Jaallaboota 2:17 - KITAABA WAAQA

¹⁷ Ammo worri jaallaboota suni ch'aqasu dide AABBO Waaqa lakisani waaqoota d'ibi gula badani, waaqoota suni kad'atani. Abbootini worraa duri dubbi AABBO Waaqa gula yaati, ammo d'alooti haarai kunini, yoosu kara suni iraa gore.

Jaallaboota 2:17 Referans Kwoze

Galatia 1:6

Isani guddo na mamsiiftani! Yoosu nama eeba Kristotiini isani yaame lakiftani, odu d'ibi gula yaatani.

Qaabacha Seera 9:12

Jennaani AABBO Waaqi waan naani jed'e, Beeni, hurrisi gadibui; wonti akanatiifi worri kanke, ka atini lafa Misiri keesaa d'ufteeni, ya hammate waan daba tolche. Worri arra kale dubbi anini jed'eeni taani iraa deebie, sibiila basse mid'aase, aka waaqa inkad'atiini.

Jaallaboota 2:7

Haga Yoshuani jiru, worri Israeli AABBO Waaqa hojate, ammalle eegi inni duele haga jaaroleeni waan guddo AABBO Waaqi worra Israeliti tolche argite jirtule akasuma isaa hojatani.

Hosea 2:2

Ijoolle, haateti dubbad'a ufi ya dad'abe, isiini amma niiti tiyyaniti, anileeni d'iirsa isiitiniti, ammo ha taatuti, iti dubbad'a, aka isiini sharmut'oma isii, ka ch'eera d'abde lafaani martu kana, lakiftu.

Faaru 106:43

Maro heddu AABBO Waaqi gumi ufii baase, ammo worri beekhaa isa dide, haga qara irale ch'ubbu gula bade.

Faaru 106:39

Worri akanaani huji ufiitini ufi t'ureese, waan ch'eera hamtu tahe Waaqati wollaale.

Faaru 73:27

Nami si lakisu inuma badda; atini nama siraa gore imballeesita.

1 Samueli 12:19

waan Samuelini jed'ani, Aabba AABBO Waaqa kanke nu kad'ad'i, aka nu indoone. Amma nu ya argine, ch'ubbu qara taani malele aka nu waan hayyu kad'anneefi ch'ubbu d'ibi keesa bune.

1 Samueli 12:17

Amma lafti bona, akasiyu? Ammo anini inkad'ad'a duuba AABBO Waaqi amuma tana mandie bokaya nuu rooba, hojja wonti kunini taatu, isani aka ch'ubbu hamtu AABBO Waaqati tolchitani gaafa hayyu kad'atani, beetani.

1 Samueli 12:12

Ammo isani aka hayyu Nahashini, ka Amoni isani had'u d'ufe d'ageennaani AABBO Waaqa aka hayyu keesani tolfachu diddani iti garagaltani waan naani jettani, Nu hayyu nu mohatu feena.

Yoshua 24:31

Worri Israeli haga Yoshuani jiru AABBO Waaqa hojatte, ammalle haga jaaroleeni ta waan AABBO Waaqi Israeli tolche ila ufiitini argite lafa jirtu, AABBO Waaqa hojatte.

Yoshua 24:24

Duuba biyyiti waan Yoshuani jette, Nu AABBO Waaqa keenna hojanne dubbi isaa gula yaana.

Qaabacha Seera 9:16

Anini aka isani seera AABBO Waaqi keesani isanii kenne ch'absitani, Waaqa sibiila ka aka korma looni mid'aafattani akasiini Waaqa keesaniti daba tolchitani, arge.

Lawi 17:7

Worri Israeli armaa achi deebie, AABBO Waaqa lakise hori ufi ballinna keesati qale laleesa jinni kad'achu himmalle. Worri Israeli haguma jiru jireenna aada tana ha jabeesu.

Bahisa 32:8

worri yayu hurrise kara aada tiyya ta anini kenneefi iraa garagale worqi bassani tume jibicha mid'aase waaqa tolfate kad'ate sorio baaseefi waan woliini jed'e, Kuni waaqa keenna ka lafa Misiri keesaa nuu baase.

Amosi 2:4

AABBO Waaqi waan jed'u, Worri Yuda ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri ya seera kiyya dide aada tiyyale lakise. Waaqooti d'ara, ta ababooti isaani kad'ate, ya worra kara iraa gorse balleese.

Qaabacha Seera 31:16

Jennaani AABBO Waaqi waan Musani jed'e, Atini amma ya fulla ababooti tante jirtu d'aqu geete, ammalle eegi atini doote, gumiini naraa gorte wold'aqisa anini worra woliini tolfad'e ch'absiti. Ammalle na lakisani, waaqa worra na imbeenne, ka lafa worri iti qubachu gahe suni keesa jiru, kad'atani.

Qaabacha Seera 31:18

Duuba gaafasi anini worra duraa gore qarqaaru dida, wonti akanatiifi worri hamate waaqa d'ibi kad'ate.

Jaallaboota 8:33

Eegi Gideonini due, worri Israeli Waaqa wollaale, garagale Baali kad'ate. Ammalle Baal-Berithi Waaqa tolfatani,

Yeremia 3:6

Gaafa Yosiani hayyu, AABBO Waaqi waan nani jed'e waan niitiini sharmut'itini Israeli jed'ani suni tolchite, agarte? Isiini naraa gorte kubile d'ed'eertu ch'ufa iraafi mukeeni gugurdo dodoti ch'ufa jalati ya huji sharmut'a hojate.

Yeremia 6:16

AABBO Waaqi waan gumi isaatini jed'e, Fulla woldeenna karaa ejaanja wo ilaala kara dullachaafi kara iraa dansa gaafad'a! kara suni gula yaa, nagaya argattani. Ammo worri waan jed'e, Hiyo nu kara suni gula iyyaanu.