Isaya 44:15 - KITAABA WAAQA

¹⁵ Duuba nami mukha taka ira gama toko qoraani tolfate gama toko boch'e waaqa tolfata, ammalle gama toko ibidaani bobeese nafaani owifate qit'aani d'aabata; gama kaani d'ibi waaqa tolfate kad'ata.

Isaya 44:15 Referans Kwoze

2 Odu duri 25:14

Amaziani worra Edomu dabsate gale jennaani, Waaqa d'ara ka worri Seri kad'atu galeeni, Waaqa tolfate, kad'ate guddise hit'aana aarsefi.

Mudhii Yohaannisii 9:20

Nami lafati hafe kaani, ka gaargali kunini inijeesiini, waan harka ufitiini mid'aafatani kaani iraa indeebine, jinniifi waan harkaani boch'ani ka worqifi qarsifi saldaqafi d'akhafi mukhaani mid'aasani, ka dandae lafa ingarre, ka woma indandeenne, ka dandae indeemne, kad'achu illakimne.

Isaya 45:20

AABBO Waaqi waan jed'u, gumi gosa ch'ufaa wolti koota, isani ka nyaapa keesani jalaa baatani, wolti baha! Worri mukha boch'e waaqa tolfate sunini yau, ka waaqa dandae nama imbaamne kad'atu, worra wo beekhuniti!

Isaya 44:10

Eenuti waaqa ufi mid'aafate akheekha isaa tolfata, ka wonti sunini ufiftu woma isaa imbaane? Nama waaqa suni kad'atu ch'ufa inch'eersani.

Jaallaboota 2:19

Ammo yo jaallabi sunini duu ch'ufa worri kara duri kaaniti deebie d'aloota qara kaanile iraa hammate, Waaqa d'ibi hojatani kad'atani, aada ufi hamtu lakisu didani.

Isaya 44:14

Inni hind'eesa badda keesaa ch'ire, yokhaani gaddafi harufa badda keesaa mura. Yokhaani hind'eesa bokayaani eege oobrafa.

Isaya 44:16

Mukha suni haga toko qoraani tolfate ibidaani bobeesa; fooniini wot'alate nyaate quufa. Duuba ibida qanqamate waan jed'u, ahi badaa, owi ibida kunini akami dansa!

Isaya 44:17

Inni kuta mukha ta hafte taani fuud'e boch'e, waaqa tolfate, durati ga jed'e kad'ate, waan jed'u, Atini Waaqa kiyya, na baasi!

Isaya 46:6

Nami borsa ufi bane worqi ga jisse miisana irati qarsi biima. Tumtu worqitii hori baasani, waaqa nu mid'aasi jed'aniini; duuba durati gajed'ani kad'atani! Jennaani gurmu ira keeyatani baatani, fulla iti mid'aasani achi dad'abani, duuba inni ka inchochone artuma eja.

Isaya 2:8

Lafti worraa worra waan harkaani boch'ani kad'atanini guutamte, worri waan harka ufiitini mid'aase yaamata.