Isaya 1:7 - KITAABA WAAQA

⁷ Lafti teesani ya bade, dira keesani ch'ufa ya ibidi gube, ato isani agartanu nyaapi d'ufe lafa teesani fud'ate waan ch'ufa balleese ona tolcha.

Isaya 1:7 Referans Kwoze

Boha 5:2

Horini keenna ch'ufti harka nyaapa jira, nama gosa d'ibiiti worra keennati gala.

Qaabacha Seera 28:43

Keessumani lafa teesani keesa teetu hormaata gula oldeemti, ammo isani gadi deemtani.

Qaabacha Seera 28:33

Gosa isani imbeenneti mid'aani isanii iti gaargaltani qotattani isani iraa saame nyaata, ka nami hojja ch'ufa isani dabse aka hama isani gaargalchu.

Hosea 7:9

ammo aka abdiini worri gosa d'ibi abdate suni worra laafiftu imbeekhani. Worri ya jaare arri baase, ammo akasile ufi inargu.

Ezekieli 30:12

Anini galaana Nile gosse, lafa Misiri harka worra ch'ubbu qabuti kenne nami gosa d'ibileeni lafa suni ch'ufa had'e balleesa. Nami dubbi tana jed'e ana, AABBO Waaqa.

2 Odu duri 28:5

Waan hayyu Ahazini waan hamtu suni taheefi, AABBO Waaqi isa harka hayyu Shamuti isa kenne. Hayyuuni sunini isa dabsate nama Yuda heddu boojie dira Damaskiti galche. AABBO Waaqi hayyu Israeli, ka Peka ilma Remalia jed'ani, Ahazi dabsachiise, duuba inni guyya toko keesa askarti Yuda jajanna nama kuma d'ibbafi diddama fit'e. Wonti AABBO Waaqi nyaapa suni worra Yudati lakiseefi waan worri isa dide Baali gula baheefi.

Hosea 8:7

Qilleensa fach'aasani, bubbe muratani! Dargayeeni oobru keesa jirtu, ta mata inqamne, sagale imbaaftu. Ato baaftele, nyaapumati nyaata.

Yeremia 6:8

Worra Yerusalemu, wonti kunini ha gorsa isanii taatu, yokhaani anini isani biraa deeme dira keesani lafa gamooji ta nami keesa inteenne, tolcha.

Yeremia 2:15

Nyaapi sunini aka nyeench'a worrati itane, lafa worraa balleese, diri worraleeni bade, ona tahe lafati hafa.

Isaya 34:9

Bisaani galaana Edomu garagalani gogogani, biyyeeni isiileeni garagalte dillo taate, lafti ch'ufti aka kosi gubani gubati.

Isaya 9:5

Kobele worra duulaatiifi woya isaani, ta d'iigi balleese, ibidaani gubani.

Isaya 6:11

Jennaani anini waan jed'eeni, Aabbo wonti kunini haga yoomi taati? Inni waan naani jed'e, Haga dira ch'ufa balleesani ona tolchani, maneeni ch'ufti duwa taate, oobruuni, ch'ufti badde raasa taatuti.

Isaya 5:17

Dira bade ona tahe kaani keesa hooliyeeni marra d'eedde laleesileeni achi tikhata.

Isaya 5:9

Anini AABBO Waaqa gudda, ka dubbi tana jed'u, d'agaye: Maneeni gugurdoni tunini ch'ufti ona taati.

Faaru 107:39

Gaafa gumi Waaqaa dabsani gaargalchani akanaani dabsatani ch'eersani.

Faaru 107:34

Inni maro ch'ubbu worra achi tautiifi lafa biyye dansa garagalche, lafa aloo ta soodda ch'alla tolche.

Lawi 26:34

Duuba lafti boqoto ganna Sabato ka isani d'owartani, argate iraa gammadi; isiini onte ufumaa teete hafuura baafati, ka isani lafa nyaapa keesani keesa teetani.

Lawi 26:33

Anini gosa d'ibi keesa isani firfirse achileti woraana isaniti buusa. Lafti teesani badde, diri keesanileeni ona taha.

Qaabacha Seera 29:23

Oobruuni teesani adaala, ta d'akha daalachafi soodi ch'allaani gubba jiru. Woma tokole imbaaftu ya bade. Lafti teesani aka dira Sodomafi Gomorafi Admafi Seboimu taati, ka AABBO Waaqi, gaafa aka male dallane kaani balleese.

Faaru 109:11

Nami gati isaa qabu ha waan isaa ch'ufa fud'atuti. Nami inni fuula imbeenne, ha waan inni hojate horate ch'ufa guuratuti.

Isaya 1:8

Dira Yerusalemu ch'allati hafa, ka nyaapi marse had'uu jiru. Inni qarqaarsa d'abe, hoosa hojatu oobru zabibutifi yokhaani mana oobru bododa keesa jaarani fakaata.

Isaya 3:8

Yerusalemuni ya badde, Yudaleeni jiguu jirti! Worri waan hojatufi waan dubbatu ch'ufa keesa Waaqaani morka; worri diiduma keesa Waaqa didu jira.

Isaya 9:18

Ch'ubbuuni gumi aka ibida bobeete, mukha qoraatitiifi mogorele gubde, akuma ibida badda gubu, ka aari guddaani keesaa olbahu taati.

Isaya 49:19

Lafti tante qara ya badde ona taate ammo amma diqaate nama d'ufe iti qubatu fuud'u dad'abdi. Ammalle worra si balleese ona si tolche kaani siraa fageesani balleesani.

Isaya 60:15

Deebiani si jibbani aka dira bade ona tahe si biraa ingodaanani. Anini dira gudda mid'aaga si tolcha, ka hagu jiru jireenna nami keesati gammadu.

Isaya 62:8

AABBO Waaqi yayu kakhu jabdu kakhate, jabeenna ufitini kakhu suni guuta: nyaapi kanke deebie mid'aani kanke inyaatu, nami gosa d'ibileeni deebie daad'i atini mid'aasite ind'ugu.

Isaya 64:10

Diri kanke qulqullooni ch'ufti ya bade lafa aloo tahe; Yerusalemuleeni ya badde ona taate,

Yeremia 4:7

Akuma nyeench'i goda isaa keesaa bahu, akasuma nami gosa ch'ufa balleesu ya gabahe. Inni lafa Yuda balleesu d'ufe. Diri Yuda bade ona taha, nami iti galu injiru.

Yeremia 7:34

Anini dira Yudatifi kara Yerusalemu keesa, qonqo gammadaatifi ta qilit'ama, yokhaani gammada guyya fuud'a balleese, lafale duwa tolcha.

Yeremia 44:6

Tanaafi anini nama dira Yudatifi nama kara Yerusalemu gula yau ch'ufa iti dallane ibida iti tahe. Duuba dirafi karaani sunini bade ona tahe, haga arrale nami argu irruma rifata.

Ezekieli 25:4

Waan isani waan suni jettani gammaddanifi, anini harka gosa lafa gamooji ta ilaboru keesaa d'uftuti isani kenne, worri isani dabsata. Worri bulto jaarate achi qubata, mid'aanifi aanani isani sila nyaatani d'uddani nyaate d'uga.

Mika 5:11

Anini dira keesani balleese waan isani nyaapani ufiraa d'owartani jaartani ch'ufa ch'ach'absa.

Mika 6:13

Tanaafi anini amma maro daba keesanitiifi isani balleesa.