Jaallaboota 20:26 - KITAABA WAAQA

²⁶ Jennaani worri Israeli Betheli d'aqe bohe, achiti worri AABBO Waaqa dura tae haga galgala ufi agabse, sorio gubanifi ta wold'ageeti AABBO Waaqaa baasani.

Jaallaboota 20:26 Referans Kwoze

Kitaaba Izra'aa 8:21

Jennaani fulluma galaana Ahavati anini seera baase, aka nu ch'ufti ufi agabsine Waaqa kenna durati ufi diqeesine, inni nuufi ilmaani teennafi hori keenna kara nagaya qajeelchu.

Jaallaboota 20:18

Worri Israeli ch'ufti Betheli d'aqe, Waaqa gaafate waan jed'ani gochiti qara Benjamini haatu tami? AABBO Waaqi waan jed'eeni, Gosa Yuda.

Yoeli 1:14

Gumi wolti yaama, guyya ufi agabsitani tolfad'a! Jaaroleefi nama lafa Yuda keesa tau ch'ufa Mana AABBO Waaqa keesani keesati wolwoldeesisa, isa yaamad'a.

2 Odu duri 20:3

Yehoshefathini guddo sodaate qarqaarsa AABBO Waaqa kad'ate nama Yuda ch'ufaani, sagale inyaatina, ufi agabsa jed'e.

1 Samueli 7:6

Mispati wolwoldaani jennaani bisaani woraabani ammalle aka d'ibaayu AABBO Waaqa lafati naqani, guyya suni ch'ufa agabuuni oolaani waan jed'ani, Nu yayu AABBO Waaqati ch'ubbamne. (Fulla Mispa suniti Samuelini dubbi worra Israeli qore.)

Jaallaboota 20:25

Ammalle akuma suni worri Benjamini Gibea keesaa bahe, askarti Israeli ta guddo had'iisa barate, nama kuma kud'ani saddeeti, gate.

Jaallaboota 21:2

Duuba amatana worri Israeli suni Betheli d'aqe Waaqa dura haga galgala tae, lalabe laalalaani bohe waan jed'e,

1 Samueli 11:4

Jari ergani kaani Gibea fulla Sauloni tau d'ufe, odu tana biyyati hime jennaani biyyiti aka hama iraa laalefate boote.

Yeremia 36:9

Jia sagaleeso, ka ganna shaneeso, ka Yehoiakimuni lafa Yuda mohate keesa, biyyiti AABBO Waaqaa jette ufi agabsite. Nami ufi agabse sunini worra Yerusalemu keesa taufi worra dira Yuda keesaa d'ufe.

Uumama 28:19

Duuba fulla suni maqa Betheli baaseefi, ammo fulla suni duri dira toko ka maqaani Luzuti jira.

Yoshua 7:6

Yoshuafi jaaroleeni Israeli bohani, woya ufii tataarsasani, Sanduqa Wold'aqisa AABBO Waaqa durati lafaani ufi d'aani aka hama laaleefatani. Biyye matati ufi guurani haga galgala arti ch'iisani.

Yoshua 24:1

Jennaani Yoshuani gosa Israeli ch'ufa Shekemuti wolti yaame, jaarole, worra gugurda, makalootafi jaallaboota ch'ufa; duuba worri Waaqa durati artiti wolti bahe.

Jaallaboota 21:4

Boriyya ganama biyyiti lafaa kaate, waan sorio irati baasani jaarate, sorio gubanifi sorio wold'ageeti irati Waaqaa baasani.

2 Samueli 3:35

Guyya suni ch'ufa biyyiti Dauditi d'ufte, sagale soorad'i jetteeni, ammo inni kakhate waan jed'e, Waaqi na ijeesinna, hojja anini sagale nyaad'e haga aduuni d'ituti!