Isaya 30:13 - KITAABA WAAQA

¹³ Tanaafi amma wollaala qabdani. Isani naabo d'akhaa ta old'eeresani jaarani ta ammalle jidduti gargari baqate, ta ato nami imbeenne tassa jiddu, fakaatani.

Isaya 30:13 Referans Kwoze

Isaya 29:5

Ee Yerusalemu, nyaapi si had'u ch'ufti aka awaara bubbeeni fuutu fuud'ama; duuli worraa ka nama mudamsiisuleni aka buuyo bubbeeni fuutu taha. Ato nami imbeenne

Mammaasa 29:1

Nama mata jabaate gorsa fud'achu didu takaa tana imballeesani, deebie inkau.

Faaru 62:3

Isani nama akana kana, ka naabo ch'ach'abdeele ira ingoomne, haga yoomi had'u lakiftani?

1 Hayyoota 20:30

Ka hafeleeni baqate, dira Afeki duude, d'akhaani marsani dira sunini jaarani worrati jige nama kuma diddami torba hobaase. Benhadadileeni baqate, dira seene, mana toko keesati d'okhate.

Luqaas 6:49

Ammo nami dubbi tiyya d'agaye inguunne nama fulla biyye laaftuti, ato yayaba inkayiini, mana ijaare fakaata; d'awaani mana suni guddo irreeni d'oofte jennaani hojuma suni jige — jigansi mana suni waan gudda.

Matayo 7:27

Bokeeni roobe, guddo lolaase, bubbeeni bubbifte mana kaani d'oofte, mani jige. Jigisi mana suni waan gudda!

Aayubu 36:18

Ufi eegad'i gumbooni si sobde, beeseeni kara d'uga iraa si imballeesini.

Faaru 62:4

Isani fulla isaa ta guddinna ch'allati isaa gabuusu feetani; isani d'ara jaalatani. Afaani keesanini isa eebiftani, ammo garaa keesati isaa abaartani.

Mammaasa 6:15

Tanaafi badiini yoosu worrati d'ufte aka hama balleesiti.

Isaya 22:14

AABBO Waaqi guddaani waan nani jed'e, Haga worri kuni jiru ch'ubbu tana inaraaramanifi. Dubbi tana ana, AABBO Waaqa guddati, jed'e.

Isaya 26:21

AABBO Waaqi mana isaa ka gubbati d'ufuu jira, aka nama lafa ch'ufa maro ch'ubbu isaanitifi gaargalchu. Lafti d'iiga d'ossaani gubbati jissani imulifti, nama isi irati ijeesanile deebite ind'ossitu.

Isaya 30:26

Jii akuma adu ifse, aduuleeni haga duri kaani ira maro torba ifsiti; akanaani ifsaani guyya toko ifsa guyya torba fakaata. Hojja AABBO Waaqi dirmamufi mada gumi isaa hid'e, fayyisu wonti kunini ch'ufti taati.

Isaya 47:11

Ammo gaargali siti d'ufe falfala kanke ch'ufaani ufira d'owu dad'abda. Ammalle badiini tassa siqabati — ta atini taka waan isii inoobjatini!

Isaya 48:3

AABBO Waaqi waan worra Israelitini jed'u, Anini duriyu waan taha namati hime duuba waan suni yoosu tassa tolche guute.

Isaya 58:12

Worri keesani dira bade ona tahe kaani yayabuma isa ka duri kaani irati jaara: duuba akanaani worra naabo ch'abt'eefi maneeni badde jaare isaniini jed'ani.

Isaya 65:7

maro daba worraatifi ka ababoota worrale haalo baafad'a. Worri gaara irati sorio gubbaani baase kubile irati na arabse. Tanaafi anini waan worri tolche suni gula haalo baafad'a.