Isaya 40:2 - KITAABA WAAQA

² Gumi Yerusalemu dubbi dansa iti dubbad'a. Waan jettaniini, gaargali keesani guddaani ya hobae, daba keesani amma la isanii araaramani. Anini maro daba keesanitifi yayu guddo isani gaargalche.

Isaya 40:2 Referans Kwoze

Zekaria 9:12

Isani worri boojiani, ka amma abdi qabu, lafa teesani ta soda womatu inqamneti deebia. Anini ammatana isaniti hima, gaargala isani gaargaltani, eebaani maro lama isaniti deebisa.

Isaya 61:7

Ch'eerafi fokoni teesani ya hobaate. Lafa teesani keesa teetani hormaata keesani maro lama isanii darani, gammadi keesanileeni ka jiru jireennaa taha.

Hosea 2:14

Tanaafi anini isi sosobe lafa alootini d'ufe jaalalaani iti dubbad'a.

Mudhii Yohaannisii 18:6

Akuma isiini isani tolchite isanileeni isii tolcha, maro lama waan isiini baafte baasaafi. Farso isiini isani obaafte ta maro lama ira jabdu mudunu isiti naqa.

Yeremia 16:18

Anini maro dabaafi ch'ubbu worraatifi gati waan suni maro lama iraa fuud'a, waan worri lafa tiyya, waan harkaani boch'ani ka lubbu inqamneeni t'ureese, waaqa d'ara sunini lafa tiyya guutefi.

Isaya 44:22

Anini ch'ubbu teesani yayu aka dumansa dabarse; nati deebia, nami isani baasu anuma.

Isaya 43:25

Ammo hataatu, Waaqi daba isanii araaramu anuma, anini fed'uma tiyyafi akasi tolche. Anini deebie daba keesani isaniti inheregu.

Habakuki 2:3

T'aafad'i, wonti akanatiifi dubbini guutamu ingeenne; ammo yoi sunini fago injiru, wonti anini si garsiisu inguutamti. D'ufisi isaa hegeri, ato turele, inuma taha, ammo eeguma eegi; guyyaani sunini inuma d'ufa, inhanqatu, ammalle guddo inturu.

Yeremia 29:11

Anumati herega anini isanii qabu beekha, aka hormaatani isanii d'ufe badii isani d'owu, ammalle aka waan dansa isani abdatani ch'ufa isanii kennu.

Isaya 35:4

Waaqi ya isani baasu d'ufe, aka nyaapa keesani balleesu.

Huji Ergattu 1:7

Yesoni waan worraani jed'e, Guyyafi ganni ka Aabbooni fohate harka isaa ke jira, waan isani beekhu himmalini.

Danieli 11:35

Jaarole qalbi qabdu suni haga toko infit'ani, aka akasiini gumi taani qulqulleesani aabo d'owani. Wonti kunini haga muummeeni Waaqi kurfeese d'uftuti halkani guyya inuma taati.

Isaya 12:1

Guyyaani ind'ufa, ka nami sirbe akana jed'u: Ee AABBO Waaqa, anini si faarsa! Atini qara ya nati dallante, ammo amma dallansuuni tante ya siraa galte, atini garaa na jabeesita.

Galatia 4:4

Ammo hojjaani geennaani, Waaqi Ilma isaa erge. Haad'a namati isa d'ale, Seera Yahudi keesaa d'alate,

Isaya 49:25

AABBO Waaqi waan jed'uuni, wonti taha sunuma. Waan askartini saamte iraa fuud'ani nama nami hamani qabe harka isaa keesaa baasani. Anini nama isani had'u ch'ufa had'e ilmaani teesani baasa.

Isaya 33:24

Ammalle nami lafa teenna keesa tau deebie fayya d'aba inhimatu, ch'ubbu worrale ch'ufa inaraaramanifi.

Faaru 32:1

Ayyaana isaati, ka daba isa araaramanifi wollaala isaa biraa deemaniifi.

Zekaria 1:15

ammo gosa d'ibi ta nagayaani teetu guddo iti dallana. Wonti akanatiifi ato anini gumi tiyyati guddo indallaniini, gochiti suni gaargala gumi tiyyati guddifte.

Danieli 12:9

Isiini waan nani jette, Danieli, beeni, ufiraa deemi, wonti akanatiifi haga muummeeni d'uftuti, dubbi tana jabeesani d'ossu malani.

Danieli 12:4

Inni waan nani jed'e, Danieli, amma kitaaba ch'ufi, beesisa ira kayi, haga muummeeni d'uftuti. Nami hedduuni olgadi orie waan baratu barbaada.

Danieli 9:12

Atini waan duri intolcha jette, nuufi nama nu fide tolchite, dira Yerusalemule dira lafa keesa jiru ch'ufa ira balleesite,

Danieli 9:2

Ganna qara ka inni hayyu tahe, ato anini kitaaba qulqullo soome ganna torbatama ka badi dira Yerusalemu heregu, dubbi duri AABBO Waaqi raaga Yeremiani jed'e qaabad'e,

Yeremia 17:18

Nama na gaargalchu ch'eersi, ammo ch'eera suni na hanqisi. Worra mudamsiisi, ammo na imudamsiisini. Gaargala worratiini kooti aka hama worra hobaasi.

2 Odu duri 30:22

Hezekiani worra Lawi huji worri aka dansa AABBO Waaqa hojate suni iraa gammade aka male owise. Eegi worri guyya torba sorio qale AABBO, Waaqa ababoota isaani faarse,

Uumama 34:3

Ammo intalti sunini guddo mid'aadi arge jennaani jaalate isi dubbifate,

Isaya 6:7

ch'ile sunini hid'i tiyya tut'e waan naani jette ch'ileeni tunini amma ya hid'i sii tut'e, ch'ubbu ya sira fuud'ani, daba yayu sii araaramani.

Isaya 14:3

AABBO Waaqi gaargalaafi d'ukubsachaafi huji jajabdu worra Israeli hojachiisani ira hafuura baasafi.

Isaya 53:5

Ammo maro daba keennatifi isa woraanani, maro ch'ubbu teennatifi isaa d'aanani. Maro gaargala isaatiifi nu nagaya arganne, maro d'aanicha isatifi nu fayyisani.

Isaya 53:6

Nuuni ch'ufti aka hooliye banne, abbu kara ufi gula bahe. Ammo AABBO Waaqi ch'ubbu teenna ch'ufa isa ira kaye.

Isaya 54:15

Yo nami d'ufe si had'e anini quba inqabu; nami si had'u ch'ufti imbada.

Isaya 54:17

Ammo woraani tokoleeni dandae woma si intolchu; nama si himatu ch'ufa waan jettuuni qabda. Anini hojatu tiyya ch'ufaa kalche, waan ch'ufa worra dabsachiisa. Dubbi tana AABBO Waaqati jed'e.

Isaya 55:7

Ch'ubbichi ha kara ufi lakisu, nami hameenna gula deemu ha herega ufi garagalfatu. Inni ha AABBO Waaqa keennati deebiu. Duuba inni naheefi hurrise araaramaafi.

Isaya 66:13

Yerusalemu keesa, anini akuma haati ilmaani ufi tabsiifte bohu d'owartu, isani tolcha.

Yeremia 51:10

AABBO Waaqi waan jed'u, gumiini tiyya lalabde waan jettu, AABBO Waaqi yayu d'uga nuu galche, koota, worra Yerusalemu d'anne, waan Waaqi keenna nuu tolche iti himna.

Boha 4:22

Sionini ya gati daba ufi baafte tanaafi, AABBO Waaqi harka worra nu boojie keesaa gadi nu d'iisa. Ammo ee Edomu, AABBO Waaqi si gaargalche wollaala kanke diidati baasa.

Ezekieli 16:42

Duuba akasiini dallansu galfad'e ch'allise, ka si inhinaafne ufira taa, deebiele indallanu.

Zekaria 1:13

AABBO Waaqi malaika naani dubbatte taani dubbi dansa iti dubbate,

Faaru 85:3

Atini dallansu worrati dallante galfatte, worrati dallanu dide.

Abba herega 3:4

guyya bohanifi guyya koblani; guyya golgolatiifi guyya sirba;

Isaya 27:9

Ammo hojaani Israeli daba araaramani, hojja d'akha sorio waaqa d'araati irati baasani ch'ach'absani daara tolchani. Ammalle waan hit'aani irati aarsanifi akheekha waaqa Ashera jed'ani balleesani ch'alla.

Isaya 51:17

Ee Yerusalemu damaqi, kai oli eji! Atini muduunu AABBO Waaqi dallansuuni sii kenne ya d'udde fooqifte, machoofte dadat'eeni.

Hosea 2:16

Gaafasi isiini, D'iirsa kiyya naani jetti, deebite Baali kiyya naani injettu.

Sefania 3:15

AABBO Waaqi ya d'uga isanii galche; inni nyaapa keesani ch'ufa ya balleese. AABBO Waaqi, hayyuuni Israeli, isani woliini jira, deebitani waan hamtu insodaattani.