Isaya 45:12 - KITAABA WAAQA

¹² Nami lafa mid'aase nama isi irati uume anuma. Harka kiyyaani anini gubba dirirse aduufi jiaafi urjileeni harka kiyya keesa jirti.

Isaya 45:12 Referans Kwoze

Yeremia 27:5

Irreefi jabeenna kiyya guddaani anini lafafi namaafi bineensa lafa keesa jiru ch'ufa uume, lafa suni nama anini jaalad'u kenna.

Isaya 44:24

Anini AABBO Waaqa, ka isani baase; anumati isani uume. Anini AABBO Waaqa, ka waan ch'ufa mid'aase gubbale qofuma tiyya dirirse; gaafa anini lafa mid'aase namu na inqarqaare.

Isaya 42:5

Waaqi gubba uume ballise, lafafi waan keesa jirale ch'ufa mid'aase, hafuura jireenna nama keesa tau ch'ufaa kenne, Duuba ammatana AABBO Waaqi waan hojatu isaatini jed'u,

Nehemia 9:6

Jennaani worri Israeli kad'acha tana kad'ate: Ee AABBO si ch'allati AABBO Waaqa; nami gubbafi urjile uume siuma. Atini lafafi baariinifi waan keesaa jira ch'ufa uumte jireesite wonti gubba jira ch'ufti gajette si kad'ati.

Uumama 2:1

Akanaani uumami lafafi gubba ch'ufumanu qit'ae.

Yeremia 32:17

Ee AABBO Waaqa gudda, atini irreefi jabeenna kanke guddaani lafafi gubba mid'aasite. Wonti atini indandeenne tokoleeni injirtu.

Isaya 45:18

AABBO Waaqi gubba uume — Waaqi isuma! Inni lafa supe mid'aase, jabeese waan ind'umanne tolche. Inni lafa duwa imid'aasine, ammo fulla nami iti galu tolche. Ammalle inni waan jed'u, Anini AABBO Waaqa, waaqi d'ibiini injiru.

Ebrania 11:3

D'ugefachaani, aka lafti dubbi Waaqatiini uumamte beenna, aka wonti nami ilaani argu waan nami ilaani ingarre keesaa baate.

Isaya 40:28

Isani imbeetani? Isani ind'ageenne? AABBO Waaqi Waaqa haga jiru jireenna jiru; lafa ch'ufa haguma geetuuni isumati uume. Inni dad'abe illaafu. Nami tokoleeni herega isaa inhubatu.

Zekaria 12:1

Tunini dubbi AABBO Waaqi waan Israeli dubbate, AABBO Waaqi ka gubba dirirse, lafa yayabe, namale mid'aase lubbu keesa kaye. Inni waan jed'u,

Isaya 40:22

Nami uume nama barch'uma isaa ira gubba waan ch'ufaa tau; nami isa jalati didiqaate tut'i fakaata. Inni gubba aka golla ballise, aka waaro nami keesa tau tolche.

Isaya 40:12

Eenuti dandae bisaani baariini guddinna isaani haga beekha? Yokhaani eenuti dandae gubba harka ufitini d'und'uma d'aa? Eenuti dandae biyye lafaa ch'ufa muduunu tokoti deebisa? Yokhaani gaareenifi kubilele ch'ufa miisana taka irati biima?

Faaru 102:25

Atini duri lafa uumte harka keetiini gubba mid'aasite.

Qaabacha Seera 4:32

Waan dabre, ka gaafa isani ind'alatini, ka haga gaafa Waaqi nama lafati uume asi, lafa ch'ufa ke yaa, barbaada, laala. Wonti guddooni akana taka yayu taate? Nami tokoleeni taka waan akana kana yayu d'agaye?

Kitaaba Izra'aa 1:2

Wonti hayyuuni Ajemi ka Koreshi jed'ani jed'u tana: AABBO Waaqi gubbaa, yayu gudda lafa ch'ufa na tolche, ammalle waan nani jed'e, lafa Yuda keesa, dira Yerusalemu; mana naa jaari:

Aayubu 37:18

Atini dandeete Waaqa qarqaarte, gubba ballifte jabdu aka sibiila diima tolchita?

Faaru 104:2

Atini gubba aka waaro ballifte,

Isaya 37:16

Ee AABBO Waaqa, Waaqa Israeli ka barch'uma kanke ka waan lubbu qabu ka koola gubbaa jiru ira teetu, siuma ch'allati lafafi gubba uume lafafi nama ch'ufa fida.

Isaya 48:13

Anini harka kiyyaani lafa yayabe gubba dirirse. Lafafi gubbaleeni hojja anini yaamu maro tokotu d'ufte na dura ejiti.

Isaya 51:13

Isani AABBO Waaqa ka isani uume gubba dirirse, lafale yayabe ya deetani? Isani maanifi hojja ch'ufa dallansu nama isani dabse isani balleesu fed'u sodaatani? Dallansuuni worraa ammatana dandeete woma isani intolchitu.

Isaya 40:26

Me gubba ilaala, urji isani agartani tana eenuti uume? Nami uume isuma, ka isi tokotokooni gayaasu; inni haga isii imbeekha ammalle ch'ufa maquma isiitiini yaama! Irreeni isaa guddo jabdu, tanaafi urjini suni tokoleeni imbaddu!