Jaallaboota 9:27 - KITAABA WAAQA

²⁷ Worri ch'ufti oobru zabibu yae mid'aani guure, daad'i ira mid'aase jila tolfate. Jennaani mana waaqa isaani d'aqani, achiti nyaatani d'ugani Abimeleki hamatani.

Jaallaboota 9:27 Referans Kwoze

Jaallaboota 9:4

Duuba worri qarsi torbatama ta mana waaqa worra ka Baal-Berithi jed'ani keesa jirtu kenneefi. Duuba qarsi tanaani inni worra seseega toko bitate, ka isaa woliini yae.

Danieli 5:23

Atini Waaqa gubbati wollaalte, muduunufi qori mana isaa guurte d'ufteeni, duuba siifi jara kanke gugurdafi nad'eeni teetifi gaarayooti tanteleni daad'iini d'uddani, waaqa worqifi qarsifi sibiila diimafi sibiila guraachafi mukhaafi d'akhaani mid'aasani faarsitani — waaqa woma ingarre, ka woma ind'ageenne, yokhaani ka woma imbeenne. Ammo atini Waaqa duafi jireenna kanketifi ammalle waan atini tolchitu ch'ufa harkaa qabu guddisu didde.

Yeremia 25:30

Yeremia, atini waan anini jed'e kana ch'ufa worrati himi, waan jettuuni: AABBO Waaqi gubbaa itane, gara inni tau ka gubbati mandia. Ammalle gumi isati itane, aka nama zabibu ch'ach'arasu iyya. Nami lafa keesa jiru ch'ufti isa d'agaye,

Faaru 109:17

Inni guddo nama abaaruu fed'e ammo Waaqi ha isa abaaruti! Inni namaa eebisu dide, namileeni isaa ineebisini!

1 Samueli 17:43

Waan jed'eeni, Uleeni atini harka qabdu tunini maani? Atini sare na seeta? Duuba maqa waaqa isaatini Daudi abaare,

Jaallaboota 16:23

Hayyooti Filisti taani wolti baate jila tolfate, sorio waaqa worra ka Dagoni jed'ani qalte, sirbite waan jette, Waaqi keenna yayu nyaapa keenna Samsoni harka keennati kenne.

Jaallaboota 9:46

Worri gugurdaani ka mana jaba nyaapa iti d'okhatani ka Shekemu keesa jiru, waan kana d'agaye, mana jaba ka waaqa worraa ka Baal-Berithi jed'aniti baqate.

Jaallaboota 8:33

Eegi Gideonini due, worri Israeli Waaqa wollaale, garagale Baali kad'ate. Ammalle Baal-Berithi Waaqa tolfatani,

Bahisa 32:19

Akuma ollati gad'iaateeni, Musani biyya korma worqi ka mid'aasani kaani durati sirbitu arge jennaani aka hama dallane, gaara jalati d'akha harkaa qabu kaani lafaani d'ae lachu ch'a ch'abse.

Bahisa 32:6

Jennaani boriyyaate ganama worri Israeli kae sorio gubani baasanifi ta wold'ageetitiini d'ufe. Duuba biyyiti eegi nyaatte d'udde, kaate tabatte sirbite.

Jaallaboota 9:26

Jennaani Gaalini, ilmi Ebedi, Oboleyaani isaa woliini Shekemu d'ufe, duuba worri Shekemuleni isaa d'ugeefate gula bahe.

Hosea 7:14

Worri garaa tokooni na inkad'anne, ammo sire gubbati lafaani ufi d'ae, aka nama Waaqa imbeenne iyya. Ammalle hojja mid'aanifi daad'i Waaqa kad'atanile, ufi murani aka worra Waaqa imbeenne ufi tolchani, akasiini naraa gorani.