Isaya 49:7 - KITAABA WAAQA

⁷ Waaqi qulqullooni Israeli, ka worra baasu, waan nama tufatani, ka gochiti ch'ufti jibbite hayyooti hojattu tolfateeni jed'u: Hayyooti si agarte, si dura kaate, sii saalfati; ilmaani hayyootaleeni akasi agarte si durati gajejette si guddifti. Wonti woni kunini taatufi waan AABBO Waaqi hojatu ufi fohate Waaqi qulqullooni Israeli kakhu ufi guutufi.

Isaya 49:7 Referans Kwoze

Matayo 26:67

Hanch'ufa fuulati tufani d'aanani; worri isa d'abanaase

1 Petro 2:4

Gara Aabbo koota, inni d'akha jiru ka biyyiti ch'ufti didde, ammo Waaqi fohate.

Isaya 53:3

Isa tufatani didani, inni gaargalaafi d'ukubsachale obse. Nami isa ilaalu injiru, nuleeni isa tufanne womatu indarre.

Matayo 20:28

akuma Ilmi Nama, aka nami isa hojattufi ind'ufiini, ammo aka namaa hojate, jireenna ufi maro nama heddutiifi baasu d'ufe.

Isaya 48:17

Waaqi qulqullooni Israeli, AABBOONI ka isani baasu, waan jed'u: Anini AABBO Waaqa keesani ka dansuma teesaniifi isani barsiise, kara isani yau maltani isani qajeelchu.

Isaya 49:23

Hayyooti abba isaanii taate, hayyitiini ch'ufti hawani isanii taati. Worri isani durati jilbifate isani guddise guddo isanii saalfata. Duuba isani akasiini aka anini AABBO Waaqa beetani; nami qarqaarsa kiyya eegatu ch'eera inargatu.

Isaya 49:1

Na ch'aqasa, gosa lafa fago teetu ch'ufa! Ato anini ind'alatini AABBO Waaqi na fohate hojatu na tolfate.

Zekaria 11:8

Anini jara tissitu sadeeni na jibbu kaani obsu dad'abe, jia toko keesati ufira balleese.

Isaya 52:15

Ammo ammatana gochiti hedduuni waan isa mamte, hayyootileeni waan dubbatu d'abde afaani qabatti. Worri waan takaa imbeekhini arge hubata.

Isaya 42:1

AABBO Waaqi waan jed'u, Hojattuuni kiyya ka anini jabeesu kuno kana, inni nama ani fohad'e, isumati na gammachiisa. Anini ya lubbu tiyyaani isa guute tanaafi gochiti ch'ufti maqa isaatini d'uga argatti.

Yohana 19:15

Worri ch'aare waan jed'e, Armaa fuud'i, Armaa fuud'i, olfannisi! Pilatoni, Hayyu keesani olfannisa? jed'e worra gaafate. Qaaloleeni gugurdooni waan jetteeni, Nu hayyu d'ibi inqamnu, Kaisari male!

Luqaas 23:35

Biyyiti oliejanjite daawatte; jari gugurdaani Yahudi isa goyeese waan jed'e, inni nama d'ibi baase ha ufi baasu yo inni Kristo Waaqi fohate tahe.

Luqaas 23:23

Ammo jabaatani qonqo guddooni gohani, aka Yeso fannisani kad'atani. Eege gohanti worraa isa dabsate.

Isaya 60:10

AABBO Waaqi waan Yerusalemuni jed'u, Nyaapi naabo te jaare hayyooti worraleeni sii hojati. Anini duri dallane isani gaargalche, ammo ammatana isanii nahe eeba isanii kenna.

Isaya 60:3

Gochiti d'ibiini ifsa keetiti d'ufte, hayyootileeni ifsa kanke ka bariiti yaati.

Isaya 50:6

Anini nama na d'aanu ufiti lakise, nama na arabse, areeda na hirkise hanchufa fuulati na tufe, ufira ind'owine.

Isaya 48:7

Wonti sunini waan anini amma tolchu ch'alla; wonti akana takaa duraani intaane. Ato sila taate isani, Nu waan isii qara ya beenne jettani.

Faaru 68:31

Nama hayyuuni erguti lafa Misiriti d'ufa; gochiti Kushileeni harka olqabate Waaqa kad'ati.

Mudhii Yohaannisii 11:15

Jennaani malaikaani torbeeso magalata ufi d'oofte, qonqooni guddooni gubbaa baate waan jette, Jabeenni lafaani fidani amma ka Aabbo keennatiifi ka Kristo isaati, inni haga hegeri fida.

Mudhii Yohaannisii 3:7

Gara malaika gumi Filadelfia waan kana t'aafi: Tunini dubbi nama qulqullotiifi ka d'uga, ka fura Daudi harkaa qabu, ka yo inni bane nami tokoleeni dandae inch'umne, yokhaani yo inni ch'ufe nami tokoleeni dandae imbanne.

Yohana 19:6

Qaalole gugurdofi askartiini isa arginaani ch'aarte waan jette, Olfannisi! Olfannisi! Pilatoni waan jed'eeni, Isanumaani fuud'a, olfannisa. Anini waan hamtu isa irati ingarre.

Yohana 18:40

Worri ammalle gohe waan jed'e, Isaaniti, ammo Baraba nu hiikhi. (Barabani suni shifta.)

Luqaas 23:18

Ammo gumiini ch'ufti ch'aarte waan jette, Nama kana nuraa balleesi, Baraba nu hiikhi.

Luqaas 22:27

Eentu ira jira, nami sagale nyaataa tau mo ka gololchu? Nami sagale nyaataa tauniti? Ammo anini jiddu teesani keesati aka nama nama gololchu jira.

Isaya 60:16

Gosa d'ibifi hayyooti worraleeni akuma niiti daima hoosiftu si qorqoratti. Duuba atini akasiini aka anini, AABBO Waaqi si baase, Waaqi guddaani Israeli si balchoomsu beeta.

Faaru 69:19

Atini aka na arabsani na ch'eersani gurra na balleesani imbeeta; nyaapa kiyya ch'ufa atini inuma agarta.

1 Korintho 1:9

Waaqa ka wold'aqisa Ilma isaa Yeso Kristo Aabbo keennati isani yaame d'ugefachu malani.

Uumama 27:29

Nami gosa ch'ufa ha si hojate si durati jilbifatu. Oboleyaani tante ch'ufa mohad'i, ilmaani haateti ch'ufa ha si durati jilbifatu. Ka si abaaru ha abaaramu; ka si eebisu ha eebifamu.

Qaabacha Seera 7:9

Beekha, AABBO Waaqa keesani ch'allati Waaqa, ka dubbi ufi guutu. Inni wold'aqisa ufi guute, jaalala ufile d'aloota kunki ka nama isaa jaalate seera isaa guutu agarsiisa;

Faaru 47:9

Jari gosa ch'ufa mohatu gumi Waaqa Abrahamutini wolti baha. Inni duula lafa ch'ufa ira jaba, inni waan ch'ufa fida.

Isaya 14:1

AABBO Waaqi ammalle gumi ufii ta Israeliti nahe, worra fohate, ka ufi tolfate, lafa isaani ta qara taaniti deebise, achiti worra qubsisa. Nami gosa d'ibileeni d'ufe worra woliini taa.

Isaya 19:21

AABBO Waaqi worra Misiri ufi garsiise, duuba worrileeni isa hubate, isa yaamate, soriofi waan d'ibi isaa baasanini d'ufa. Ammalle worri isati kakhate kakhu suni guuta.

Isaya 19:23

Gaafa guyyaani suni d'ufu, kara guddati Misirifi Ashuru jiddu baha. Worri Ashurutifi ka Misiri woli keesa imaltu yae Waaqale woliini kad'ata.

Isaya 27:13

Guyya suni magalata d'aani, worra Israeli ka, qara boojiani lafa Ashurutifi lafa Misiriti geesani, yaamani gadi deebisani. Duuba worri d'ufe gaara isaa ka woyyuma irati, Yerusalemu keesa, AABBO Waaqa kad'ata.

Isaya 49:26

Anini nama isani dabsu ch'ufa woli ijeesise, worri d'iiga woli aka farso d'uga. Duuba akanaani nami ch'ufti, aka anini AABBO Waaqa ka isani baase isani balchoomsu, beekhu. Ammalle akanaani Waaqa Yakobo ka irre qabu hubatani.

Isaya 66:23

Jila baatitiifi ta Sabato ch'ufa nami gosa ch'ufaa wolti bahe arma Yerusalemu keesati na kad'ata.