Isaya 45:7 - KITAABA WAAQA

⁷ Anini ifsa mid'aase dukanale uume gaargalaafi nagayale namaatiini d'ufa. Waan kana ch'ufa ana AABBO Waaqa tolcha.

Isaya 45:7 Referans Kwoze

Amosi 3:6

Magalati lolaa yo dira keesati d'aani nama innaasisu? Gaargali dirati ind'ufa, hojja AABBO Waaqi iti inergini?

Faaru 75:7

Nami dubbi qoru Waaqa, ka nama gari wollaala iti mure ka gariti d'ugaa muru.

Aayubu 2:10

Ayubuni waan jed'eeni, Atini aka nad'eeni woma imbeenne dubbata. Nu dansuma ch'alla Waaqa iraa eeganna? Hameennale ineegannu? Gaargala kana ch'ufa keesa Ayubuni taka woma dubbate Waaqa inhaalanne.

Amosi 4:13

Ka gaara mid'aase bubbe uumeleeni isuma; ka herega ufii nama barsiisu isuma; ka guyya halkani tolche gaareenile ch'ufa gubba deemu — AABBO Waaqa, ka Abba Waan Ch'ufa jed'aniini.

Isaya 31:2

Inni waan tolchu jiru imbeekha, gaargala namati erge, worra ch'ubbu qabuufi worra worra qorqoratule illakisu.

Yeremia 31:35

AABBO Waaqi adu ifsa guyya tolche, halkani jiaafi urji ifsaa tolcha. Inni baariini chochoose roraasa; maqaani isaa AABBO Waaqa gudda.

Yeremia 13:16

AABBO Waaqa keesani guddisa, ato inni dukanaani d'ufe gaareeniti isani ingugufachiimne; ammalle ato inni ifsa isani abdatani dukana sipe intolchine.

Nahumu 1:8

Akuma bisaani lolaa ka fach'aati, inni nyaapa ufii ch'ufa hobaase, nama isaani morku ch'ufa fit'a.

Yeremia 51:20

AABBO Waaqi waan jed'u, Babiloni atini burrisa kiyya, miha kiyya ka lola ka anini namaani had'u, anini siini lafafi namale balleese,

Huji Ergattu 4:28

Worri wold'aqe aka waan ch'ufa ka atini harka kanketiifi fed'i tantetiini qara buufatte tolchani.

Amosi 5:6

AABBO Waaqa barbaada, injiraattani. Yo isani barbaadu baatani, inni aka ibida worra Yusufuti d'ufe guba. Ibidi suni worra Betheli gube, nama d'aamfule d'abani.

Ezekieli 32:8

Anini ifsa gubba jiru ch'ufa d'aanfe lafa ch'ufa dukana sipe tolcha. Nami dubbi tana jed'e ana, AABBO Waaqa gudda.

Faaru 29:11

AABBO Waaqi gumi ufii eebise nagaya kennaafi.

Faaru 8:3

Yo anini gubba atini mid'aasiteefi jiaafi urji atini gubba nat'e dowad'u —

Aayubu 34:29

Yo Waaqi ch'allise, eenuti dandae waan isa dubbata? Yo inni fuula d'ofate, eenuti dandae isa arga?

Bahisa 14:20

worra Israelitiifi ka Misiri jiddu ejite. Dumansi kaani worra Misiri lafa iti dukaneese halkani tolche, ammo worra Israeliti ifse, tanaafi worri halkani suni wolti d'iaachu dad'abe.

Yihudaa 1:13

Aka d'awa baariini jira, hujiini worraa hamtuuni aka homachaa mullati. Aka urji ch'eetu jira, Waaqi ya fulla dukana sipeti haga jira jireenna teesuma worraa mid'aase.

Yihudaa 1:6

Malaikoota fulla ufi lakifte fulla isi himmalini yaate qaabad'a. Waaqi worra ya haga jiru jireenna haada sibiilatiini dukana lafa jala keesati hid'e aka guyya jaba ka wollaala iti murani eegattu.

Yakobo 1:17

Galati dansaani ka namaa kennanifi ka namaa baasani ch'ufti gubba gadi d'ufa, fulla Waaqa, ka ifsa gubba uume. Inni injijiramu yokhaani garingalu.

2 Korintho 4:6

Waaqi, Dukana keesa ifsaani ha ifsu jed'eti ifsa kana garaa keenna keesati ifse, aka ifsa hubacha guddinna Waaqa nuu kennu ka fuula Kristoti ifsu.

Yoeli 2:2

Guyyaani suni gaandidae dukanae, guraatae dumansaa. Duuli awaanisaa dukanae, lafa ira dabre, gaara gubbaa gad'ufuu jira. Wonti kunini waan nami taka inargini, ammalle itumaa deebiani inargani.

2 Hayyoota 19:25

Atini aka anini waan suni ch'ufa herege si tolchisise ind'ageenne? Anini amma waan suni ch'ufa ya tolche guute. Nami irre atini dira jajabaani ch'ach'absite bulleesite sii kenne anuma.

Faaru 105:28

Waaqi dukana lafa Misiriti erge, ammo worri Misiri dubbi isaa dide.

Isaya 42:16

Anini gumi tiyya balla kara worri imbeenne gulaani deema. Anini dukana worraa ifsa tolche, lafa gooro qabdu worraa dirirsa. Waan kana anini tolchu male intau.

Isaya 47:11

Ammo gaargali siti d'ufe falfala kanke ch'ufaani ufira d'owu dad'abda. Ammalle badiini tassa siqabati — ta atini taka waan isii inoobjatini!

Yeremia 10:16

Waaqi Yakobo aka worraa injiru; isumati waan ch'ufa uume, ammalle worra Israelile isumati fohate gumi ufi tolfate maqaani isaa AABBO Waaqa gudda.

Boha 3:38

Wonti dansaafi hamtuleeni jechuma isaa gula taati.

Danieli 2:22

Inni waan d'ossani, ka nami imbeenne ch'ufa immullisa; waan dukana keesati d'ossani ch'ufa imbeekha; ifsalee isumati qaba.

Aayubu 10:13

Ammo amma tana ya hubad'e aka atini mala nati d'aate, d'ossaani na balleesu feetu.

Faaru 74:16

Atini halkanifi guyya uumte, aduufi jiale mid'aasite fulla isi keete.

Isaya 44:24

Anini AABBO Waaqa, ka isani baase; anumati isani uume. Anini AABBO Waaqa, ka waan ch'ufa mid'aase gubbale qofuma tiyya dirirse; gaafa anini lafa mid'aase namu na inqarqaare.