duuba gumi tiyya ch'ufa durati na guddisani, jed'eefi tana. Ammo Harunini inch'alise.

Lawi 10:3 Referans Kwoze

Bahisa 19:22

Qaaloleeni ta nati d'iaachu feetu ha ufi qulqulleesitu, yokhaani anini worrale imballeesa.

Isaya 49:3

Duuba inni waan nani jed'e, Ee Israeli, atini hojatu tiyya, maro teetifi biyyiti na faarsiti.

Lawi 21:6

Inni Waaqa isaa durati qulqullo tahu male, maqa isaa ch'eersu himmalle. Inni nama sorio gubani ta sagale AABBO Waaqa, Waaqaa baasu, tanaafi qulqullo tahu male.

Henna 20:12

Ammo AABBO Waaqi waan Musafi Harunini jed'e, Waan isani na d'aarefatani gumi Israeli durati na ch'eersitanifi, isaani gumi tana lafa anini worraa kakhad'eti ingeesitani.

1 Samueli 2:30

Tanaafi anini, AABBO Waaqi Israeli, waan jed'u: Anini duri aka worraafi gochiti tante haga jiru jireenna qaallu naa tatu kakhad'e. Ammo anini amma aka suni ya dide! Anini amma nama na guddisu guddise ammo nama ch'eera naa d'abu tufad'a.

Qaabacha Seera 32:51

wonti akanatiifi isaani lachu gumi Israeli durati na ch'eersitani. Gaafa isani fulla bisaani Meriba jirtani, d'aatu dira Kadeshi, lafa aloo ta Sini keesati, gumi Israeli durati na saalfachu diddani.

Isaya 52:11

Kaa! Kaa! Armaa yaa, isani worri miha Mana Waaqa baatu! Waan qulqullo intahini tokole intuqina; ufi qulqulleesa, kaa, yaa.

Faaru 89:7

Woldeenna worra qulqullo keesati si ulfeesani, worri suni ch'ufti si sodaata.

1 Samueli 6:20

Jennaani worri Beth-Shemeshi waan jed'e, Eenuti dandae AABBO Waaqa qulqullo akana dura eja? Nu esa isa ergina, aka inni nu biraa deemu?

Lawi 21:21

Nami d'aloota qaallu Haruni ka nafi isa aabo qabu sagale gube AABBO Waaqa baasu himmalle. Inni aabo qabo, tanaafi Waaqati d'iaate sagale baasufi himmalle.

Lawi 8:35

Isani fulla balbala Waaro Woyyuma haga bulti torba teetani, waan AABBO Waaqi, Tolcha jed'e tolchu maltani. Yo akasi tolchu baatani indootani wonti AABBO Waaqi nati hime suni.

Ezekieli 20:41

Eegi anini lafa isani iti firfirfamtani keesaa isani fuud'e, fulla tokoti wolti isani deebise, gochiti ch'ufti aka anini qulqullo hubati.

Lawi 22:9

Qaaloleeni ch'ufti seera kiyya kana jabeesu malte. Yo worri akasi intahini, worri wollaala seene dua; wonti akanatiifi worri ya seera qulqullo gula yau dide. Anini AABBO Waaqa, ka worra qulqulleesu.

Lawi 21:17

Waan atini Harunini jettu: Nami d'aloota kanketi haga jiru jireenna, ka nafi isaa aabo qabu, tokoleeni fulla qulqullooti d'iaate Waaqaa sagale imbaasini.

Lawi 21:15

Yo inni akasi intahini, ilmaani isaa ta sila qulqullo tahu malte int'uroofti. Anini AABBO Waaqa, ka isa qulqulleese, qaallu gudda tolche.

Lawi 21:8

Biyyiti nama suni ha aka inni qulqullo hereddu, wonti akanatiifi inni nama sagale Waaqa keesani baasu. Anini AABBO Waaqa qulqullo, worra kiyyale inqulqulleesa.

Ezekieli 42:13

Namichi waan nani jed'e, Maneeni tunini lachu qulqullo. Maneeni tana keesati qaaloleeni Waaqa dura d'uftu sorio ch'ufa ira qulqullo nyaati. Waan d'iibuni tunini qulqullo taateefi qaaloleeni sorio ch'ufa ira qulqullo taani achi keesati olkeeti: mid'aani Waaqa baasanifi sorio dabaani ufi ira baasanifi yokhaani waan gati sorio baasani.

Faaru 39:9

Anini afaani qabad'a, woma indubbad'u, wonti akanatiifi nami waan kana na tolche sii.

1 Petro 4:17

Hojjaani qorsuma ya geete, qaraa fiit'e worra Waaqaa qorani. Yo qara nuuni iti keyatani, worra Odu Dansa ta Waaqa ind'ugefanne maani tolchani?

Matayo 10:37

Nami abbaafi haad'a ufi nara jaalatu naa himmalle; ammalle nami ilmaani ufi nara jaalatu naa himmalle.

Ezekieli 28:22

waan jettuuni, wonti AABBO Waaqi guddaani jed'u tana: Ee Sidoni, anini yayu nyaapa siti tae, biyyitileeni waan anini si tolchu kana gula na faarsiti. Ammalle hojja anini nama si keesa tau gaargalchu qulqullooma tiyya argani, akanaani aka anini AABBO Waaqa beekhani.

Aayubu 2:10

Ayubuni waan jed'eeni, Atini aka nad'eeni woma imbeenne dubbata. Nu dansuma ch'alla Waaqa iraa eeganna? Hameennale ineegannu? Gaargala kana ch'ufa keesa Ayubuni taka woma dubbate Waaqa inhaalanne.

Yohana 12:28

Aabbo, maqa kanke guddisi! jed'a. Jennaani qonqooni toko gubbaa d'ufte waan jette, Anini yayu guddise, ammalle iti deebie guddisa jette.

1 Samueli 3:18

Jennaani Samuelini waan ch'ufa tokole inhambimne iti hime. Elini waan jed'e, Inni AABBO Waaqa, waan fed'u ch'ufa ha tolchu.

Bahisa 14:4

Duuba anini garaa Farao jabeesa, inni duuba isani reebe, anini isaafi gumi isaale dabsad'e, akasiini worri Misiri aka anini AABBO Waaqa beekha. Jennaani worri Israeli waan Musani jed'eeni ch'ufa tolche.

Uumama 18:25

Atini nama ch'ubbu inqamne dandeete ka ch'ubbu qabu woliini inhobaaftu. Suni sii imfakaattu. Yo atini akasi tolchite, ka ch'ubbu qabuufi ka ch'ubbu inqamneleeni woliini hobaa. Wonti kunini diqole intaatu. Jaallabi lafa tana ch'ufaa waan d'uga intolchu?

2Tasaloonqe 1:10

Guyya Yesoni guddinni gumi ufitiifi ulfinna nama isaa d'ugefate, ch'ufa ira argachu d'ufu, isanileeni worra suni keesa jirtani, maro isani d'aamsa nu isaniti hime d'ugefataniifi.

Yohana 14:13

Waan isani maqa kiyyaani kad'atani ch'ufa ani intolcha, aka guddinni Abbaa Ilma keesaa mullatu.

Faaru 119:120

Maro teetifi anini sodaad'e, maro seera keetile mudama.

Faaru 46:10

Inni waan jed'u woli had'u lakisa, aka anini AABBO Waaqa beekha. Gosa ch'ufafi lafa ch'ufa keesaleti na guddisani.

Isaya 39:8

Jennaani Hezekiani waan Isayaani jed'e, Dubbini AABBO Waaqa ta atini nati himte tunini waan dansa. Wonti Hezekiani akasi jed'eefi, inni waan sehe waan haga inni lafa fidu lafti nagaya taatu sehe.

Bahisa 14:17

Anini garaa worra Misiri jabeese, aka worri worra Israeli gula yau; duuba anini Faraofi gumi isaatiifi askarti isaa ta gaari fardi hirkisuni yaatufi ta fardaani yaatule dabsad'a.

Bahisa 30:30

Duuba Harunifi ilmaani isaa muudi eebisi, aka worri qaalole tahe naa hojatu.

Henna 16:5

Jennaani waan Korafi goli isaatini jed'e, Bori diirama AABBO Waaqi nama isaa nu agarsiisa; inni nama isaa ka fohate ee jed'a aka inni isa dura d'ufu.

Faaru 148:14

Inni ya gosa ufiti jabeenna kenne aka akasiini gumiini isaa ch'ufti isa faarsitu — gumi Israeli ta inni guddo jaalatu. AABBO Waaqa faarsa!

Ezekieli 38:16

Atini gumi tiyya ta Israeli aka hurri iti lafa qabate haata. Hojja guyyaani sunini gahe anini lafa tiyya had'iisaa iti si erga, aka akasiini gochiti ch'ufti na beete, qulqullooma kiyya, waan anini si hojachisuni, argitu.

Ezekieli 40:46

Ammalle mani mirga fuula deefatu ka qaalole fulla waan sorio irati qalani hojattu. Qaaloleeni tunini ch'ufti nama d'aloota Sadoki. Gosa Lawi keesa worra ch'allati dandae fulla AABBO Waaqa sorio irati baasaniti d'iaate isaa hojata.

Bahisa 19:24

AABBO Waaqi waan jed'eeni, Beeni, amma gabui, Haruni woliini koota; ammo qaaloleefi worri kaani d'ibiini fulla seera suni nati gadintaakiini; yo worri taake, inhobaasa.

Faaru 39:10

Deebite na ind'aaniini, anini diquma d'abanaasa teetiini induiini.

Faaru 93:5

Ee AABBO Waaqa, seeri kanke haga jiru injijiramu ammalle Mani kanke haga jiru jireenna qulqullo.