Isaya 26:15 - KITAABA WAAQA

¹⁵ Ee AABBO Waaqa, atini ya gosa teenna daraarsite, lafa isaanile ballifte, akanaani gurra argatte.

Isaya 26:15 Referans Kwoze

Isaya 9:3

Ammo atini ya gammada gudda worra kennite, worra gammachiifte, AABBO Waaqa; worri si durati gammade, akuma nami hojja mid'aani muratuufi hojja waan boojiani qoodatu gammadu, gammada.

Yohana 17:1

Yesoni dubbi tana jennaani gubba olmillate waan jed'e, Aabbo, hojjaani ya geete. Ilma kanke guddisi, aka Ilmi si guddisu.

Yohana 15:8

Maro waan kanatifi Abbaani kiyya inguddifama, waan isani mid'aani guddo baaftaniifi; akasiini isani jara kiyya taatani.

Ezekieli 36:24

Anini gosa ch'ufafi lafa ch'ufa keesaa wolti isani guure lafa teesaniti isani galcha.

Ezekieli 5:12

Nami keesani hagi toko beelafi d'ukubaani dira keesati hobaa; hagi toko dira keesaa bahe alati goraadeeni gatani; duuba ka hafele gara ch'ufa gargari firfirse, gula deeme goraadeeni balleesa.

Yeremia 32:37

Anini worra ch'ufa lafa anini dallansu tiyyaani worra iti firfirse keesaa wolti guure fulla tanati deebise nagayaani teesisa.

Yeremia 30:19

Nama achi tau faaru d'awate gammade sirba. Anini worra daraarse, worri heddate lafa ira dabra; anini worra ulfeese deebiani worra intufatani.

Isaya 60:21

Gumiini tante ch'ufti waan d'uga tolchite, haga jiru jireenna laftileeni ta worraa tati. Anini worra oobre mid'aasa, aka nami ch'ufti guddinna kiyya argu.

Isaya 44:23

Ee gubba gammadaani sirbi! Ee lafa, lalabi! Ee gaareeni, gammadaani sirba, mukeeni baddaleni ch'ufti ha sirbitu! Wonti akanatiifi AABBO Waaqi Yakobo baase, Israeli keesa guddinna ufi garsiise.

Isaya 33:17

Isani takaa hayyu miha isaa ka hayyuma dadansa naqate lafa ballo muumme inqamne fidu agartani.

Nehemia 9:23

Atini ilmaani heddu aka urji gubba jirtu worraa kennite, lafa ababoota worrati kakhate harka worrati kennite, keesa qubsiifte.

Qaabacha Seera 10:22

Gaafa ababooti teesani lafa Misiriti godaante, worri nama torbatama ch'alla, ammo amma AABBO Waaqi keesaani ya isani daraarse, aka urji garaa waaqa isani tolche.

Henna 23:10

Ilmaani Israeli awaara fakaatti — eentu dandae worra heda? Muummeeni jireenna kiyya ha aka gumi Waaqa tana taatuti: Anini ha aka worra d'uga nagayaani duuti.

Uumama 12:2

Anini ilmaani guddo sii kenna, ta gosa guddo taatu. Anini si eebise maqa dansa sii kenna, aka maqa kanketiini namaa eebisani.

Luqaas 21:24

Worra gari sheeftini fit'ani, ka hafele boojiani lafa d'ibi geesani. Gochiti d'ibiini d'ufte Yerusalemu ira ejaanjatti haga guyyaani isii hobauti.

Isaya 10:22

Ato amma tana worri Israeli heddu aka maansa galaanaa taatele, nama diqaati deebia. Baddi worraa malte ya hereganifi.

Isaya 6:12

Anini gumi suni fageese, lafa ch'ufa duwa tolcha.

2 Hayyoota 23:27

Jennaani AABBO Waaqi waan jed'e, Akuma qara Israeli gusse Yudale fuula kiyya duraa gussa. Ammalle Yerusalemu dira anini fohad'eefi mana kiyya ka anini maqaani kiyya ha keesa jiraatu jed'elle imballeesa.

2 Hayyoota 17:23

Duuba eege AABBO Waaqi fuula ufi duraa worra balleese akuma inni duri raagoota isatini jed'e. Duuba akanaani worra Israeli boojiani lafa Ashuru geesani haga arrale worri achuma jira.

2 Hayyoota 17:6

ka ammalle haga Hosheani lafa mohate ganna sagali, hayyuuni Ashuru dira Samaria dabsate, worra Israeli boojie, lafa Ashuru geese, ka gari dira Hala geese, ka gari d'aatu galaana Habori, ka lafa Gozani, geese, ka gari dira worra Medi geese achiti qubsise.

1 Hayyoota 8:46

Hojja worri kanke siti ch'ubbame — qarale nami ch'ubbu intolchine injiru — duuba atini dallansu keesa harka nyaapati worra kennite, nyaapi suni worra boojie lafa d'ibiti geese, ato lafti suni fagole taate,

Qaabacha Seera 28:64

AABBO Waaqi lafa ch'ufa keesa haga muumme lafaa gargari isani firfirse, achiti waaqa d'ibi, ka mukhafa d'akha iraa mid'aasani kad'attani, ka isanifi ababooti teesani taka inkad'atiini.

Qaabacha Seera 28:25

AABBO Waaqi harka nyaapa keesaniti isani kenne, nyaapi keesani isani dabsata. Isani qajeela toko d'uftani worra haatani, qajeela torba duraa baqattani, ammalle gochiti lafa ch'ufti, yo waan isani tolchani kana agarte, mudamte isani ira naati.

Uumama 13:16

Anini d'aloota kanke daraarse aka biyye tolcha; yo dandaani biyye hedani d'aloota keetile hedani.

Aayubu 12:23

Inni gosa jabeese irre kennaafi, ammo eege gosa suni firfirse balleesa.

Isaya 40:5

Duuba guddinni AABBO Waaqa mullate nami ch'ufti arga. Nami dubbi tana jed'e AABBO Waaqa.