Isaya 21:9 - KITAABA WAAQA

⁹ Jennaani hojuma suni nami fardo yaabatu lama lamaani gad'ufe. Nami lafa eeguleeni iyye waan jed'u, Babiloni ya badde! Yaabadde! Wonti harkaani boch'ani ka worri kad'ate kaani ya lafa jidde ch'ach'abde.

Isaya 21:9 Referans Kwoze

Mudhii Yohaannisii 18:2

Isiini qonqo guddooni lalabde waan jette, Isiini ya jidde! Babilonini guddooni ya jidde! Isiini yayu teesuma Sheet'anafi ta jinni hamtu taate. Simpirreeni hamtuuni ta jibbani ch'ufti isii ke galti.

Mudhii Yohaannisii 14:8

Malaikaani d'ibiini ta qara taani gula deemte, qonqo guddooni waan jette, Ya jige, ya jige, Diri Babiloni guddaani! Inni daad'i ufi gosa ch'ufa obaase macheese — daad'i hamtu ta d'araa isaa.

Yeremia 51:8

Diri Babiloni tassa jige bade! Bohafi! Maddaa isaa qorsa iti barbaada, hegeri infayyiti.

Yeremia 51:44

Anini waaqa Babiloni ka Beli, jed'ani balleese waan inni saame guurate ch'ufa iraa buuse, aka gochiti tokoleeni deebite isa iyyaamanne tolcha. Naaboni Babiloni ya ch'ach'abt'e.

Isaya 13:19

Lafti Babiloni lafa ch'ufa ira mid'aadu, mid'aaguma isii suni nami isii ch'ufti mataani d'aaba. Ammo anini, AABBO Waaqi, akuma Sodomafi Gomora balleese Babilonile balleesa!

Mudhii Yohaannisii 18:21

Jennaani malaikaani guddooni toko d'akha haga d'akha daakhu fuute, galaana keesa buufte waan jette, Dira gudda Babiloni akanuma fuud'ani galaana keesa buusani, aka nami deebie ingarre.

Yeremia 51:64

Waan jettu, Tunini waan Babiloniti d'ufaati — isiini akana lit'i, deebite oli imbaatu waan AABBO Waaqi badi itiini d'ufufi, isiini akasi taati. Dubbini Yeremia asi buufatti.

Yeremia 51:52

Tanaafi waan anini jed'u, Guyyaani ind'ufa, ka anini waan harkaani boch'ani, ka worri Babiloni kad'atu, ch'ufa balleese nami madaleeni ch'ufti lafa suni keesa waachaa yau.

Yeremia 51:47

Duuba amma hojaani ya geete, ta anini waaqoota Babiloni, ta d'ara, balleese, lafa ch'ufa ch'eerse nama ch'ufa hobaasu.

Yeremia 51:27

Akheekha diraani haatani garsiisa! Magalata aka gochiti ch'ufti d'ageetu d'aa. Gosa ch'ufa had'iisa Babiloniti kurfeesa! Worra lafa Araratitifi Minitifi ka Ashkenazitini, Had'a jed'a. Worra suni abba duula iti tolcha. Fardoole aka tuuta awaanisaa gabaasa.

Yeremia 50:42

Worri t'iyaafi goraade fud'ate d'ufuu jira, worri hamama naasu inqamne. Worri hojja farda isaani yaabate gulufu aka d'awa galaana dibbisa. Ammalle worri kurfo jira, aka Babiloni had'u.

Yeremia 50:38

Oolaani ha iti buute, galaani isii ch'ufti gogoguti. Babilonini lafa akheekha waaqoota d'ara ka nama mudamsiisa qabdu, ka biyya daallese.

Yeremia 50:29

T'iyoleeni, Babiloni had'a jed'a. Nama t'iyaafi guubeeni woi had'u beekhu ch'ufa yaama. Dira marsa, nama baqachu fed'u, d'owa. Waan isiini tolchite isumati deebisa, woma isiini nama tolchite isiile tolcha; wonti akanatiifi isiini ana, qulqullo Israeliti kiyyibde.

Yeremia 50:9

Anini gosa jajabdu mirgaa jirtu kaase, Babiloni haasisa. Worri had'iisaa ejaanje, lafa had'e dabsata. Worri sunini guddo t'iyaani woi had'u beekha, yo darbatu woma ind'abu.

Isaya 14:4

Hojja inni akasi tolchu worri ha hayyu Babiloni goyeese waan jed'u: Hayyuuni nama dabsu ya bade, deebie nama indabsu!

Isaya 21:7

Hojja inni nama farda yaabatu ka lama lamaani d'ufufi nama harreefi gaala yaabatu argu, inni ha aka dansaa ilaale mid'aafatuti.

Isaya 47:5

AABBO Waaqi waan Babilonini jed'u, Dukana keesati ch'allisi tai; deebiani hayyiti lafa ch'ufa siini injed'ani!

Isaya 47:9

Ammo d'iotu guyya tokotu, gaargali si qabate, ato haga feetu falfala tolfattele d'iirsafi ilmaanile d'abda.

Isaya 48:14

Isani ch'ufti wolti baha, na ch'aqasa! Waaqi tokoleeni, ka aka nami anini fohad'e kunini Babiloni had'u fage injiru; nami suni waan anini fed'u male waan d'ibi intolchu.