Isaya 26:3 - KITAABA WAAQA

³ Ee AABBO Waaqa, siumati nama si d'aabate, ka heregi isaa gara ingalle, nagaya ind'umanne, kennaafi.

Isaya 26:3 Referans Kwoze

Filipi 4:7

Nageenni Waaqaa, ka nami hubachu indandeenne, garaa keesaniifi qalbi teesani inqorqorata, Kristo Yeso keesati.

Yohana 16:33

Waan kana anini ya isaniti hime, aka na keesa nagaya argattani. Lafa keesa d'ipu argattani, ammo garaa jabaad'a! Anini ya lafa dabsad'e.

Yohana 14:27

Nagayaani taa, nagayaa kiyya isanii kenna, aki anini isanii kennu aka nami lafa woli kennuniti, garaa keesani keesa gaargaltani insodaatiina.

Faaru 9:10

Nami si beekhu, ee AABBO Waaqa, si d'ugeefata; nama siti d'ufu tokole atini indiddu.

Roomaa 5:1

Tanaafi waan maro d'ugefachatifi d'uga nu hereganiifi nu amma Waaqaani wolti nagaya qamna, maro Aabbo keenna Yeso Kristotiifi.

Isaya 31:1

Nama lafa Misiri qarqaarsa kad'achu d'aqu ya bade! Worri fardaafi gaari fardi hirkisufi askarti worraa heddu abdata. Ammo AABBO Waaqa Qulqullo Israeli, inabdatani, yokhaani qarqaarsa inkad'atani.

Mika 5:5

ammalle inni nagaya lafatini d'ufa. Hojja worri gosa Ashuru lafa teenna d'ufe had'e naabo teenna ch'ach'abse nuu dabsatu, nu jara nuu mataa jajanna had'iisaa worrati ergina.

2 Odu duri 16:8

Worri gosa Kushitifi ka Lubi, askarti heddufi gaari heddufi yaabatu fardale heddu inqabu? Ammo maro atini AABBO Waaqa qarqaarsa heregateefi inni si dabsachiise.

2 Odu duri 13:18

Duuba akanaani worri Yuda maro AABBO, Waaqa ababoota isani gula baheefi, worra Israeli dabsate.

1 Odu duri 5:20

Worri Waaqa abbadate qarqaarsa kad'ate, Waaqileeni kad'acha suni d'agaye gosa Hajiritifi goli worrale worra dabsachiise.

Isaya 48:2

Ammo ha taatu, isani kiyyibdani, Nu worra dira qulqullo keesa tau, ka AABBO Waaqa gudda Israeli d'aabbatu ufiini jettani.

Isaya 50:1

AABBO Waaqi waan jed'u, Isani waan anini gumi tiyya, aka niiti d'iirsi ufi jalaa baasu, ufi jalaa baasu seetani? Yo akasi taate tatabeeni anini ufi jalaa baaseni meeti? Isani waan anini harka nama isani boojieti isani gurgure seetani? Akuma nama ilmaani ufi tisoomaa gurguru. Hiyo akasiniti, maro daba keesanitifi isani boojiani, maro ch'ubbu teesaniifi ufi jalaa isani baasani.

Faaru 119:165

Nami Seera kanke jaalatu nagaya gudda qaba, wonti worra gufachiisa injirtu.

Isaya 12:2

AABBO Waaqi ya na baase, anini isa d'ugeefad'e woma insodaad'u inni irree jabeenna naa kenne, naa baase.

Isaya 26:12

Ee AABBO Waaqa, nami nagaya namaa kennu sii, wonti nu tolchinu ch'ufti, waan atini tolchite iraa baati.

Isaya 27:5

Ammo yo nyaapi, gumi tiyyaa qarqaarsa naraa fed'ate, worri ha qara nagaya naraa barbaaduti. Ee, worri ha nagaya barbaaduti.

Isaya 32:18

Gumiini tiyya nagayaani teete, sodaani lafa keesaa badde, finni dansaani d'ufa.

Isaya 42:6

Anini, AABBO Waaqi, si yaame irre sii kenne, aka akasiini lafti ch'ufti d'uga argattu. Maro tanteetifi anini gosa ch'ufa wold'aqisa woliini tolfad'e, ifsa gosa d'ibi ch'ufatini d'ufa.

Isaya 42:19

Nami aka ergattu tiyya balla injira? Nami aka ergattu tiyya duuda injira?

Isaya 49:8

AABBO Waaqi waan gumi ufitini jed'u, hojja guyyaani isani baasani gahu, anini isanii nahe, kad'acha teesani isanii d'agaye isani tisse isani qorqorad'e, kara keesanini gosa ch'ufa wold'aqisa woliini tolfad'a. Lafa teesani ta amma badde ona taate tana keesa deebise isani qubachiisa.

Isaya 66:12

AABBO Waaqi waan jed'u, Anini hormaata haga jiru jireennatini isii d'ufe, hormaati gosa ch'ufaa akuma laga yae inch'inne isaniti yaa. Isani daima haati hoosifate hamparte ufirati sirbisiftu fakaatani.

Danieli 3:17

Yo goola ibida keesa nu buusani, Waaqi keenna, ka nu hojannu, dandae nu baasa, ammalle inuma harka kanke keesa nu baasa, ee hayyicha.

Danieli 3:28

Hayyichi waan jed'e, Waaqa Shadrakatifi ka Meshekitifi ka Abednego faarsa! Inni malaika isaa erge, jara hojattu isaa ka isa d'ugeefate kana, baase. Worri lubbu ufi jibbaate seera kiyya ch'abse fulla gajed'e Waaqa isaani male waaqa d'ibi kad'atu.

Danieli 6:23

Hayyichi aka male gammade waan jed'e, Danieli goda suni keesaa baasa. Jennaani Danieli qulqulicha woma intahini goda kaani keesa fuud'ani, waan inni Waaqa ufi d'ugeefatefi.

Faaru 125:1

Nami AABBO Waaqa abdatu gaara Sioni fakaata, ka nami dandae chochoose imbuqimne.

Isaya 32:17

Waan nami ch'ufti d'uga gula deemuufi, lafti nagayafi finna dansa argatte, wonti ch'ufti tolti.

Isaya 50:10

Isani keesaa nami AABBO Waaqa sodaate dubbi hojatu isaa saalfatu, ka ifsa male dukanaani deemu, ka maqa AABBO Waaqa abdate, Waaqa ufi d'aabbatu eenu?

Yeremia 39:18

Anini si baase woraanaani, duu si d'owa. Waan atini na d'ugeefateefi atini lubbu baata. Nami dubbi tana jed'e ana, AABBO Waaqa.