Isaya 44:8 - KITAABA WAAQA

⁸ Insodaatina, imudamina, gumi tiyya. Isani haga duritifi haga arrale aka anini waan taha hime imbeetani? Isanileeni amma d'uga tiyya. Na male Waaqi d'ibiini injira? Waaqi irre qabu d'ibiini, ka anini imbeenne, injira?

Isaya 44:8 Referans Kwoze

Isaya 43:10

Gumi Israeli, isani d'uga tiyya; anini isani fohad'e, aka na male waaqi d'ibiini injirre hubattani. Na male waaqi d'ibiini injiru; durile injiru, takaa tanale injiru.

1 Samueli 2:2

Nami tokoleeni ka aka AABBO Waaqa qulqullo injiru; isa male tokoleeni ka nama jabeese qorqoratu injiru.

Qaabacha Seera 4:35

Wonti AABBO Waaqi waan kana ch'ufa isani garsiisefi, aka, isa male, waaqi d'ibiini injirre, isani garsiisa.

Qaabacha Seera 4:39

Tanaafi arra inded'ina qaabad'a AABBO Waaqi Waaqa gubbatiifi lafale, isa male kad'ibini injiru.

Yohana 10:30

Anaafi Abbaani kiyya nama taka.

Yohana 1:1

Duri qara fiit'e, ato lafti inuumamiini, dubbi jira. Dubbini suni Waaqa woliini jirti, dubbini suni Waaqa.

Yoeli 2:27

Duuba isani, worri Israeli, aka anini jiddu teesani jirufi aka anini AABBO Waaqa keesani, ka Waaqi d'ibiini injirre, beetani. Deebiani gumi tiyya intufatani.

Isaya 44:6

AABBO Waaqi, ka worra Israeli fide qorqoratu, AABBO Waaqi guddaani waan jed'u, Anini ka qarati, ammalle ke eegeti, ana male waaqi d'ibiini tokoleeni injiru.

Faaru 18:31

AABBO male Waaqi d'ibiini injira? Isa male siida jalati d'okhannu d'ibi inqamna?

2 Samueli 22:32

AABBO male Waaqi d'ibiini injira? Isa male siida jalati d'okhannu d'ibi inqamna?

Qaabacha Seera 32:39

Me amma ilaala, Waaqi d'uga ana, ka d'ibiini injiru. Anini ijeese jireesa, madeese fayyisa, nami tokoleeni na indabsatu.

Isaya 46:9

Waan duri tahe qaabad'a, Waaqi anuma, ka d'ibiini injiru. Anini Waaqa, nami aka kiyya d'ibiini injiru.

Danieli 6:22

Waaqi malaika ufi erge afaani nyeench'a ch'ufe, nyeench'i woma tokole na intolchine. Wonti inni akasi tolcheefi, waan anini takaa isa durati wollaala intolchinifi, ammalle sile takaa waan hamtu intolchine, ee hayyicha.

Danieli 4:25

Namaani gargari si baasani, bineensani wolti sigalchani, ganna torba akuma karaaba buuyo si nyaachisani fit'eesa keesa ala si bulchani. Duuba eegi suni atini ee jetta, aka Waaqi guddaani dandae lafafi nama ch'ufa fide, abba fed'u kennu.

Danieli 2:47

Ammalle hayyichi waan Danielini jed'e, D'uguma Waaqi kanke Waaqa Waaqa ch'ufati, ka abba hayyoota ch'ufa ka waan d'ossani ch'ufa namaa mullisu, Tanaafi atini waan d'ossani kana dandeete nati himte.

Danieli 2:28

Ammo Waaqa gubbati jira, ka dandae waan d'ossani mullisu. Inni, ee hayyicha, yayu waan taka tana taha siti hime. Anini amma oobju atini oobjateefi daayya atini hiriba keesa agartele siti hima.

Yeremia 10:7

Eenuti si guddisu dida, ee hayyu gosa ch'ufa? Guddinni waan sii male. Nami aka keeti tokoleeni lafa keesa injiru, nama qaqaro lafa ch'ufaatifi hayyootale keesa.

Isaya 48:5

Tanaafi anini duri waan isani takaa tana taatani isaniti hime, ato isiini intahini isani beesise, aka isani, waaqa nu harkaani boch'anne akheekha tolfanneti waan suni tolche injenne.

Isaya 44:2

Anini AABBO Waaqa, ka isani uume; haguma gaafa isani d'alattaniti anini ya isani qarqaare. Insodaatina isani hojatu tiyya, gumi tiyya ta anini jaalad'e fohad'e.

Isaya 43:12

Anini waan taha hime, duuba isani qarqaaru d'ufe. Waaqi d'ibiini taka waan akana kana intolchine, isani naa d'uga.

Isaya 42:9

Wonti anini fage yayu guutamte. Ammatana waan haraa, ato isiini intaane, isaniti hima.

Isaya 30:29

Ammo isani gumiini Waaqa, akuma halkani hojja jila tolfattani gammadaani sirbitani gammadaani. Isani akuma nami hojja fulludo d'ae gammade Mana Waaqa jaba Israeli d'aqu tahu, gammadaani.

Kitaaba Izra'aa 8:22

Anini sila ch'eeraafu dandae hayyichaani, askartiti farda, ta karaati nu qorqorate, nyaapa nura d'owartu nuu kenni, injed'uuni; wonti akanatiifi anini qara hayyuuni, Waaqi nama isa barbaadu ch'ufa ineebisa, ammo nama isa iraa gore, inni jibbeti gaargalcha jed'eeni.

Kitaaba Izra'aa 1:2

Wonti hayyuuni Ajemi ka Koreshi jed'ani jed'u tana: AABBO Waaqi gubbaa, yayu gudda lafa ch'ufa na tolche, ammalle waan nani jed'e, lafa Yuda keesa, dira Yerusalemu; mana naa jaari:

Qaabacha Seera 32:31

Nyaapi worraa imbeekha aka waaqi worraa laafa, ammalle waaqi worraa, haga Waaqa Israeli irre inqamne.

Qaabacha Seera 32:4

AABBO Waaqi jaba aka d'akha, ka wonti inni tolchu ch'ufti d'uga. Inni Waaqa d'uga, ka d'ugeefatani, ka qajeelafi d'ugaa tolchu.

Uumama 48:19

Ammo abbaani dide waan jed'e, Imbeekha, gurba, imbeekha. Ijoolleeni Manaseleeni gosa guddo taati. Ammo oboleesi isaa maand'ichi isa ira jabaata, ilmaani isaaleeni gosa heddu taati.

Uumama 46:3

Anini Waaqa, Waaqa abba keetiti; lafa Misiri d'aqu insodaatini; achiti gosa guddo si tolcha.

1 Yohona 1:2

Jireenni kunini mullannaani argine; tanaafi waan isaa dubbanna, ammalle waan jireenna hegeri ka Abba woliini jiru, ka nu beesisani, isaniti himna.

Ebrania 12:1

Maro nami hedduuni aka dumansa nu marse nu laalufi, nu ulfinnafi daba jabeese nu qabu ufiraa baamne, d'ogoomsu nu dura tana aka d'iira oriu malle.

Huji Ergattu 14:15

D'iiro, isani maafi waan akana kana tolchitani? Nu namuma aka keesaniti! Nu Odu Dansa isaniti hasoomna, aka waan kana ka woma intahiini iraa deebitani, gara Waaqa jireenna ka gubbafi lafafi galaanafi waan keesa jira ch'ufa uume deebitani.

Huji Ergattu 1:8

Ammo eegi Lubbuuni Qulqullooni isani ira buute jabeenna argattani, Yerusalemufi Yudeafi Samaria keesafi haga muumme lafale ch'ufa na d'ugeesitani.

Yohana 6:10

Yesoni waan jed'eeni, Biyya teteesisa. Fulla suni buuyo dansa jira. Tanaafi nami ch'ufti tatae. Nami d'iira ch'allaani kunki shani taha.

Faaru 86:10

Atini jaba, ammalle waan mama tolchita; siuma ch'allati Waaqa.

Isaya 17:10

Worra Israeli, isani ya Waaqa isani baase aka d'akha jabaate isani qorqorate deetani, fulla oobru woyyuma fach'aaftani waaqa gosa d'ibi kad'atani.

Isaya 26:4

Guyya ch'ufa AABBO Waaqa d'aabad'a, isati hojja ch'ufa nu qorqorata.

Isaya 41:23

Waan takaa tana nuti hima, duuba aka isani waaqoota sunini beenna! Waan dansa tolcha, yokhaani waan hamtuuni gadi koota; nu sodaachisa, nu mudamsiisa!

Isaya 43:11

AABBOONI anuma, ana male ka isani baasu injiru.

Isaya 45:19

Anini d'ossani indubbanne, yokhaani herega kiyya nama ind'ofanne. Anini worra Israelitini, lafa duwa keesa na barbaada injenne. Anini AABBO Waaqa, ka d'uga dubbate waan qajeela namati himu.

Isaya 48:3

AABBO Waaqi waan worra Israelitini jed'u, Anini duriyu waan taha namati hime duuba waan suni yoosu tassa tolche guute.

Faaru 18:32

Nami irre naa tahu isuma, isumati kara naa hara.

Isaya 43:9

Gosa ch'ufa wolti yaama, ha wolti baatu. Waaqooti worraa ta dandeete waan takaa tana taha himtu, eenu? Waaqooti worra sunii, ka waan amma tahu jira kana himtu eenu? waaqooti worraa sunini ha d'ugaa ufi gayaamte, duuba d'ugaani isaani suni d'ufte dubbi waaqoota isaani suni d'ugeesitu.