Isaya 19:21 - KITAABA WAAQA

²¹ AABBO Waaqi worra Misiri ufi garsiise, duuba worrileeni isa hubate, isa yaamate, soriofi waan d'ibi isaa baasanini d'ufa. Ammalle worri isati kakhate kakhu suni guuta.

Isaya 19:21 Referans Kwoze

Malaki 1:11

Maqaani kiyya, gosa ch'ufa durati, ka haga muumme lafa tana eje taaniti eju, inguddata. Ammalle fulla ch'ufa maqa kiyyafi hit'aana aarsani sorio qulqullo baasani. Wonti akanatiifi maqaani kiyya gosa ch'ufa durati gudda.

Isaya 11:9

Gaara Waaqaa qulqullo Sioni gubbati nami waan hamtu woli intolchu. Akuma baariini bisaani guutani. Akasuma laftileeni beekha AABBO Waaqatini guutamti.

1 Petro 2:9

Ammo isani gosa Waaqi fohate, qaalole hayyuti, gosa qulqullo, gumi Waaqaati, ta aka huji Waaqa ta mama odeesitaniifi fohatani, ka dukana keesaa ifsa isaa ka mamaati isani yaame.

1 Petro 2:5

Aka d'akha jiru koota, aka mana lubbutiini isani jaarani, aka qaalole qulqullo taatani, sorio dansa ta Waaqi fed'u Aabbo Yeso Kristo keesa baaftani.

Yohana 17:3

Ammalle jireenni hegeri kana: aka atini Waaqa tokocha d'uga si beekhani, Yeso Kristole ka atini ergite beekhani.

Sefania 3:10

Lafa Kushi ta ind'iaannele keesa gumiini tiyya ta achi jirtu woini na d'ufti.

Habakuki 2:14

Ammo akuma bisaani baariini guutani, akasuma lafti beekhuma guddinna AABBO Waaqatini guutamti.

Yona 1:16

Duuba worri kaani guddo AABBO Waaqa sodaate sorio baaseefi, ammalle aka isa kad'atu iti kakhate.

Isaya 56:7

Anini Sioni, gaara kiyya qulqullooti, isani geese, Mana kiyya ka iti na kad'ataniti isani gammachiise, sorio isani naa baaftanile isani iraa fud'ad'a. Mana kiyyaani, fulla gochiti ch'ufti Waaqa iti kad'atu jed'ani.

Isaya 55:5

Isani gosa qara imbeenne yaamtani; worri qara isani imbeekhu ammo amma tana orie gara keesani d'ufa! Waan kana ch'ufa ana, AABBO Waaqa keesani, Waaqa qulqullo Israeliti, tolche, anini ulfinnaafi guddinna isanii kenna.

Isaya 44:5

Nami toko, Anini ka AABBO Waaqa ufiini jed'e, ka d'ibileeni, Anini ka Yakobo ufiini jed'a, Ka d'ibileeni harka ufi irati, Anini ka AABBO Waaqa jed'e t'aafe, maqa Israelitini ufi yaama.

Isaya 37:20

Ammatana ee AABBO Waaqa keenna, harka worra Ashuru kana keesaa nu baasi, duuba akasiini gochiti lafa keesa jirtu ch'ufti aka atini ch'allaani AABBO Waaqa beeti.

Abba herega 5:4

Yoyu atini Waaqa wo kakhatte, kakhu suni hurrisi guutiifi; inni daalle woma ira inqabu, tanaafi atini waan kakhatte suni guutiifi.

Faaru 67:2

aka lafti ch'ufti fed'i tante beete, gochiti ch'ufti baafama kanke hubatu.

1 Hayyoota 8:43

kad'acha isaa d'agayifi. Gubba fulla worra keetiti isaa ch'aqasi, waan inni fed'u guutiifi aka gochiti lafa keesa jirtu ch'ufti si beete sii saalfatu, akuma worra kanke ka Israeli. Duuba akanaani worrileeni imbeekha, aka Mani anini jaare kunini fulla iti si kad'atani.

1 Samueli 17:46

AABBO Waaqi guyyuma kana harka kiyyati si kenne anini sii d'ae mata sira kuta. Ammalle reefa askarti Filisti allaatiifi bineensa ala nyaachisa. Duuba akasiini nami lafa keesa jiru ch'ufti, aka Israeli keesa Waaqi jiru, beekha.

Faaru 61:8

Akanaani anini hojja ch'ufa maqa kanke faarse, guyya ch'ufa kakhu anini siti kakhad'e guuta.

Faaru 68:31

Nama hayyuuni erguti lafa Misiriti d'ufa; gochiti Kushileeni harka olqabate Waaqa kad'ati.

Isaya 11:11

Gaafasi Aabbooni ammalle harka ufii d'eerefate, nama isaa ka lafa Ashurutifi Misiritiifi, Pathrositifi Kushitifi Elamutifi Babilonitifi Hamathitifi lafa d'aatu baariinitifi lafa bisaani baariini jiddu jirtu keesati hafe, galcha.

Isaya 27:13

Guyya suni magalata d'aani, worra Israeli ka, qara boojiani lafa Ashurutifi lafa Misiriti geesani, yaamani gadi deebisani. Duuba worri d'ufe gaara isaa ka woyyuma irati, Yerusalemu keesa, AABBO Waaqa kad'ata.

Isaya 45:14

AABBO Waaqi waan Israeliini jed'u, Horiini lafa Misiritiifi ka lafa Kushi keesani tahe, worri d'ed'eeraani lafa Seba tisse isanii taha: worri suni ka sansalatani hid'aani isani gula yaa. Worri isani durati jilbifate waan jed'u, D'uguma Waaqi isani woliini jira, isa male waaqi d'ibiini injiru.

Isaya 49:7

Waaqi qulqullooni Israeli, ka worra baasu, waan nama tufatani, ka gochiti ch'ufti jibbite hayyooti hojattu tolfateeni jed'u: Hayyooti si agarte, si dura kaate, sii saalfati; ilmaani hayyootaleeni akasi agarte si durati gajejette si guddifti. Wonti woni kunini taatufi waan AABBO Waaqi hojatu ufi fohate Waaqi qulqullooni Israeli kakhu ufi guutufi.

Isaya 60:7

Hooliye Kedaritifi ta Nebayothi ch'ufa sitiini d'ufani, sorio qalani waan mesa fakaata irati baasani, AABBO Waaqa gammachiisani. AABBO Waaqi mana isaa haga qara kaani ira mid'aasa.

Isaya 66:23

Jila baatitiifi ta Sabato ch'ufa nami gosa ch'ufaa wolti bahe arma Yerusalemu keesati na kad'ata.

Faaru 68:32

Gosa lafa ch'ufa, sirba AABBO Waaqa, ka haguma duriti gubbaa tau, faarsa, aka inni qonqo guddooni lalabe iyyu, ch'aqasa.